آئی ایم ایف سے رجوع کر نے کی بجائے معاشی و اقتصادی بحران سے نمٹنے کے لئے پارلیمنٹ کے ذریعے جامع پالیسی وضع کی جائے
مسلم لیگ (ن) کے قائد کا پارٹی کے سینئر رہنماؤں کے مشاورتی اجلاس سے خطاب
اسلام آباد ۔ پاکستان مسلم لیگ (ن) کے قائد اور سابق وزیر اعظم میاں محمد نواز شریف نے حکومت سے سترہویں ترمیم کے خاتمے کا مطالبہ کر دیا انہو ںنے کہا ہے کہ تمام سیاسی قوتیں اس بات پر متفق ہیں کہ قوم سے کئے گئے وعدے کے مطابق سابقہ دور کی آئین میں کی گئیں ترامیم کو واپس لیا جائے حکومت آئی ایم ایف سے رجوع کر نے سے گریز کرے معاشی و اقتصادی بحران سے نمٹنے کے لئے پارلیمنٹ کے ذریعے جامع مالی پالیسی وضع کی جائے ان خیالا ت کا اظہار انہوں نے ہفتہ کی شام پنجاب ہاؤس اسلام آباد میں پاکستان مسلم لیگ ن کے سینئر رہنماؤں کی مشاورتی اجلاس سے خطاب کر تے ہوئے کیا اجلاس میں وزیر اعلیٰ پنجاب میاں شہباز شریف،پارٹی کے مرکزی چیئر مین راجہ ظفر الحق،قومی اسمبلی میں قائد حزب اختلاف چوہدری نثار علی خان،اقبال ظفر جھگڑا،احسن اقبال،خواجہ محمد آصف اور دیگر رہنماؤں نے شرکت کی۔ ذرائع کے مطابق اجلاس میں ملک کی مجموعی سیاسی صورتحال،پارٹی کی تنظیم نو و کارکردگی،وکلاء تحریک اور پنجاب حکومت و وفاق کے درمیان تعلقات کار کا جائزہ لیا گیا اجلاس میں وکلاء تحریک کے ساتھ بھر پور تعاون جاری رکھنے کے عزم کا اعادہ کیا گیا اور واضح کیا گیا کہ آزاد عدلیہ کے بغیر معاشی ترقی ممکن نہیں ہے حکومت سے سترہویں ترمیم کے خاتمے اور قومی سلامتی کے حوالے سے پارلیمنٹ کی متفقہ قرار داد پر عملدر آمد کے لئے پارلیمانی کمیٹی کے حکام کے مطالبات بھی کیے گئے ہیں نواز شریف نے اجلاس سے خطاب کر تے ہوئے کہا کہ پارلیمنٹ کو عوام کی توقعات پر پورا اتر نا چاہیے انہوں نے کہا کہ مالی بحران کے ذمہ داران کے خلاف کاروائی ضروری ہے غلط پالیسیاں بنانے والوں سے جواب طلبی نا گزیر ہے انہوں نے کہا کہ پارلیمنٹ کو متفقہ اقتصادی و معاشی پالیسی بنانی چاہیے اس سے معیشت کو استحکام حاصل ہو سکتا ہے بیرونی قرضوں پر انحصار نہ کیا جائے۔
1 response so far ↓
1 urdu , urdunews, urdunewspaper, newsurdu, online urdunews, مورخہ ٨ نومبر٢٠٠٨ کا تصویری اخبار // Nov 9, 2008 at 2:18 am
[...] قوم سے کیے گئے وعدے کے مطابق سابقہ دور کی آئنی ترامیم کو… پاکستان مسلم لیگ (ن) کے قائد اور سابق وزیر اعظم میاں محمد نواز شریف نے حکومت سے سترہویں ترمیم کے خاتمے کا مطالبہ کر دیا انہو ںنے کہا ہے کہ تمام سیاسی قوتیں اس بات پر متفق ہیں کہ قوم سے کئے گئے وعدے کے مطابق سابقہ دور کی آئین میں کی گئیں ترامیم کو واپس لیا جائے حکومت آئی ایم ایف سے رجوع کر نے سے گریز کرے معاشی و اقتصادی بحران سے نمٹنے کے لئے پارلیمنٹ کے ذریعے جامع مالی پالیسی وضع کی جائے ان خیالا ت کا اظہار انہوں نے ہفتہ کی شام پنجاب ہاؤس اسلام آباد میں پاکستان مسلم لیگ ن کے سینئر رہنماؤں کی مشاورتی اجلاس سے خطاب کر تے ہوئے کیا۔مزید۔۔۔۔ [...]
Leave a Comment