صدر کا انتخاب مسلم لیگ(ن) اور (ق) کے درمیان رابطے شروع ہو گئے ہیں
چوہدری نثار نے مسلم لیگ ق کے رہنماؤں سے رابطہ کیا ہے۔ ۔ ۔ ذرائع
اسلام آباد ۔ پاکستان مسلم لیگ ق کے قائد چوہدری شجاعت نے کہا ہے کہ پنجاب اسمبلی توڑنے کی کوشش کی گئی تو مز احمت کریں گے ۔ذرائع کے مطابق مسلم لیگ ن کے حکمراں اتحاد سے علیحدگی کے اعلان کے بعد اوراپنا صدارتی امیدوار جسٹس ریٹائرڈ سعید الزماں صدیقی کونامزد کرنے کے بعد حکومتی ذر ائع سے اس بات کا عندیہ مل رہا ہے کہ شاید پنجاب اسمبلی کوتوڑ دیا جائے گا ۔پاکستان مسلم لیگ ق کے قائد چوہدر ی شجاعت نے اس امر کی مذمت کرتے ہوئے کہا ہے کہ اگرپنجاب اسمبلی توڑنے کی بات کی گئی توبھرپورمزاحمت کریں گے ۔ادھر ذرائع نے بتایا ہے کہ مسلم لیگ ن اورق کے مابین رابطے شروع ہوگئے ۔ذرائع کے مطابق مسلم لیگ ن کے رہنما چوہدری نثارنے مسلم لیگ ق کے رہنماؤں سے رابطہ کیاہے ۔ذرائع کا کہناہے کہ دونوں دھڑوں کے مابین آئندہ چندروز میں مثبت پیش رفت کا امکان ہے ۔مسلم لیگ ن کی حکمراں اتحاد سے علیحدگی کے بعد کسی بھی سیاسی پارٹی سے رابطے کا یہ پہلا موقع ہے
0 responses so far ↓
تبصرہ کریں
Leave a Comment