کشمیری عوام ڈھونگ انتخابات سے دور رہیں
عوام انتخابات کا مکمل بائیکاٹ کر کے بھارت کے منہ پر طمانچہ رسید کریں
نام نہاد انتخابات حق خودارادیت کا نعم البدل نہیں ہو سکتے ‘ سید علی گیلانی ‘ میر واعظ عمر فاروق
سرینگر۔ مقبوضہ کشمیر میں کل 17 نومبر بروز سوموار انتخابات کے پہلے مرحلے کا آغاز ہو گا بھارت نواز جماعتوں نے انتخابات میں حصہ لینے کا اعلان کر رکھا ہے ۔ جبکہ کل جماعتی حریت کانفرنس نے کشمیری عوام سے انتخابات کے بائیکاٹ کی اپیل کی ہے کل جماعتی حریت کانفرنس کے چیئرمین سید علی گیلانی ‘ میر واعظ عمر فاروق اور دیگر حریت رہنماؤں نے کہا ہے کہ ریاستی انتخابات کسی بھی لحاظ سے حق خودارادیت کا نعم البدل نہیں ہیں ۔ بھارت تحریک آزادی کشمیر کو دبانے کے لئے انتخابی ڈرامہ رچا رہا ہے ۔ کشمیری عوام ڈھونگ انتخابات سے دور رہیں ۔ انہوں نے کہا کہ کشمیریوں نے قربانیاں انتخابات کے لئے نہیں دی ہیں ۔ بلکہ یہ قربانیاں حق خودارادیت کے لئے دی گئی ہیں ۔ حق خودارادیت ہی کشمیریوں کی منزل سے بھارت طاقت کے ذریعے کشمیریوں کی آزادی کی آواز نہیں دبا سکتا ۔ عوام نام نہاد انتخابات کو مسترد کر کے بھارت کے منہ پر طمانچہ رسید کرے ۔ اسمبلی انتخابات2008کے پہلے مرحلے کے سلسلے میںاتخابی مہم گزشتہ روز اختتام پذیر ہوگئی اور (کل ) 17نومبر کو بانڈی پورہ،پونچھ ،لیہہ اور کرگل اضلاع کی 10اسمبلی نشستوں میں60666رائے دہندگان 102انتخابی امیدواروں کی قسمت کا فیصلہ کریںگے۔پہلے مرحلے کی پولنگ کے سلسلے میں انتظامی سطح پر تمام تر تیاریوں کو حتمی شکل دی گئی ہے جبکہ انتخابات کو پرامن طریقے پر منعقد کرانے کے لئے تینوں اضلاع میں سی آر پی ایف اور دیگر بھارتی فورسز کی ڈیڑھ سو کمپنیوں کو تعینات کیا گیاہے۔ اطلاعات کے مطابق اسمبلی انتخابات کے پہلے مرحلے میں 17نومبر کو ریاست جموں وکشمیر کے 10انتخابی حلقوںجن میں کشمیر ڈویڑن کے گریز،بانڈی پورہ اورسوناواری جبکہ لداخ ڈویڑن کے نوبرا، لیہہ، کرگل اورزانسکار اور جموں ڈویڑنل کے سرنکوٹ، مینڈھر ، پونچھ اور حویلی شامل ہیں میں ووٹ ڈالیں جائیںگے۔ 17نومبر کو پہلے مرحلے کی پولنگ کے سلسلے میں لیہہ ، کرگل، پونچھ اور بانڈی پورہ اضلاع کی 10نشستوں میں ووٹنگ کے لئے انتظامی سطح پر تمام تیاریوں کو حتمی شکل دی گئی ہیں اور ملازمین کی تربیت کو مکمل کرنے کے ساتھ ساتھ پولنگ بوتھو ں پر ضروری سامان کو پہنچایا جارہا ہے جبکہ انتخابات کو پرامن طریقے پر منعقد کرانے کے لئے تینوں اضلاع میں سی آر پی ایف اور دیگر فورسز کی ڈیڑھ سو کمپنیوں کو تعینات کیا جارہا ہے۔ واضح رہے کہ پہلے مرحلے کی پولنگ کے سلسلے میں کل 129امیدواروں نے قسمت آزمائی کے لئے کاغذات نامزدگی داخل کئے تھے تاہم کاغذات کی جانچ پڑتال کے دوران 129امیدواروں میں 27کے نامزدگی کاغذات مختلف وجوہات کی بنا پر رد کئے گئے تھے اور اس طرح پہلے مرحلے کی پولنگ کے لئے اب 102امیدوار میدان میں ہیں جو 17نومبر کو اپنے اپنے حلقوں میں قسمت آزمائی کریںگے۔ ذرائع سے معلوم ہوا ہے کہ ان امیدواروں میں 3خواتین تبسم بانو، سریتا شرما اور غوثیہ بشیر شامل ہیں جو بالترتیب جموں ڈویڑن کے پونچھ حویلی اور بانڈی پورہ حلقوں سے انتخاب لڑے گی۔ 17نومبر کو پہلے مرحلے میں منعقد ہوجارہے انتخابات کے دوران آج 1066پولنگ مراکز میں 294145 خواتین سمیت 606667رائے دہندگان انتخابی اکھاڑے میں موجود 102امیدواروںکی قسمت کا فیصلہ کریںگے۔ادھر آج پہلے مرحلے کے سلسلے میں انتخابی مہم اختتام کو پہنچ گئی ہے اور 17نومبر کو ووٹنگ کے سلسلے میں انتظامی سطح پر تمام تر تیاریوں کو حتمی شکل دی گئی ہے۔ ذرائع سے معلوم ہوا ہے کہ برفباری کی صورت میں لداخ ڈویڑن کے لیہہ اور کرگل اضلاع میں پولنگ عملے اور انتخابی ساز وسامان کو پولنگ مراکز تک پہنچانے کے لئے ہیلی کاپٹر سروس بروئے کار لائے جائے گی جبکہ تمام تینوں اضلاع کی 10اسمبلی نشستوں میںقائم کئے گئے 1066پولنگ مراکز کو باضابطہ طور پر حساس ،انتہائی حساس اور پرامن زمروں میںتقسیم کیا گیا ہے اور پولنگ کی حساسیت کو مدنظر رکھتے ہوئے ہی سکیورٹی کے انتظامات بھی کئے گئے ہیں
1 response so far ↓
1 urdu , urdunews, urdunewspaper, newsurdu, online urdunews, مورخہ ١٦ نومبر ٢٠٠٨ کا تصویری اخبار // Nov 17, 2008 at 5:39 am
[...] مقبوضہ کشمیر میں کل انتخابات کے پہلے مرحلے کا آغاز ہو گ… مقبوضہ کشمیر میں کل 17 نومبر بروز سوموار انتخابات کے پہلے مرحلے کا آغاز ہو گا بھارت نواز جماعتوں نے انتخابات میں حصہ لینے کا اعلان کر رکھا ہے ۔ جبکہ کل جماعتی حریت کانفرنس نے کشمیری عوام سے انتخابات کے بائیکاٹ کی اپیل کی ہے کل جماعتی حریت کانفرنس کے چیئرمین سید علی گیلانی‘ میر واعظ عمر فاروق اور دیگر حریت رہنماؤں نے کہا ہے کہ ریاستی انتخابات کسی بھی لحاظ سے حق خودارادیت کا نعم البدل نہیں ہیں ۔ بھارت تحریک آزادی کشمیر کو دبانے کے لئے انتخابی ڈرامہ رچا رہا ہے ۔ کشمیری عوام ڈھونگ انتخابات سے دور رہیں ۔مزید۔۔۔۔۔ [...]
Leave a Comment