Urdu News - Online Urdu News Paper

واشنگٹن۔ امریکہ کے نو منتخب صدر بارک اوباما نے ایران کے ساتھ ممکنہ مذاکرات سمیت افغانستان میں جاری جنگ تک مزید علاقائی رسائی کے لیے ایک نیا منصوبہ تیار کرلیا ہے ’ ’ واشنگٹن پوسٹ‘‘ کی رپورٹ کے مطابق ان خیالات کا اظہار بارک اوباما کے سلامتی کے مشیر نے کیا ہے رپورٹ کے مطابق نو منتخب امریکی صدر اپنے منصوبے میں امریکہ کی افغانستان میں فوجیوں کی تعداد میں اضافے اور القاعدہ کے لیڈر اسامہ بن لادن کی تلاش کے سلسلے میں نئی حکمت عملی پر بھی غور کررہے ہیں۔ امریکی صدر منتخب ہونے کے بعد پچھلے ہفتے انہیں ایک اعلی سطحی انٹیلی جنس بریفنگ بھی دی گئی تھی سلامتی کے مشیر نے واشنگٹن پوسٹ کو مزید بتایا کہ نو منتخب صدر کے منصوبے کے مطابق القاعدہ اب بھی قوم کے لیے ایک اہم مسئلہ ہے ان کا کہنا تھا کہ القاعدہ ہمارا دشمن ہے اور یہ ہمارا بنیادی ٹارگٹ ہے ۔ بش انتظامیہ کے دور میں ایران نے افغانستان کی مغربی سرحد پر ہتھیاروںکے پھیلاؤ میں اضافہ کردیا تھا لیکن اب افغانستان کے حوالے سے ایک نئی حکمت عملی بنانا ہوگی ۔