Urdu News - Online Urdu News Paper

لاہور۔ جماعت اسلامی پاکستان کے امیر قاضی حسین احمد نے روزنامہ ’’ اسلام ‘‘ کراچی اور’’ ضرب مومن ‘‘کی اشاعت پر سندھ حکومت کی طرف سے لگائی گئی پابندی کی شدید مذمت کرتے ہوئے کہاہے کہ اس اقدام سے آزادی صحافت کے حکومتی دعوؤں کی قلعی کھل گئی ہے اور واضح ہو گیاہے کہ حکومت سچ سننے اور حقیقت کا سامناکرنے کے لیے تیار نہیں ہے ۔آئین پاکستان ، آزادی اظہار کی اجازت دیتاہے اور ایک ذمہ دار اخبار کی اشاعت پر پابندی لگانا خلاف آئین ہے ۔ عوام کے ووٹوں سے بر سر اقتدار آنے والے حکومت کو ایسا کرنا زیب نہیں دیتا۔ اپنے ایک بیان میں قاضی حسین احمد نے کہاکہ آئین پاکستان ، آزادی اظہار کی اجازت دیتاہے اور ایک ذمہ دار اخبار کی اشاعت پر پابندی لگانا خلاف آئین ہے ۔ انہوں نے مطالبہ کیا کہ روزنامہ اسلام اور ضرب مومن کی اشاعت پر عائد پابندی فی الفور اٹھائی جائے ۔قاضی حسین احمد نے روزنامہ اسلام کراچی کی انتظامیہ سے رابطہ کر کے اس سے ا ظہار یکجہتی کیاہے اور اسے اپنی مکمل حمایت کی یقین دہانی کرائی ہے