Urdu News - Online Urdu News Paper

سرینگر ۔ حریت کانفرنس کا مقبوضہ کشمیر اسمبلی کے انتخابات کے خلاف بائیکاٹ مہم کا آغاز ہو گیا ہے ۔ کشمیر کو آرڈیننس کمیٹی کے ترجمان نے بتایا ہے کہ مختلف علاقوں میں جلسہ ہائے عام کا انعقاد کیا جائے گا ۔ جن سے میر واعظ عمر فاروق اور دیگر راہنما خطاب کریں گے ۔ کمیٹی کے بیان میں کہا گیا کہ انتخابات کے موقع پر کشمیری عوام بلیک آؤٹ کریں گے ۔ رابطہ کمیٹی کے ترجمان نے انتخابی عملے سے اپیل کی ہے کہ وہ انتخابی ڈیوٹی دینے سے لاتعلق رہیں ۔ یاد رہے کہ انتخابات کا پہلا مرحلہ 17 نومبر سے بانڈی پورہ اور سوپور میں شروع ہو گا ۔ بھارتی چیف الیکشن کمشنر گوپال سوامی نے مقبوضہ کشمیر میں انتخابی مراکز کا دورہ کیا اور تیاریوں کا جائزہ لیا ۔ چیف الیکشن کمشنر نے بتایا کہ سات مرحلوں پر مشتمل انتخابات کا آغاز 17 نومبر کو ہو گا اور یہ 24 دسمبر تک جاری رہیں گے ۔ مقبوضہ کشمیر کے عوام اور سیاسی جماعتوں نے ان انتخابات کے مکمل بائیکاٹ کا اعلان کر رکھا ہے ۔