Urdu News - Online Urdu News Paper

نیویارک۔ اقوام متحدہ کی سلامتی کونسل نے صومالی بحری قزاقوں سمیت صومالیہ میں متحرک عسکریت پسندوں اور اسلحہ کی اسمگلنگ میں ملوث گروہوںپرتجارت سمیت دیگر پابندیاں عائد کر نے کی قرار داد منظور کرلی ہے۔صومالی بحری قذاقی کے بڑھتے ہوئے واقعات اور صومالیہ میں لاقانونیت کی بگڑتی ہوئی صورتحال کے پیش نظر پابندیاں عائد کرنے کی قرارداد برطانیہ نے پیش کی تھی جسے سلامتی کونسل میں متفقہ طور پر منظور کرلیا گیا۔اقوام متحدہ کے نائب سیکریٹری جنرل برائے امن رئیس الدین زینیگا نے سلامتی کونسل کے ارکان کے خیالات کی ترجمانی کرتے ہوئے کہا کہ قزاقی اور عالمی اہداف پر حالیہ دہشت گرد حملے صومالیہ میں انارکی اور بنیادی مسائل کی علامات ہیں۔انہوں نے کہا کہ صومالیہ کے قزاقوں سے نمٹنے کیلئے کثیرالقومی کوششوں کی ضرورت ہے ان کا کہنا تھا کہ یورپی یونین،نیٹوممالک،روس اور بھارت سمیت دیگر ملکوں کوان کوششوں میں شامل کیا جارہاہے تاکہ عالمی طاقت کو متحرک کرکے صومالیہ میں سلامتی کے مسائل کا تدارک کیاجاسکے۔افریقی یونین نے بھی اقوام متحدہ سے فوج صومالیہ بھیجنے کا فوری مطالبہ کیاہے۔