دفترخارجہ کا خوشاب میں تیسرے ایٹمی ری ایکٹرکی تعمیر کی رپورٹ پر محتاط ردعمل ،تصدیق یاتردید کرنے سے انکار

اسلام آباد (ایف اے آئی) دفترخارجہ نے خوشاب میں تیسرے ایٹمی ری ایکٹرکی تعمیر کی رپورٹ پر محتاط ردعمل کا اظہارکرتے ہوئے اس کی تصدیق یاتردید کرنے سے انکارکردیاہے۔دفترخارجہ کی ترجمان تسنیم اسلم نے جمعہ کو ایک نجی ٹی وی سے گفتگو کرتے ہوئے کہاکہ نئے ری ایکٹرکی تعمیر سے متعلق امریکی تھنک ٹینک کی رپورٹ کوئی نئی بات نہیں ہے۔اس قسم کی خبریں آتی رہتی ہیں۔ پچھلے سال جولائی میں بھی ایسی خبریں آئی تھیں۔ پاکستان کا ایٹمی ہتھیاروں کا پروگرام کام کررہاہے اور خوشاب میں ایٹمی تنصیبات موجود ہیں۔ یہ کوئی نئی خبر نہیں اور کسی کو اس معاملے سے غرض نہیں ہونی چاہئے۔ انہوں نے کہا کہ جہاں تک اس منصوبے کی تفصیلات کا تعلق ہے تو ہم اپنے ایٹمی ہتھیاروں کے پروگرام پر کوئی تبصرہ نہیں کرتے جس میں کوئی بھی ہونی والی نئی پیشرفت بھی شامل ہے۔انہوں نے کہاکہ خوشاب ایک مشہور ایٹمی سائٹ ہے اور پاکستان 1988 ء کے معاہدے کے تحت ہر سال2 جنوری کو اپنے ایٹمی پروگرام کی تفصیلات کا بھارت کے ساتھ تبادلہ کرتا ہے۔

Share

Leave a Reply