عوامی قائدین کو بدنام کرنے والوں کے خلاف سائبر کرائم ایکٹ کے تحت ایکشن لیا جائے
ملوث افراد کو 14سال قید اور جائیداد ضبط کرنے کی سزا دی جائے گی
وفاقی وزیر داخلہ رحمان ملک نے ڈی جی ایف آئی اے کو ہدایات جاری کر دیں
اسلام آباد ۔ وفاقی وزیر داخلہ نے وفاقی وزرات داخلہ نے سیکیورٹی فورسز کے خلاف منفی پروپیگنڈہ اور عوامی قائدین کے خلاف ایس ایم ایس اور ای میل پیغامات کے ذریعے بدنامی کرنے والوں کے خلاف سخت کارروائی شروع کر دی ہے اور اس حوالے سے ایف آئی اے کے سربراہ کو باقاعدہ طور پر ہدایات بھی جاری کر دی گئی ہیں اتوار کو وزارت داخلہ سے جاری بیان میں کہاگیا ہے کہ وفاقی وزیر داخلہ رحمان ملک کی ہدایت پر ایف آئی اے نے ایسے افراد کے خلاف کارروائی شروع کر دی ہے جو ایس ایم ایس اور ای میل پیغامات کے ذریعے سیکیورٹی فورسز کے خلاف منفی پروپیگنڈہ کرنے اور عوامی قائدین کو بدنام کررہے ہیں ۔ ڈی جی ایف آئی اے کو ہدایت کی گئی ہے کہ جو لوگ ملوث پائے گئے ہیں ان کے خلاف سائبر کرائم ایکٹ کے تحت کارروائی کریں ۔ بیان میں مزید کہاگیا ہے کہ ایف آئی اے نے پہلے سے جو کارروائی کی ہے اور جو لوگ ملوث پائے گئے ہیں ان کے خلاف آئندہ چند روز میں سخت ایکشن کیا جائے گا جبکہ بیرون ممالک کے رجسٹرڈ ای میلز اور ویب سائٹس کا پتہ لگانے کیلئے انٹر پول سے تعاون کی درخواست کی گئی ہے بیان کے مطابق سائبر کرائم ایکٹ کے تحت جو لوگ ملوث پائے گئے ان کو چودہ سال قید اور جائیداد ضبط کی جائے گی جبکہ بیرون ممالک میں مقیم ملوث افراد کو پاکستان لا کر ان کے خلاف کارروائی کی جائے گی ۔
1 response so far ↓
1 urdu , urdunews, urdunewspaper, newsurdu, online urdunews, مورخہ ١٢ جولائی ٢٠٠٩ کا تصویری اخبار // Jul 13, 2009 at 12:21 am
[...] سیکیورٹی فورسز اور عوامی قائدین کے خلاف ایس ایم ایس اور… [...]
Leave a Comment