Urdu News - Online Urdu News Paper

اسلام آباد۔ پاکستان کرکٹ بورڈ کے آئین2007میں تبدیلی کے لئے ذیلی کمیٹی بنانے کا فیصلہ کر لیا گیا آج وفاقی وزیر قانون فاروق ایچ نائیک اور وزیر کھیل پیر آفتاب حسین شاہ کی صدارت میں ہو نے والے کرکٹ بورڈ کی آئینی کمیٹی کے اجلاس میں فیصلہ کیا گیا کہ پی سی بی کے آئین 2007 میں مطلوب تبدیلیوں کے لئے ذیلی کمیٹی قائم کی جائے گی جو اجلاس میں دی گئی تجاویز اور منصوبوں کا جائزہ لے کہ تیس دن کے اندر اپنی سفارشات کمیٹی کو پیش کرے گی تا کہ ملکی کرکٹ کو فروغ دیا جا سکے اجلاس کے بعد میڈیا کے نمائندوں سے گفتگو کرتے ہوئے وفاقی وزیر کھیل نے کہا کہ ہم پی سی بی کے آئین کو جمہوری بنانا چاہتے ہیں ملک میں طے شدہ پاک بھارت سیریز کے حوالے سے بات چیت کرتے ہوئے انہوں نے کہا کہ بھارتی ٹیم کو پاکستان کا دورہ ضرور کرنا چاہیے کیونکہ پاکستان میں کرکٹ کے لئے حالات نہایت سازگار ہیں اجلاس میں صوبہ سندھ کے کھیلوں کے وزیر محمد علی شاہ، چیئر مین کرکٹ بورڈ،اعجاز بٹ ،اشرف خان،لیفٹیننٹ جنرل توقیر ضیاء،طارق بلوچ،محمد منیر، سابق کرکٹر ساجد خان ،کپتان شعیب ملک، وائس کپتان مصباح الحق،سابق کرکٹر صادق محمد ،چیف آپریٹنگ آفیسر سلیم الطاف، ڈائریکٹر جنرل پی سی بی جاوید میاں داد اور وزارت کھیل کے دوسرے اعلیٰ افسران نے بھی شرکت کی۔