Urdu News - Online Urdu News Paper

آصف زرداری کا نواز شریف سے فون پر رابطہ ، خورشید شاہ اور منظور وٹو کی نواز شریف سے ملاقات
اسلام آباد ۔ پاکستان مسلم لیگ ( ن ) کے سربراہ میاں نواز شریف نے مسلم لیگ ن کا صدارتی امیدوار دستبردار کرانے اور حکومتی اتحاد میں شمولیت کا مطالبہ مسترد کردیا ۔ وفاقی وزراء خورشید شاہ اور منظور احمد وٹو نے اسلام آباد کے پنجاب ہاؤس میں مسلم لیگ ن کے قائد محمد نواز شریف سے ملاقات کی ۔ ذرائع کے مطابق جمعرات کو ہونے والی ملاقات میں پیپلز پارٹی کے وزراء نے آصف علی زرداری کا ایک اہم پیغام نواز شریف کو پہنچایا جس میں مفاہمت کی بات کی گئی جس میں کہاگیاہے کہ پیپلز پارٹی چاہتی ہے کہ نواز لیگ دوبارہ اتحادمیں آ جائے اور وہ اپنے صدارتی امیدوار کو آصف علی زرداری کے حق میں دستبردار کرائے ۔ ذرائع کے مطابق میاں نواز شریف نے آصف علی زرداری کو فون کیا ۔ اور ٹیلی ویژن پرمسلم لیگ ن کے حوالے سے معذرت کئے جانے پر آصف علی زرداری کا شکریہ ادا کیا۔ تاہم درائع کے مطابق نواز شریف نے اپنا صدارتی امیدوار دستبردا ر کرانے کا آصف علی زرداری کا مطالبہ مسترد کرتے ہوئے کہاکہ اب وقت گزر گیاہے ۔ذرائع کے مطابق میاں نواز شریف نے آصف علی زرداری کی طرف سے ان سے معذرت کرنے پر ان کا شکریہ ادا کیا۔ جبکہ آصف علی زرداری نے اس موقع پر کہاکہ آپ مسلم لیگ ن کے صدارتی امیدوار جسٹس ریٹائرڈ سعید الزماں صدیقی کو صدارتی انتخاب سے دستبردار کرا دیں جس پر میاں نواز شریف نے انہیں کہا کہ یہ نا ممکن ہے اور کہاکہ ہم بہت آگے نکل آئے ہیں اب یہ مشکل ہے۔ تاہم آپ نے کھلے عام جو معذرت کی ہے ہم اس پر آپ کے شکر گزارہیں ۔