قبائلی علاقوں میں معاملے کے حل کے لئے گاؤں گاؤں جا کر مذاکرات کرنے ہوں گے۔
آئی ایم ایف سے حاصل کیا جانے والا قرضہ وزیروں اور مشیروں کی نذرہو جائے گا۔علی احمد کرد کی وجہ سے وکلاء تحریک میں مزید تیزی آئے گی
تحریک انصاف کے چیئر مین کا انصاف فیملی کے عہدیداروں سے خطاب
اسلام آباد۔ پاکستان تحریک انصاف کے چئیرمین عمران خان نے کہا ہے کہ حکومت ملکی معاملات چلانے میں بری طرح ناکام ہو چکی ہے ۔ پارلیمنٹ کو اپنی حکومت اہمیت نہیں دیتی تو امریکہ کیا اہمیت دے گا۔قبائلی علاقوں میں اتنا گند ڈال دیا گیا ہے کہ معاملے کے حل کے لئے گاؤں گاؤں جا کر مذاکرات کرنے ہوں گے۔آئی ایم ایف سے حاصل کیا جانے والا قرضہ وزیروں اور مشیروں کی نذرہو جائے گا۔علی احمد کرد کی وجہ سے وکلاء تحریک میں مزید تیزی آئے گی۔پیر کی شام تحریک انصاف امریکی حملوں اور مہنگائی کے خلاف پارلیمنٹ ہاؤس کے سامنے احتجاجی مظاہرہ کرے گی۔تحریک انصاف بہت جلد پارٹی انتخابات منعقد کروائے گی۔ان خیالات کا اظہار انہوں نے آج پارٹی کے مرکزی دفتر میں انصاف فیملی کے عہدیداران سے خطاب کرتے ہوئے کیا۔انہوں نے کہا کہ حکومت ملکی معاملات چلانے میں بری طرح سے ناکام ہو چکی ہے۔آصف زرداری امریکہ کے سامنے اپنے آپ کو مشرف کا متبادل ثابت کرنے میں مصروف ہیں۔پارلیمنٹ کی کوئی قدر نہیں ہے۔جب اپنی حکومت اپنی پارلیمنٹ کی قدر نہیں کرتی تو امریکہ پارلیمنٹ کے اعلامیے کوکیا اہمیت دے گا۔انہوں نے بنوں میں امریکی افواج کے حملے کی شدید الفاظ میں مذمت کی۔انہوں نے کہا کہ قبائلی علاقوں میں اس قدر گند ڈال دیا گیا ہے کہ اب وہاں کے حالات درست کرنے کے لئے ہر ایک گاؤں میں جا کر مذاکرات کی ضرورت ہے۔انہوں نے کہا کہ مسئلے کا حل صرف یہ ہے کہ وہاں سے افواج فوری طور پر واپس بلائی جائیں FCکو وہاں تعینات کیا جائے کیونکہ FCاہلکار مقامی پشتون ہیں اور وہ معاملات کو فوج کی نسبت کہیں بہتر طریقے سے حل کر سکتے ہیں۔انہوںنے مزید کہا کہ آئی ایم ایف سے قرض اس لئے لیا جاتا ہے کہ حکومت کے پاس کچھ پراجیکٹ ہوتے ہیں جن کی تکمیل آئی ایم ایف سے پیسہ لے کر کی جاتی ہے مگر موجودہ حکومت کے پاس ایسے پروجیکٹ نہیں ہیں جن کی بنیاد پرآئی ایم ایف سے قرضہ لیا جا سکے۔ایسے میں قرضے کی رقم وزروں اور مشیروں میں بانٹ دئیے جانے کا خدشہ ہے۔وکلاء تحریک میں علی احمد کرد کی وجہ سے مزید تیزی آئے گی اور پسا ہوا مظلوم طبقہ اس میں بھر پور شمولیت اختیار کرے گا۔مشرف دور میں اس تحریک میں مشرف سے نفرت کی وجہ سے عام آدمی اس تحریک میں شامل ہوا تھا اور آج بھی موجودہ حکومت سے نفرت کی وجہ سے عام آدمی اس تحریک میں شمولیت کرے گا۔انہوں نے اعلان کیا کہ تحریک انصاف پیر کی شام پارلیمنٹ کے ڈمی فیصلوں،امریکی حملوں اور مہنگائی کے خلاف پارلیمنٹ ہاؤس کے سامنے بھر پور احتجاج کرے گی۔تحریک انصاف کے کارکنوں کو عمران خان نے ہدایت کی کہ اپنے اپنے علاقوں میں تحریک انصاف کو منظم کریں اور پارٹی کا پیغام گھر گھر پہنچائیں۔لاہور میں ممبرشپ کمپین کے نتائج توقع سے بڑھ کرملے ہیں اسی طرح پورے ملک میں ممبرسازی کی مہم چلائی جائے گی۔انہوں نے کہا کہ تحریک انصاف بہت جلد پارٹی انتخابات منعقد کروائے گی تا کہ پارٹی کی قیادت گراس روٹ لیول سے ابھر کر سامنے آئے
1 response so far ↓
1 urdu , urdunews, urdunewspaper, newsurdu, online urdunews, مورخہ ٢١ نومبر ٢٠٠٨ کا تصویری اخبار // Nov 22, 2008 at 3:36 am
[...] پارلیمنٹ کو اپنی حکومت اہمیت نہیں دیتی تو امریکہ کیا اہ… پاکستان تحریک انصاف کے چئیرمین عمران خان نے کہا ہے کہ حکومت ملکی معاملات چلانے میں بری طرح ناکام ہو چکی ہے ۔ پارلیمنٹ کو اپنی حکومت اہمیت نہیں دیتی تو امریکہ کیا اہمیت دے گا۔قبائلی علاقوں میں اتنا گند ڈال دیا گیا ہے کہ معاملے کے حل کے لئے گاؤں گاؤں جا کر مذاکرات کرنے ہوں گے۔آئی ایم ایف سے حاصل کیا جانے والا قرضہ وزیروں اور مشیروں کی نذرہو جائے گا۔علی احمد کرد کی وجہ سے وکلاء تحریک میں مزید تیزی آئے گی۔مزید۔۔۔ [...]
Leave a Comment