Urdu News - Online Urdu News Paper

ماسکو ۔ روسی وزیر اعظم ولادی میر پیوٹن نے کہا ہے کہ امریکہ اور عالمی مالیاتی نظام کے باعث دنیا کے کئی ممالک اقتصادی بحران کا شکار ہوئے ہیں ۔ ماسکو میں ایک تقریب سے خطاب کرتے ہوئے ولادی میر پیوٹن نے کہا کہ انہوں نے اپنے 8 سالہ دور صدارت میں مالیاتی بحران کا مقابلہ کرنے کے اقدامات کر لئے تھے جس کی وجہ سے اس بحران کا روس پر زیادہ اثر نہیں ہوا ۔ روسی وزیر اعظم نے کہا کہ امریکہ کی خراب معاشی صورت حال سے بداعتمادی پیدا ہوئی اور عالمی مالیاتی نظام مفلوج ہو کر رہ گیا ۔ انہوں نے اس عزم کا اظہار کیا کہ اس بحران کے نتیجے میں روس مزید مضبوط ہو کر سامنے آیا ہے ۔