لاہور۔ پٹرولیم مصنوعات کی قیمتوں میں اضافہ کے صدارتی آرڈیننس کے اجراء کے خلاف صوبائی دارالحکومت میں تمام ماتحت عدالتوں نے پنجاب بار کونسل کی اپیل پر مکمل ہڑتال کی ۔ ماتحت عدالتوں میں کوئی وکیل پیش نہیں ہوا ۔ تفصیلات کے مطابق پنجاب بار کونسل کی اپیل پر صدر آصف علی زرداری کی جانب سے پٹرولیم مصنوعات کی قیمتوں میں اضافہ کے خلاف تمام ماتحت عدالتوں میں مکمل ہڑتال کی گئی کوئی وکیل عدالت میں پیش نہیں ہوا جس کے باعث ان عدالتوں میں جمعہ کے روز دس ہزار سے زائد مقدمات کی سماعت نہیں ہو سکی اور سائلین تاریخ لے کر واپس جاتے رہے ۔ اس موقع پر لاہور بار ایسوسی ایشن کے صدر رانا ضیاء الرحمن نے کہا کہ ماتحت عدالتوں میں ہڑتال پنجاب بار کونسل کی اپیل پر کی گئی ہے انہوں نے کہا کہ صدر زرداری نے رات کے اندھیرے میں شب خون مارا ہے اور رات کی تاریکی میں صدارت آرڈیننس جاری کر کے عوام کو مہنگائی کے شکنجہ میں جکڑنے کی کوشش کی ہے ۔ انہوں نے کہا کہ پٹرولیم مصنوعات کی قیمتوں میں کمی کے لئے وکلائکو تحریک بھی چلانا پڑی تو وکلاو میدان میں اتریں گے
زرداری نے رات کے اندھیرے میں شب خون مارا ‘ صدارتی آرڈیننس کے خلاف لاہور میں وکلاو کا عدالتی بائیکاٹ
July 10th, 2009 · No Comments; 4 months ago
Tags: lawyers protest, pakistan oil price, supreme court
0 responses so far ↓
تبصرہ کریں
Leave a Comment