طیاروں کی پروازیں نہیں ہوئیں ۔ ۔ ۔ جنوبی وزیر ستان کی پولیٹیکل انتظامیہ نے تردید کر دی
وانا ۔ جنوبی وزیرستان کے وانا بازار میں تازہ لڑائی کے دوران دو سیکورٹی اہلکار جاں بحق جبکہ تین شدت پسندوں سمیت پانچ افراد ہلاک اور تیرہ زخمی ہوگئے۔ اس سے قبل جنوبی وزیرستان میں گن شپ ہیلی کاپٹروں کی شیلنگ سے گیارہ شدت پسند ہلاک اور بیس زخمی ہوئے تھے۔ آئی ایس پی آر کے مطابق گذشتہ شب پچھہتر سے سو شدت پسندوں نے تیارزہ قلعے اور چیک پوسٹ پر حملہ کردیا ، جوابی کارروائی میں گیارہ شدت پسند ہلاک اور بیس زخمی ہوئے۔ حملے کے بعد جنوبی وزیرستان کے صدر مقام وانا میں غیر معینہ مدت کیلئے کرفیو نافذ کردیا گیا ہے ۔ شہر میں سیکورٹی فورسز کی بھاری نفری تعینات ہے اور گشت میں بھی اضافہ کردیا گیا ہے۔ وانابازار مکمل طور پر بند ہے۔ عوام کو گھروں سے باہر نہ نکلنے کی ہدایت کی گئی ہے۔ ادھر پولیٹیکل انتظامیہ نے ایجنسی ہیڈکوارٹر وانا میں طیاروں سے بمباری سے متعلق خبروں کی تردید کی ہے ۔پولیٹیکل ایجنٹ کی جانب سے جاری ہونے والے بیان میں کہا گیا ہے کہ پاکستان ائر فورس کے لڑاکا طیارے معمول کی پرواز پر تھے کہ ساونڈ بیریر کے نتیجہ میں پیدا ہونے والی آواز کو بمباری سمجھا گیا ۔پی اے جنوبی وزیرستان ایجنسی کے مطابق بمباری کا کوئی واقعہ پیش نہیں آیا ہے اس لئے بمباری سے متعلق خبروں میں کوئی صداقت نہیں ہے
0 responses so far ↓
تبصرہ کریں
Leave a Comment