Urdu News - Online Urdu News Paper

اسلام آباد۔ آج مورخہ 28اگست 2008ء کو کل جماعتی حریت کانفرنس ی کانسچونٹ پارٹی ڈیموکریٹک موؤمنٹ کا ایک ہنگامی اجلاس منعقد ہوا۔ اجلاس ی صدارت ڈی پی ایم کے وائس چیئرمین سید عبد اللہ گیلانی نے کی۔ اجلاس میں مقبوضہ کشمیر کی موجودہ صورت حال پر غور خوض کیا گیا اور مقبوضہ ریاست کے حالیہ صورتحال کو ایک انسانی بحران قرار دیا گیا۔ اجلاس میں کشمیر سے وابستہ تمام جماعتوں پر زور دیا گیا کہ وہ موجودہ صورتحال کے پیش نظر ایک جگہ جمع ہو کر غور خوض کر کے کوئی لائحہ عمل طے کریں ۔ اجلاس میں متفقہ طور پر ایک قرار داد پاس کی گئی ۔جس میں بھارت کی جانب سے مقبوضہ وادی کے عوام پر حالیہ ظلم و ستم ی شدید مذمت کی گئی ۔ قرارداد میں حکومت پاکستان او ر پاکستانی میڈیا سے درخواست کی گئی ہے کہ جس طرح پاکستان کے میڈیا نے پاکستان کے اندر جمہوریت کی بحالی کے لیے کردار کیا ہے اور کر رہے ہیں کشمیر کی موجودہ صورتحال بھی پاکستانی میڈیا سے ایسی ہی توجہ چاہتی ہے۔ قرار داد میں حکومت پاکستان سے درخواست کی گئی ہے کہ وہ اپنا چپ کا روزہ توڑ کر حالات کا جائزہ لیتے ہوئے فی الفور او آئی سی کا ہنگامی سربراہی اجلاس طلب کرے اور اقوام متحدہ کے ممبر ممالک میں اپنا اثر و رسوخ بروئے کار لاتے ہوئے اقوام متحدہ سے فوری مداخلت کی اپیل کی جائے ۔ اجلاس کے اختتام پر شہداء کشمیر خصوصاً حالیہ واقعات میں شہید ہونے والے فرزند ان کشمیر اور شیخ عبد العزیز شہید کے لیے دعائے مغفرت کی گئی اور انہیں خراج تحسین پیش کیا گیا