Urdu News - Online Urdu News Paper

تریپولی ۔سوڈان سے ہائی جیک کئے جانے والے مسافر بردار طیارے کو لیبیا کے شہر الکفرہ میں اتار لیا گیا ہے ۔ ہائی جیکروں نے طیارے کے لیے فیول کا مطالبہ کیا ہے تاکہ وہ طیارے کو پیرس لے جا سکیں۔ عرب ٹیلی ویژن کے مطابق مسافر بردار طیارے کو ڈارفور صوبے کے نیالہ ایئر پورٹ سے دارالحکومت خرطوم جاتے ہوئے ہائی جیک کیا گیا ۔ طیارے میں 87 افراد سوار ہیں جن میں مسافر اور عملہ دونوں شامل ہیں۔ ہائی جیکروں نے کنٹرول ٹاور سے رابطہ کر کے جہاز کو ہائی جیک کرنے کی اطلاع دی اور طیارے کو مصر کے جنوبی شہر اسوان میں اتار نے کا مطالبہ کیا تاہم مصری حکام کی جانب سے اجازت نہ ملنے پر ہائی جیکروں نے جہاز کا رخ لیبیا کی طرف کر دیا اور لیبیا کے شہر الکفرہ میں طیارے کو اتار لیا گیا ۔ہائی جیکروں کا تعلق سوڈانی لبریشن موؤمنٹ سے بتایا گیا ہے ۔ہائی جیکروں کا مطالبہ ہے کہ طیارے کو پیر س لے جانے کے لیے نقشہ اور فیول فراہم کیا جائے ۔غیر ملکی خبر رساں ادارے کے مطابق ہائی جیکروں نے لیبیا کے حکام کی جانب سے طیارے میں موجود مسافروں کے لیے کسی قسم مدداور کھانا لینے سے انکار کیا ہے اور کسی قسم کے مذاکرات سے بھی گریز کیا ہے