ڈاکٹر خالد مسعود سمیت تجدد پسند ارکان کو فوراً برطرف کر کے ان کے خلاف قانونی کارروائی کی جائے
لال مسجد علماء ایکشن کمیٹی کا مطالبہ
اسلام آباد ۔ اسلام نظریاتی کونسل ، اسلامائزیشن کی بجائے اسلام کا حلیہ بگاڑ رہی ہے ۔ ڈاکٹر خالد مسعود اور غامدی و دیگر تجدد پسند ارکان کو فوراً برطرف کر کے ان کے خلاف قانونی کارروائی کی جائے۔ صحیح عقائد و نظریات کے حامل راسنح علماء کو نسل کی چیئر مینی اور رکنیت کے لیے نا مزد کیا جائے یا ملک کی اکانومی پربوجھ اس سفید ہاتھی کو ہلاک کر دیا جائے ۔ ان خیالات کا اظہار لال مسجد علماء کمیٹی کے ترجمان مفتی عبد الرحمان نے سٹی صدر روڈ راول پنڈی میں کئے جانے والے مظاہرہ سے خطاب میں کیا۔جامع مسجد توکل سے نماز جمعہ کے بعد مسجد کے خطیب ممتاز عالم دین وترجمان لال مسجد علماء ایکشن کمیٹی پاکستان، مولانا مفتی عبد الرحمان کی قیادت میں ایک ریلی نکالی گئی اور سٹی صدر روڈ پر اسلامی نظریاتی کونسل کے چیئر مین ڈاکٹر خالد مسعود جاوید غامدی اور ان کے ہمنوا دیگر تجدد پسندوں کے خلاف، اسلام کی تنقید کرنے کی بجائے اسلام کا حلیہ بگاڑنے اور اسلام کی بنیادوں کو کھوکھلا کرنے کی ناپاک کوششوں پر سخت احتجاج کیا۔ مظاہرین نے ڈاکٹر خالد مسعود،جاوید غامدی وغیر کے خلاف سخت نعرہ بازی کی۔ اسلامی نظریاتی کونسل مردہ باد اور ڈاکٹر خالد مسعود اور غامدی اور ان کے ہمنواؤں کو برطرف کرو کے نعرے لگائے۔ مفتی عبد الرحمان نے اپنے خطاب میں ڈاکٹر خالد مسعود، جاوید غامدی کو آڑے ہاتھوں لیا اور انہیں دشمن اور منافق قرار دیا انھوں نے کہا کہ اسلامائزیشن کے مقدس فریضہ کی ادائیگی کے لیے اتنے بڑے عہدوں پر فائر مراعات سے لطف اندوز ہونے والے الٹا اسلام کا حلیہ بگاڑنے اور اس کی جڑوں کو کھوکھلا کرنے کی ناپاک کوششوں میں مصروف اور مسلمانوں کو اسلام سے برگشتہ کرنے کے یہودی ایجنڈے پر عمل پیرا ہیں۔ انھوں نے اسلامی نظریاتی کونسل کو ملک کی اکانومی پر بوجھ اور سفید ہاتھی قرار دیا انھوں نے چیئر مین ، غامدی سمیت تمام تجدد پسند ارکان کی برطرفی اور ان کے خلاف قانونی کارروائی اور ان کی جگہ صحیح عقائد و نظریات کے حامل راسنح علماء کرام کی نامزدگی کا مطالبہ کیا۔
0 responses so far ↓
تبصرہ کریں
Leave a Comment