سوات ۔ سوات میں ایف سی کی چیک پوسٹ کے قریب ریموٹ کنٹرول بم دھماکہ‘ دو اہلکار جاں بحق اور پانچ زخمی ہوگئے۔ آئی ایس پی آر کے ڈائریکٹر جنرل میجر جنرل وحید ارشد نے میڈیا کو تفصیلات بتاتے ہوئے کہا کہ آج جمعہ کے روز سوات میں کبل روڈ پر ایف سی کی چیک پوسٹ پر ریموٹ کنٹرول بم دھماکے میں دو اہلکار جاں بحق اور پانچ زخمی ہوگئے۔ زخمیوں کو سیدو شریف ہسپتال منتقل کردیا گیا غیر سرکاری اطلاعات کے مطابق 14 افراد زخمی بھی ہوئے ہیں واقعہ کے بعد علاقے کو گھیرے میں لے لیا گیا ۔
