Urdu News

Urdu News…The 3rd Largest Online Urdu Newspaper

Urdu News header image 4

Entries from September 13th, 2007

تمام اداروں کی تباہی کے بعد فوجی حکمران اور ان کے حلیف عدلیہ پر حملہ آور ہو رہے ہیں ۔قاضی حسین احمد

September 13th, 2007 · No Comments · پاکستان

٭۔ ۔ ۔ بے نطیر بھٹو امریکی و فوجی حمایت سے پاکستان آئیں تو پرویز مشرف کی صف میں شامل ہو جائیں گی

٭۔ ۔ ۔ نواز شریف کی جلا وطنی آئین و قانون کے خلاف اور عدالت عظمی کے فیصلے کی توہین ہے۔

لاہور(ثناء نیوز )متحدہ مجلس عمل کے صدر و امیر جماعت اسلامی پاکستان قاضی حسین احمد نے کہا ہے کہ تمام اداروں کی تباہی کے بعد فوجی حکمران اور ان کے حلیف عدلیہ پر حملہ آور ہو رہے ہیں ۔ غنڈہ گردی سے بنیادی انسانی حقوق پامال کئے جارہے ہیں ۔ غیر ملکی مداخلت سے قومی سلامی خطرے میں ہے ۔ آزادی و خود مختاری گروی رکھ دی گئی ہے ۔ پرویز مشرف قومی مجرم ہیں ۔ اے پی ڈی ایم بڑے پیمانے پر تحریک چلا کر 10 ستمبر کی کوتاہی کا ازالہ کرے گی ۔ بے نطیر بھٹو امریکی و فوجی حمایت سے پاکستان آئیں تو پرویز مشرف کی صف میں شامل ہو جائیں گی ۔ قوم اس اتحاد کو قبول نہیں کر ے گی ۔ انہیں اپنے رویے پر نظرثانی کر کے فوجی آمر کے مقابلے میں قوم کا ساتھ دینا چاہیے ۔ ان خیالات کا اظہار انہوں نے ایک غیر ملکی نشریاتی ادارے سے گفتگو کرتے ہوئے کیا ۔قاضی حسین احمد نے کہا کہ نواز شریف کی جلا وطنی آئین و قانون کے خلاف اور عدالت عظمی کے فیصلے کی توہین ہے ۔ انہوں نے کہا کہ حکومتی سطح پر توہین عدالت تشویناک ہے ۔ عدلیہ کے فیصلوں پر اثر انداز ہونے اور آزادانہ فیصلوں سے روکنے کے لئے حکومتی پشتیبانی میں عدالتوں پر حملے ہو رہے ہیں ۔ وکلا کو قتل کیا جا رہا ہے ۔ خفیہ ایجنسیاں حکومت مخالف وکلااغوا کر کے تشدد کا نشانہ بنا رہی ہیں ۔ بندوق کے زور پر بنیادی انسانی حقوق پامال اور وکلاء ، صحافیوں ، سول برادری اور عوام کو ہراساں کرنے کی کوشش کی جار ہی ہے ۔ انہوں نے کہا کہ سیاسی جماعتیں اور پولیٹیکل ورکر حکومتی ہتھکنڈوں کا ڈٹ کر مقابلہ کریں گے ۔ انہوں نے کہا کہ ہم کراچی اور پشاور میں وکلاء کو تشدد کا نشانہ بنانے کی مذمت کرتے ہیں ۔ قاضی حسین احمد نے کہا کہ پرویز مشرف نے 2000 ء میں نواز شریف کو جلا وطن کر کے پاکستانی قانون کی خلاف ورزی کی اب دوسری بار ملک بدر کر کے انہوں نے ملکی قانون اور عدلیہ کے فیصلے کا مذاق اڑایا ہے ۔ انہوں نے کہا کہ جنگل کے قانون سے بڑی برائی اپنے شہری کو کسی اور ملک کے حوالے کرنا ہے ۔ نواز شریف کے خود جلا وطنی اختیار کرنے کا حکومتی پروپیگنڈہ جھوٹا ہے ۔ شواہد بتاتے ہیں کہ انہیں زبردستی جلا وطن کیا گیا ۔ انہوں نے کہا کہ پرویز مشرف نے سارے کھیل کی پلاننگ کی اورسعودی عرب کو مداحلت اور نواز شریف کو اپنے ہاں رکھنے پر مجبور کیا ۔ انہوں نے کہا کہ 16 ستمبرکو اے پی ڈی ایم کے اجلاس میں ؤئندہ کی حکمت عملی تیار کی جائے گیاور تمام جماعتیںبڑے پیمانے پر تحریک چلا کر 10 ستمبر کو کوتاہی کا ازالہ کریںگی ۔ ایک سوال کے جواب میں قاضی حسین احمد نے کہا کہ چیف آف آرمی سٹاف کی حکومت کی صورت میں ملک پر مارشل لاء مسلط ہے ۔ پرویز مشرف تمام امور کے ذمہ دار ہیں ۔ انہوں نے کہا کہ فرد واحد کے بجائے ملک پر آئین و قانون کی حکمرانی ہوتی تو امریکہ سمیت کسی ملک کو پاکستان کے اندرونی معاملات میں مداخلت کی جرات نہ ہوتی ۔ انہوں نے کہا کہ عملا ملک پر امریکی حکمرانی ہے ۔ انہوں نے کہا کہ سعودی عرب نے نواز شریف کو لے جانے کے لوے فوج اور پولیس نے بھیجی تھی ۔ پرویز مشرف نے دباؤ ڈال کر سعودی عرب حکومت کو اس معاملے میں شریک کیا ۔ ایک اور سوال کے جواب میں قاضی حسین احمد نے کہا کہ بے نظیر بھٹو امریکی و فوجی حمایت سے پاکستان آئیں تو مشرف کی صف میں شامل ہو جائیں گی اس سے انہیں کوئی نیک نامی نہیں ملے گی ۔ قوم اس اتحاد کو قبول نہیں کرے گی ۔ انہوں نے بے نظیر بھٹو کو مشورہ دی کہ وہ اپوزیشن کے ساتھ آکر جمہوری جدوجہد میں شامل ہو جائیں ۔

Tags:

اوکاڑہ پرائیویٹ ہسپتال کے ڈسپنسر نے آپریشن سے پیدا ہونے والا دو دن کا بچہ اغوا کر کے فروخت کر دیا

September 13th, 2007 · No Comments · پاکستان

اوکاڑہ(ثناء نیوز )اوکاڑہ کے نواح میں پرائیویٹ ہسپتال کے ڈسپنسر نے آپریشن سے پیدا ہونے والا دو دن کا بچہ اغوا کر کے فروخت کر دیا ۔ کم سن مغوی کی والدہ کادرجنوں رشتہ داروں کے ہمراہ ڈی ایس پی کے سامنے احتجاج، خواتین کی سینہ کوبی ، آہ و بکا، پولیس نے اغوا کا مقدمہ درج کر کے ملزم گرفتار کر لیا ۔ ڈی ایس پی نے تفتیشی آفیسر کو سات روزکے اندر بچہ برآمد کرنے کا حکم دے دیا۔ تفصیلات کے مطابق اوکاڑہ کے نواحی قصبہ 10 ون آرکا رہائشی محمد الیاس ولد نور محمد اپنی اہلیہ کو ڈلیوری کیس کے سلسلہ میں پرائیویٹ مقامی ہسپتال رینالہ لے کر آیا جہاں پر ڈاکٹر شوکت کیک نگرانی میں الیاس کی اہلیہ عابدہ پروین کا بڑا آپریشن کیا گیا جس سے لڑکا پیدا ہوا ۔ والدین مبارکباد دیتے ہوئے خوشی سے مٹھائیاں تقسیم کرنے لگے دور روز بعد اچانک بچے کی طبیعت خراب ہو گئی رات کے وقت ہسپتال کے ڈاکٹر شوکت نے بچے کو آکسیجن اور ڈرپ لگا کر ڈسپنسر صفدر کے حوالے کر دیا بچے کی والدہ عابدہ پرویّ سو گئی رشتہ داروں کے آنے پر بچہ غائب تھا ۔ ڈسپنسر سے استفسار کیا گیا تو وہ تسلی بخش جواب نہ دے سکا۔ ڈی ایس پی صدر یونس بٹ نے اطلاع ملنے پر فوری نوٹس لیتے ہوئے دو دن کے بچے کے اغواء کا مقدمہ درج کر کے ملزم ڈسپنسر صفدر کو گرفتار کر لیا ۔ گزشتہ روز مغوی بچے کی والدہ عابدہ پروین اس کے شوہر الیاس نے درجنوں رشتہ دار مرد و خواتین کے ہمراہ ڈی ایس پی صدر یونس بٹ کے سامنے شدید احتجاج کیا ۔خواتین نے آہ و بکا اور سینہ کوبی کرتے ہوئے موقف اختیار کیا کہ ملزم صفدر نے دو دن کے بچے کو فروخت کر دیا ہے ۔ پولیس نے ڈسپنسر صفدر کو گرفتار تو کر لیا ہے لیکن اسے خواتین کے بقول تھانہ سٹی رینالہ میں مہمان بنا کر رکھا گیا ہے ۔ ڈی ایس پیک صدر یونس بٹ نے مقدمہ کے تفتیشی کو حکم دیا کہ سات یوم کے اندر بچہ برآمد کیا جائے ورنہ اس کے خلاف سخت کارروائی ہو گی ۔ ڈی ایس پی کے دفتر میں بچے کی ماں کی چیخ و پکار نے ماحول کو افسردہ بنا دیا ۔

Tags:

بھارتی ریاست بہار ایک دفعہ پھر سیلاب کی لپیٹ میں٣٦ افراد ہلاک ٤ اضلاع کا رابطہ باقی ریاست سے مکمل منقطع ہو گیا

September 13th, 2007 · No Comments · پاکستان

گوہاٹی(ثناء نیوز) بھارتی ریاست بہار کے ضلع سمستی پور کے سیلاب سے متعلق مختلف واقعات میں گزشتہ 24 گھنٹے کے دوران 8 افراد ڈوب کر ہلاک ہو گئے اطلاعات کے مطابق آسام میں سیلابی پانی میں تاحال 22 سے زائد بچوں کے بہہ جانے کی اطلاع ملی ہے اموات کی بڑھتی ہوئی تعداد پر اظہار تشویش کرتے ہوئے آسام کے وزیر مال بھومی دھر برمن نے کہا ہے کہ اموات کی تعداد میں مزید اضافہ ممکن ہے غیر سرکاری اطلاعات کے مطابق سیلاب سے تاحال 36 افراد ہلاک ہو چکے ہیں جبکہ سرکاری اعداد و شمار کے مطابق19 ہلاکتیں واقع ہوئی ہیں شمال مشرقی بھارت میں آئندہ 24 گھنٹے کے دوران چند مقامات پر بارش یا گرج چمک کے ساتھ چھینٹے پڑنے کا امکان ہے مرکزی آبی کمیشن کے ذرائع کے مطابق دریائے برہم پتر میں گوہاٹی گولپاڑہ اور دھبری کے مقام پر اونچے درجے کا سیلاب ہے ریاست نے سیلاب سے متاثرہ اضلاع کے لئے 12کروڑ 95 لاکھ روپے کی منظوری دی ہے امپھال سے ملنے والی اطلاع کے مطابق منی پور میں سیلاب کی صورت حال ابھی تک سنگین ہے کیونکہ گزشتہ دس دن سے مسلسل بارش جاری ہے سرکاری ذرائع کے مطابق اضلاع توبال امپھال شرقی و غربی اور بشن پور کے 55 ہزار خاندان حالیہ سیلاب کی وجہ سے باقی ریاست سے کٹ کر بہہ گئے ہیں منی پور میں لینڈ سلائیڈنگ کے واقعات اور سڑکوں کے زیر آب آ جانے کی وجہ سے باقی دنیا سے کٹ گیا عوام کو سیلاب کی وجہ سے سخت مشکلات کا سامنا ہے پہاڑی سڑکوں پر تعمیر شدہ مکانات کی دیواروں میں شگاف پڑ گئے ہیں اور انہیں ناقابل رہائش قرار دے دیا گیا ہے

Tags:

انڈونیشیا ۔ طاقتور زلزلہ ۔ ۔ ۔ ١٠افراد ہلاک ، سینکڑوں عمارتیں تباہ

September 13th, 2007 · No Comments · پاکستان

جکارتہ (ثناء نیوز) انڈونیشیا کے جزیرے سماٹرا میں ایک اور طاقت ور زلزلہ آیا ہے جس میں کم از کم 10 افراد ہلاک ہو گئے ہیں جبکہ متعدد عمارتوں کو نقصان پہنچا ہے۔واضح رہے کہ انڈونشیا میں بدھ کو بھی ایک طاقتور زلزلہ آیا تھا جو دنیا میں اس سال آنے والا اب تک کا انتہائی طاقتور زلزلہ تھا جس سے بڑے پیمانے پر تباہی ہوئی ہے تاہم اس تباہی کا اندازہ لگانا ابھی انتہائی مشکل ہے۔ حکام کے مطابق کم از کم چالیس افراد زخمی ہوئے ہیں اور سینکڑوں عمارتیں تباہ ہوگئی ہیں۔انڈونیشیا کے ساحلی علاقوں میں بار بار سونامی کی وارننگز دی جاتی رہیں لیکن بعد ازاں انہیں منسوح کردیا گیا۔ بہت سے لوگ 2004ء میں سونامی کے نتیجے میں ہونے والی تباہی کے دوبارہ ہونے کے خوف کے باعث ملک کے اندورنی حصوں میں چلے گئے تھے۔ریکٹر سکیل پر سات اعشاریہ آٹھ کی شدت سے جمعرات کو آنے والا یہ زلزلہ جنوبی سماٹرا کے اسی مقام پر آیا ہے جہاں بدھ کو آٹھ اعشاریہ چار کی شدت کا انتہائی طاقتور زلزلہ آیا تھا۔امریکی جیالوجیکل سروے کے مطابق زلزلے کا دوسرا جھٹکا جمعرات کو مقامی وقت کے مطابق چھ بج کر اننچاس منٹ پر آیا اور اس کا مرکز تقریباً دس کلومیٹر سمندر کے اندر اور جنوب مشرقی شہر پڈانگ سے تقریباً 115 کلو میٹر کی دوری پر تھا۔ زلزلے کا دوسرا جھٹکا پہلے بڑے جھٹکے سے تقریباً بارہ گھنٹے بعد آیا جبکہ پہلے جھٹکے کا مرکز تیس کلومیٹر سمندر کی تہہ میں اور جنوب مغربی شہر بینگکلو سے کوئی اسی میل دور تھا۔پڈانگ کے میئر فوزی بہر نے خبر رساں ادارے کو بتایا کہ’جمعرات کی صبح آنے والے زلزے میں کئی عمارتیں زمین بوس ہو گئی ہیں۔ ہم ابھی تک متاثرین کی تلاش کے کام میں مصروف ہیں۔ابتدائی اندازوں کے برعکس ہلاکتوں کی تعداد میں اضافے کا خدشہ نظر نہیںآتا تاہم حکام نے خبردار کیا ہے کہ متاثرہ علاقے میں رابطے کی خراب صورت حال کے پیش نظر زلزلے سے ہونے والی تباہی کا اندازہ لگانا ابھی مشکل ہے۔دارالحکومت جکارتہ میں محکمہ صحت کے حکام کا کہنا ہے کہ امدادی ٹیمیں کھانے پینے اور ادویات کے ہمراہ متاثرہ علاقے میں بھیجی جا رہی ہیں۔ صدر سوسیلو بمبینگ یودھویونو نے فوج اور پولیس کی ہنگامی امدادی ٹیموں کی تشکیل کے احکامات جاری کیے ہیں۔اقوام متحدہ کا کہنا ہے کہ اس کے امدادی کارکن بھی سماٹرا کی طرف جار ہے ہیں۔بدھ کو آنے والے زلزلے کے بعد بحر ہند میں وارننگ کا سلسلہ شروع ہوگیا تھا تاہم ابتداء میں سماٹرا کے ایک میل کے علاقے میں زلزلے کا ہلکا جھٹکا محسوس کیا گیا جس سے محدود پیمانے پر تباہی ہوئی اور اس کے کوئی دو گھنٹے بعد انڈونیشیا کے محکمہ موسمیات نے بتایا کہ انتہائی نوعیت کی سونامی کا خطرہ ٹل گیا ہے۔ اطلاعات کے مطابق پہلے نبستاً ہلکے جھٹکے کے بعد زلزلے کے کوئی درجن بھر جھٹکے محسوس کیے گئے۔ سونامی کی چار مختصر وارننگز کا اعلان کیا گیا تاہم بعد میں انہیں منسوخ کردیا گیا۔ساحل پر رہنے والے افراد سے کہا گیا کہ وہ اپنے گھروں کو چھوڑ کر اندرونی حصوں میں چلے جائیں۔ اطلاعات کے مطابق بینگکلو اور پڈانگ میں زلزلے کے خوف سے ہزاروں افراد نے گزشتہ رات کھلے آسمان تلے گزاری۔2004ء میں سونامی کے بعد بدھ کو آنے والا زلزلہ انڈونشیا میں اب تک زلزلے کے سب سے طاقتور جھٹکوں میں سے ایک تھا۔ سونامی کی وجہ بننے والا زلزلہ جس کی شدت ریکٹر سکیل پر آٹھ اعشاریہ نو تھی اور اس کا مرکز شمالی سماٹرا کا صوبہ آچے تھا۔ بحر ہند کی پٹی سے ٹکرانے والے اس زلزلے میں دو لاکھ بیس ہزار افراد ہلاک ہوئے تھے۔ واضح رہے کہ اتنی شدت کے زلزلے ذرا کم ہی آتے ہیں تاہم2004ء میں سونامی سے آنے والی تباہی لوگوں کے ذہنوں میں تازہ ہے جس کے پیش نظر لوگ خوف زدہ ہو گئے ہیں۔

Tags:

حکومت ملکی قوانین کی خلاف ورزی کررہی ہے اور لاقانونیت پھیل رہی ہے، نواز شریف کو ڈبے میں بند کر کے دوبارہ سعودی عرب بھیج دیا گیا ہے، سندھ ہائی کورٹ کے احاطے میں ٹھگ دندناتے رہے ۔سول سوسائٹی کی تنظیموں کی مشترکہ پریس کانفرنس

September 13th, 2007 · No Comments · پاکستان

اسلام آباد (ثناء نیوز)سول سوسائٹی کی تنظیموں پر مشتمل انسانی حقوق اتحاد نے کہا ہے کہ حکومت ملکی قوانین کی خلاف ورزی کررہی ہے اور لاقانونیت پھیل رہی ہے ۔ نواز شریف کو ڈبے میں بند کر کے دوبارہ سعودی عرب بھیج دیا گیا ہے ۔ سندھ ہائی کورٹ کے احاطے میں ٹھگ دندناتے رہے ۔ اسلام آباد اور راولپنڈی دو روز تک محاصرے میں رہا ۔ عورتوں کے سر قلم کیے جارہے ہیں اور خود کش حملے جاری ہیں ۔ جمعرات کو یہاں ایک پریس کانفرنس سے خطاب کرتے ہوئے پتن کے سرور باری ، ایچ آر سی پی کی نسرین اظہر ، بیداری کے سلیم ملک ، ایس پی او کے شہباز ملک ، روزن کے شہباز اور ایس ڈی پی آئی کے ایمل خان نے کہا کہ ایک طرف حکومت وقت لوگوں کے حقوق غصب کررہی ہے اور دوسری طرف طالبان کی تعداد میں اضافہ ہورہا ہے ۔ انہوں نے کہا کہ سٹیٹ اور نا ن سٹیٹ ایکٹرز کی طرف سے طاقت کا وحشیانہ استعمال قابل مذمت ہے ۔ انہوں نے کہا کہ مشرف حکومت کو آئین اور قانون کا احترام کرنا چاہیے اور ان کے مطابق چلنا چاہیے ۔ انہوں نے کہا کہ ہم حکومت اور ان سیاسی رہنماؤں کی مذمت کرتے ہیں جنہوں نے اپنے ذاتی تنازعات کے حل کے لئے غیر ملکی طاقتوں کو شامل کیا ہے ۔ اسے غیر ملکی حکمرانوں کو موقع ملا ہے کہ ہماری سالمیت کو نقصان پہنچا ئیں ۔ انہوں نے کہا کہ مشرف وردی اتار کر صدارتی انتخاب لڑیں

Tags:

صدر مشرف ،نیگرو پونٹے ملاقات ۔صدارتی الیکشن سمیت تمام امور آئین اور قانون کے مطابق نمٹائے جائیں گے، جنرل پرویز مشرف

September 13th, 2007 · No Comments · پاکستان

مشروط امداد کے امریکی قانون کے بارے میں پاکستان کے عوام میں اچھا تاثر نہیں پایا جاتا

ملک میں اسمبلیاں اپنی مدت پوری کریں گی، عام انتخابات مقررہ وقت پر منصفانہ اورآزادانہ بنیاد پر ہوں گے

صدر مملکت سے امریکی نائب وزیر خارجہ کی ملاقات

اسلام آباد (ثناء نیوز) صدر جنرل پرویز مشرف نے کہاہے کہ ملک میں صدارتی الیکشن سمیت تمام امور آئین اور قانون کے مطابق نمٹائے جائیں گے مشروط امداد کے امریکی قانون کے بارے میں پاکستان کے عوام میں اچھا تاثر نہیں پایا جاتا۔ملک میں اسمبلیاں اپنی مدت پوری کریں گی عام انتخابات مقررہ وقت پر منصفانہ اورآزادانہ بنیاد پر ہوں گے۔ ان خیالات کا اظہار صدر نے امریکی وزیر خارجہ جان نیگرو پونٹے سے ملاقات میں کیا ۔ امریکی نائب وزیر خارجہ نے امریکی عہدیدار رچرڈ باؤچر اور امریکی سفیر این ڈبلیو پیٹرن سن کے ہمراہ ایوان صدر میں ان سے ملاقات کی ۔ملاقات میں پاک امریکہ تعلقات ، دہشت گردی کے خلاف جنگ اور علاقائی امور پر تبادلہ خیال کیاگیا ۔پاک امریکہ سٹریٹیجک ڈائیلاگ کے دوسرے مرحلے کے حوالے سے صدر مشرف نے کہاکہ پاکستان کے ساتھ امریکہ کے وسیع البنیاد اور پائیدار تعلقات ہیں ۔صدر نے کہاکہ ایسے اقدامات سے گریز کیا جانا چاہیے جس سے تعلقات خراب ہونے کا خدشہ ہو جیساکہ نائن الیون کے حوالے سے کمیشن کی سفارشات کے ایکٹ جیسے اقدامات سے گریز کیا جانا چاہیے صدر جنرل پرویز مشرف نے انتہا پسندی اور دہشت گردی کے خلاف اقدامات کو جاری رکھنے کے عزم کا اعادہ کیا۔انہوں نے دہشت گردی اور چیلنجوں سے نمٹنے کیلئے پاکستان کی طرف سے کئے جانے والے اقدامات بارے میں امریکی وزیر خارجہ کو آگاہ کیا او رکہاکہ اس بارے میں کوئی شک وشبہ نہیں ہونا چاہیے کیونکہ یہ پاکستان کے اپنے مفاد میں ہیں صدر نے فاٹا کے علاقوں میں فوجی ، سیاسی ، انتظامی اور ترقیاتی کاموں کیلئے کی گئی جامع حکمت عملی کے بارے میں بھی آگاہ کیا۔ صدر نے فاٹا کے علاقوں میں ایف سی کی تعداد بڑھانے ، فاٹا کے ترقیاتی منصوبوں اور ری کنسٹریکشن زونز کیلئے امریکی امداد کی ضرورت پر زور دیا ۔ صدر نے دونوں ممالک کے درمیان دہشت گردی کے خلاف اقدامات کے بارے میں ہم آہنگی کی ضرورت پر زور دیا۔ صدر جنرل پرویز مشرف نے کہا ہے کہ پاکستان دہشت گردی اور انتہا پسندی کے خلاف جامع حکمت عملی کے تحت مقابلہ کر رہاہے انہوں نے کہاکہ آئندہ عام انتخابات منصفانہ اور صاف وشفاف ہوں گے اور وردی کے بارے میں آئین اور قانون کے مطابق فیصلہ کیا جائے گا صدر نے کہاکہ توانائی، تعلیم ،سائنس ، ٹیکنالوجی اور اقتصادی شعبوں میں تعاون کیلئے پاک امریکی سٹریٹیجک مذاکرات کو اہم قرار دیا او رکہاکہ مذاکرات سے دونوں ملکوں کے درمیان طویل المعیاد اور وسیع البنیاد ملاقات فروغ پائیں گے ۔ صدر نے اس تاثر کو غلط قرار دیا کہ پاکستان کے قبائلی علاقے غیر ملکی دہشت گردوں کی پناہ گاہیں ہیں صدر نے کہاکہ پاکستان کی امداد کو مشروط کرنے سے متعلق امریکی قانون کے بارے میں خدشات کا اظہار کیا اور کہاکہ اس سے پاکستان کے عوام میں امریکہ کیلئے اچھا تاثر پیدا نہیں ہوا پاکستان میں سیاسی حالات کے حوالے سے صدر نے کہاکہ پاکستان میں جمہوری ادارے کام کر رہے ہیں اسمبلیاں اپنی مدت پوری کر رہی ہیں عام انتخابات مقررہ وقت پر ہوں گے جبکہ صدارتی الیکشن بھی ہو گا تمام معاملات آئین اور قانون کے مطابق نمٹائے جاویں گے امریکی نائب وزیر خارجہ نے ملاقات میں دہشت گردی کے خلاف پاکستان کے کردار کو سراہا اور کہاکہ پاک امریکہ قابل اعتماد اتحاد ہیں امریکہ پاکستان کی معاشی ، سماجی ترقی میں تعاون کرتا رہے گا ۔نائب وزیر خارجہ جان نیگرو پونٹے نے کہا کہ امریکہ پاکستان کی طرف سے دہشت گردی اور انتہا پسندی کے خلاف کئے جانے والے اقدامات کی حمایت کرتا ہے وزیر خارجہ نے فاٹا میں کئے جاناے والے اقدامات کو سراہتے ہوئے کہاکہ امریکہ فاٹا کی ترقی او رایف سی کی تعداد بڑھانے اور ری کنسریکشن زونز کے لئے 750ملین ڈالر کی امداد آئندہ پانچ سال میں دے گا علاقائی امور پر بات کرتے ہوئے صدر نے کہا کہ پاکستان افغانستان میں امن واستحکام کا خواہش مند ہے انہوں نے مشترکہ امن جرگہ میں ہونے والی پیش رفت اور اس کے بعد کئے جانے والے اقدامات کے بارے میں امریکی نائب وزیر خارجہ کو آگاہ کیا ۔ امریکی نائب وزیر خارجہ جان نیگرو پونٹے پاک امریکہ سٹریٹیجک مذاکرات کے دوسرے مرحلے کیلئے دو روزہ دورے پر پاکستان آئے تھے

Tags:

لال مسجد اور جامعہ فریدیہ کے معاملہ پر وفاق المدارس اور حکومت کے درمیان کشیدگی

September 13th, 2007 · No Comments · پاکستان

بڑی تعداد میں علماء کرام نے وفاقی دار الحکومت میں جناح سپر مارکیٹ کی سڑک کو بلاک کردیا

حکومت کے خلاف دھرنا مطالبات کے حق میں نعرہ بازی ،حکومت کی بااختیار ٹیم سے مذاکرات کی یقین دہانی پر مظاہرین منتشر

اسلام آباد (ثناء نیوز) جماعت اہل سنت راولپنڈی اسلام آباد اور وفاق المدارس کے زیر اہتمام جامعہ فریدیہ اور لال مسجد کی بندش کے خلاف جناح سپر اسلام آباد میں دھرنا اور مظاہرہ ، ڈپٹی کمشنر اسلام آباد چوہدری محمد علی کی طرف سے اس یقین دہانی کے بعد کہ ہفتہ کے روز علماء کرام کے مقتدر قوتوں سے مذاکرات کرائے جائیں گے ۔ علماء اور طلباء نعرے لگاتے ہوئے پر امن طور پر منتشر ہو گئے ۔ جمعرات کے روز جماعت اہل سنت اور وفاق المدارس کے زیر اہتمام علماء او ر طلباء صبح ہی سے جامع مسجد باب الالسلام میں جمع ہونا شروع ہو گئے تھے ۔نماز ظہر کے بعد بڑی تعداد میں علماء اور طلباء جلوس کی شکل میں جامع فریدیہ کی طرف روانہ ہوئے ۔ جلوس کی قیادت راولپنڈی اسلام آباد کے مقامی علماء مولانا نذیر فاروقی ، مولانا قاری عبد الرشید ، شیخ الحدیث مولانا عبد الرؤف ، مولانا عزیز الرحمان ہزاروی ، مولانا ظہور احمد علوی اور شیخ الحدیث مولانا عبد الغفار کررہے تھے ۔ تاہم مسجد سے نکلنے کے تھوڑی دیر بھر جناح سپر میں مسلح پولیس کا دستہ جلوس کے راستے میں کھڑا ہو گیا اور علماء کو آگے جانے سے روک دیا ۔ جس پر علماء و طلباء کے ہمراہ سڑک پر دھرنا دے کر بیٹھ گئے ۔ اس موقع پر اے سی سٹی کامران چیمہ ، سیکریٹری اوقاف خان محمد ، ایس پی نصیر آفتاب نے علماء کو اس پر راضی کرنے کی کوشش کی کہ وہ پر امن طور پر منتشر ہو جائیں ان کے اعلی حکام سے مذاکرات کرائے جائیں گے تاکہ مسئلے کا کو ئی پر امن حل نکل سکے تاہم علماء نے کہیں بھی جا کر مذاکرات کرنے سے انکار کردیا ۔ ان کا کہنا تھا کہ جس نے مذاکرات کرنے ہیں یہاں آجائے یہ مذاکرات کاڈرامہ بہت ہو چکا ۔ بار بار کے مذاکرات سے تنگ آچکے ہیں اس سے مذاکرات کرائیں جو با اختیار بھی ہو جب تک جامع فریدیہ اور لال مسجد کو نہیں کھولا جاتا اور مولانا عبد العزیز کو رہا کر کے خطابت پر بحال نہیں کیا جاتا ہمارا احتجاج جاری رہے گا ۔ علماء نے اعلان کردیا کہ ہمارے راستے سے پولیس کو نہ ہٹایا گیا تو یہی دھرنا دیں گے اور نما ز تراویح پڑھ کر جائیں گے ۔ اس موقع پر پولیس کی مزید نفری بھی پہنچ گئی اور قائم مقام ایس ایس پی تیمور علی بھی پہنچ گئے تاہم ہزاروں پولیس اہلکاروں کو علماء کے سامنے سے ہٹا دیا گیا ۔ علماء نے مذاکرات کے لئے کہیں بھی جانے سے انکار کردیا اور کہا کہ جس نے مذاکرات کرنے ہیں یہاں آکر کرے ۔ جس پر ڈپٹی کمشنر اسلام آباد چوہدری محمد علی خود موقع پر پہنچ گئے ۔ انہوں نے علماء کو یقین دلایا کہ ہفتہ کے روز چیف کمشنر آفس میں ان کے مذاکرات مقتدر حلقوں سے کرائے جائیں گے جس پر علماء اور طلباء پر امن طور پر منتشر ہو گئے تاہم انہوں نے واضح کیا کہ اگر جامعہ فریدیہ اور لال مسجد کو نہ کھولا گیا اور جامعہ حفصہ کو دوبارہ اس کی جگہ پر تعمیر نہ کیا گیا تو ملک بھر میں احتجاجی تحریک چلائی جائے گی جس کا آغاز آج سے ہو چکا ہے ۔ ان کا کہنا تھا کہ ہم جامعہ فریدیہ کے کھلنے تک چین سے نہیں بیٹھیں گے ۔ جامعہ فریدیہ کی بندش مدارس کی بندش کا نقطہ آغاز ہے ۔ حکومت کو اس کی اجازت نہیں دیں گے ۔ علماء اور انتظامیہ کے درمیان مذاکرات میں محکمہ اوقاف کے سینئر افسر خان محمد نے اہم کردار ادا کیا ۔ آخر میں علماء دعا کے بعد پر امن طور پر منتشر ہو گئے ۔

Tags:

روس۔ ٩ ماہ میں بچہ پیدا کر نے والی عورت کے لئے نئے گھر کے انعام کا اعلان

September 13th, 2007 · No Comments · پاکستان

ماسکو(ثناء نیوز) روس کے مرکزی صوبہ کے گورنر نے روس کے مرکزی ادارے کی شرح پیدائش میں اضافے کی مہم میں شریک ہو نے کے لئے ملازمین جوڑوں کے لئے ایک دن کی چھٹی کا اعلان کیا ہے اور کہا ہے کہ اگر کوئی عورت پورے 9 ماہ میں بچے کو جنم دے گی تو انعام کی حقدار قرار پائے گی اور اسے ایک نیا گھر انعام میں دیا جائے گا روس آبادی میں کمی کے رحجان کو کم کر نے کا خواہش مند ہے اس رحجان کی وجہ سے روس میں سالانہ 7لاکھ آبادی کم ہو رہی ہے اور ایڈز ،شراب نوشی اور خود کشیوں میں اضافہ کی وجہ سے شرح اموات میں اضافہ ہوا ہے اولی نووسک ریجن جو کہ لینن کی جائے پیدائش ہو نے کی وجہ سے مشہور ہے ، میں تین سالوں سے زیادہ بچے کر نے کی حوصلہ افزائی کے سلسلے میں ایک دن جوڑوں کے لئے مخصوص کیا گیا ہے واضح رہے کہ گزشتہ کئی برسوں سے دنیا میں آبادی کم کر نے کیلئے مہمات چلائی جا رہی ہیں جس کی وجہ سے آبادی میں نمایاں کمی ہوئی ہے اور اب دنیا کو معاشی ترقی میں افرادی قوت کی کمی کا سامنا ہو رہا ہے ۔

Tags:

صدر جنرل پرویز مشرف کے دو عہدوں کے خلاف جماعت اسلامی کی آئینی درخواست کی سماعت سپریم کورٹ کا نو رکنی بینچ کرے گا

September 13th, 2007 · No Comments · پاکستان

اسلام آباد(ثناء نیوز) صدر جنرل پرویز مشرف کے دو عہدوں کے خلاف جماعت اسلامی پاکستان کی آئینی درخواست کی سماعت سپریم کورٹ کا نو رکنی بینچ کرے گا اس بینچ میں چیف جسٹس آف پاکستان جسٹس افتخار محمد چوہدری شامل نہیں ہیں ایک نجی ٹی وی کے مطابق صدر جنرل پرویز مشرف کے دو عہدوں کے خلاف جماعت اسلامی کے سربراہ قاضی حسین احمد کی آئینی درخواست کی جسٹس رانا بھگوان داس کی سربراہی میں 9رکنی بینچ 17 ستمبر کو سماعت کرے گا جماعت اسلامی کے آئینی درخواست کے ذریعے استدعا کی گئی ہے کہ جنرل پرویز مشرف وردی میں صدارتی الیکشن میں حصہ نہیں لے سکتے اس کے علاوہ وہ وردی کے بغیر بھی صدارتی الیکشن کے لئے اہلیت پوری نہیں کرتے انہیں صدارتی انتخاب کے لئے نااہل قرار دیا جائے ۔واضح رہے کہ اگلے ہفتے سپریم کورٹ کے مقدمات کی سماعت کے لئے 9رکنی بینچ تشکیل دیا گیا ہے یہ بینچ پیر سے مقدمات کی سماعت کے لئے قائم کیا گیا ہے ان مقدمات میں جماعت اسلامی کی آئینی درخواست بھی شامل ہے

Tags:

بے نظیر بھٹو کی طرف سے عمران خان کی کراچی بدری کی شدید مذمت

September 13th, 2007 · No Comments · پاکستان

اسلام آباد (ثناء نیوز)پاکستان پیپلز پارٹی کی چیئرپرسن سابق وزیراعظم محترمہ بینظیر بھٹو نے تحریک انصاف کے سربراہ عمران خان کو کراچی ایئرپورٹ سے زبردستی اسلام آباد بھیجنے کی مذمت کی ہے۔ ایک بیان میں محترمہ بینظیر بھٹو نے کہا کہ ہمارے بزرگوں نے پاکستان ایک آزاد قوم کے لئے بنایا تھا جہاں ہر شہری کو ایک جگہ سے دوسری جگہ جانے کی آزدی، کسی بھی تنظیم سے وابستگی اور آزادی تحری و تقریر ہوگی۔ انہیں حقوق کے لئے قائد عوام نے اپنی جان کا نذرانہ پیش کیا تھا اور پیپلز پارٹی ان حقوق کی پاسداری کا عہد کرتی ہے۔ قائد عوام نے ملک کو متفقہ آئین دیا جس میں بنیادی انسانی حقوق متعارف کروائے اور حسبِ بے جا کے خلاف پہلی مرتبہ قانون سازی کی۔ انہوں نے کہا کہ پیپلز پارٹی کی حکومت نے حزبِ مخالف کے اختلاف کرنے کے حق کا احترام کیا اور کبھی بھی آزادی کو سلب نہیں کیا۔ انہوں نے حکومت سے مطالبہ کیا کہ عمران خان کے کراچی میں داخلے کی بندش کے حکم کو واپس لیا جائے، تمام سیاسی کارکنوں کو رہا کیا جائے اور انسانی حقوق کا احترام کرے۔ محترمہ بینظیر بھٹو نے ملک کے عوام سے کہا کہ وہ ایک محفوظ، پرامن، خوشحال پاکستان جو دہشت گردی سے پاک پاکستان کے قیام جہاں عوام کے معاشی اور سماجی حقوق کا تحفظ اور احترام کیا جائے کے لئے پیپلز پارٹی کے ہاتھ مضبوط کریں۔ انہوں نے کہا کہ پیپلز پارٹی عوام کو تعلیم، انرجی، روزگار اور بہتر ماحول مہیا کرے گی تاکہ ہر شہری کو روٹی، کپڑا اور مکان کی ضمانت دی جا سکے۔

Tags: