اوباما مالیاتی بحران سے نمٹنے کیلئے بااختیار صدارتی انتظامیہ کے تحت براہ راست اقدامات کیلئے پر عزم ہیں‘ ڈیموکریٹ ذرائع
واشنگٹن(ثناء نیوز) امریکا کے نومنتخب ڈیموکریٹ صدر براک اوباما نے عالمی معاشی بحران کے حل کے حوالے سے 17نومبر کو صدر بش کی میزبانی میں طلب کردہ عالمی کانفرنس میں شرکت کا دعوت نامہ مسترد کر دیا ہے۔ امریکی میڈیا کے مطابق ڈیموکریٹ پارٹی کے ذرائع کا کہنا ہے کہ نومنتخب صدر اوباما مالیاتی بحران سے نمٹنے کیلئے بااختیار صدارتی انتظامیہ کے تحت براہ راست اقدامات کیلئے پر عزم ہیں تاہم وہ صدر بش کی میزبانی میں منعقدہ عالمی کانفرنس میں اپنا نمائندہ بھیجیں گے۔میڈیا رپورٹس میں کہا گیا ہے کہ موجودہ شدید معاشی بحران اور بش اوباما پالیسی تضادات کے باعث انتقال اقتدار خصوصاً وزارت خزانہ کی ٹیم کی تبدیلی قدرے پیچیدہ صورتحال اختیار کرسکتی ہے۔ اور اس حوالے سے اوباماپر دباؤ ہے کہ وہ جلد اپنی انتظامیہ کے وزیر خزانہ کا اعلان کریں۔ادھر وائٹ ہاؤس کی ترجمان ڈیانا پیرینو کا کہنا ہے کہ اوباما کے مجوزہ انتظامی ساتھیوں کو موجودہ صورتحال اوردرپیش مسائل خصوصاً معاشی بحران پر مکمل بریفنگ دی جارہی ہے۔
0 responses so far ↓
تبصرہ کریں
Leave a Comment