Urdu News

Urdu News…The 3rd Largest Online Urdu Newspaper

Urdu News header image 4

Entries from January 31st, 2010

پٹرولیم کی قیمتوں میں9فیصد تک اضافہ کر دیا گیا ‘ قیمت6.10روپے فی لیٹر اضافے کے ساتھ 71.21روپے کی سطح پر پہنچ گئی

January 31st, 2010 · No Comments · بریکنگ نیوز, پاکستان

اسلام آباد ‘ حکومت نے پٹرولیم مصنوعات کی قیمتوں میں 5سے 9فیصد تک اضافہ کر دیاہے۔ آئل اینڈ گیس ریگولیٹری اتھارٹی ( اوگرا) کی جانب سے جاری نوٹیفکیشن کے مطابق فروری کیلئے پٹرول کی قیمت 65.11روپے فی لیٹر سے بڑھا کر 71.21روپے ، ایچ او بی سی کی قیمت 79.43روپے سے بڑھا کر 86.84روپے فی لیٹر ، مٹی کا تیل 60.75روپے سے بڑھا کر 64.7روپے ، لائٹ ڈیزل آئل کی قیمت 58.10روپے سے بڑھا کر 61.7روپے فی لیٹر مقررکردی گئی ہے۔حکومت نے جنوری کے مقابلے میں فروری کے دوران پٹرول کی قیمت میں 6.10روپے ،ایچ او بی سی کی قیمت میں 7.41روپے ، مٹی کے تیل کی قیمت 3.32روپے ، لائٹ ڈیزل آئل کی قیمت 2.57روپے کے حساب سے اضافہ کیا ہے۔جس کے بعد ملک میں مہنگائی کا سیلاب آنے کا خطرہ ہے۔تجزیہ نگاروں کے مطابق فوری طورپر گاڑیوں کے کرایوں میں اضافہ ہو جائے گا جس سے سفری اخراجات بڑھیں گے جبکہ صنعتی شعبہ بھی اس سے شدید متاثر ہو گا۔

Tags: ·

طالبان کی حکومت کو بڑی جنگ کی دھمکی

January 31st, 2010 · 1 Comment · بریکنگ نیوز, پاکستان

دھمکی مجاہدین شمالی وزیرستان کی شوریٰ کی جانب سے جاری کی گئی
میران شاہ+ اسلام آباد(ثناء نیوز )شمالی وزیرستان میں مقامی طالبان نے حکومت کو کسی بھی نئی فوجی کارروائی سے باز رہنے کا مطالبہ کرتے ہوئے واضح کیا ہے کہ اگر اس نے کسی ایک گاؤں کا رخ کیا تو ایک بڑی جنگ کا امکان بڑھ جائے گا۔یہ دھمکی مجاہدین شمالی وزیرستان کی شوریٰ کی جانب سے صدر مقام میران شاہ میں قوم شمالی وزیرستان کے نام ایک ضروری اعلامیے کی صورت میں تقسیم کی گئی ہے۔ ایک صفحے کا ایک تحریری پیغام برطانوی ریڈیو کو بھی موصول ہوا ہے۔اس تحریر میں ’بڑی لڑائی‘ میں عام لوگوں کو نقصانات سے بچانے اور مقامی قبائل سے کرزئی حکومت کی منتقلی کے لیے ایک پرامن علاقے کی تشکیل کے لیے ایک جرگہ تشکیل دینے کی بھی بات کی گئی ہے۔شمالی وزیرستان میں طالبان کمانڈر حافظ گل بہادر کا کنٹرول ہے۔ تاہم اس علاقے پر اس سال کے آغاز سے امریکی ڈرون حملوں میں کافی اضافہ دیکھا جا رہا ہے اور اس تیزی کی بڑی وجہ طالبان کی جانب سے خوست میں سی آئی اے کے سات اہلکاروں کی ایک خود کش حملے میں ہلاکت کو قرار دیا جا رہا ہے۔اتوار کو جاری ہونے والے تحریری پیغام میں کہا گیا ہے کہ طالبان نے حکومت کے ساتھ امن معاہدے کی مکمل پاسداری کی ہے اور ایک بھی راکٹ فائر کرنے یا بارودی سرنگ کا واقعہ پیش نہیں آیا ہے۔ تاہم طالبان نے شکایت کی کہ ’حکومت ان کی شرافت اور اعتماد کا غلط فائدہ اٹھا رہی ہے‘۔حکومت کی جانب سے امن معاہدے کی خلاف ورزیاں گنواتے ہوئے شدت پسندوں کا کہنا تھا کہ اس کی پہلی غلطی علاقے میں جاسوسی کا وسیع جال پھیلانا ہے۔ ’اس وجہ سے زیادہ تعداد میں مجاہدین کے ساتھ عام شہری بھی شہید ہو رہے ہیں۔ یہ سلسلہ تاحال جاری ہے جس کا ثبوت ہمارے پاس موجود ہے‘۔امن معاہدے کی دوسری خلاف ورزی فوج کا جانی خیل اور بکاخیل علاقوں سے نہ نکلنا ہے۔ بیان کے مطابق اس کے برعکس فوجی تعداد بڑھا دی گئی ہے اور عام لوگوں کے مکانات کی تلاشی لے کر انہیں بے عزت کیا جا رہا ہے اور ان کو تکلیف دی جا رہی ہے۔ بعض مکانات کو کارروائی میں مسمار بھی کیا گیا ہے۔خلاف ورزی نمبر تین علاقے سے چوکیوں کا خاتمہ تھا۔ بیان میں الزام عائد کیا گیا کہ تین چار چوکیاں علامتی طور پر ہٹائی گئی ہیں جب کہ باقی تاحال برقرار ہیں۔ ’ان چوکیوں پر ناقابل برداشت سلوک جس میں عورتوں سے شناختی کارڈ تک مانگا جاتا ہے‘۔طالبان کا کہنا تھا کہ حکومت ان غلطیوں کے ساتھ ساتھ کارروائیوں کی افواہیں اڑا رہی ہے۔ اس بابت انہوں نے ماچس گاؤں میں گزشتہ دنوں فوجی کارروائی کا ذکر کرتے ہوئے کہا کہ اس میں بقول ان کے بے گناہ اور غیرمتعلقہ افراد کو ہلاک و گرفتار کیا گیا۔برطانوی ریڈیو کے مطابق پاکستانی فوجی ترجمان نے گزشتہ دنوں کم از کم ایک برس تک شمالی وزیرستان میں نیا محاذ نہ کھولنے کا اعلان کیا تھا۔ تاہم ایسا محسوس ہوتا ہے کہ اس اعلان پر طالبان کو یقین نہیں اور وہ حکومت کے خلاف اس تازہ چارج شیٹ سے واضح کرنا چاہتے ہیں کہ اس کے صبر کا پیمانہ اب لبریز ہو رہا ہے

Tags: ···

گورنرحکومت پنجاب پولیس تفتیش میں دخل اندازی اور عدلیہ کے معاملات میں غیر قانونی مداخلت کے مرتکب ہو رہے ہیں ۔مسلم لیگ نون

January 31st, 2010 · No Comments · پاکستان

٭۔ ۔ ۔ پنجاب میں آئینی عہدے پر براجمان جس شخص کا کہنا یہ ہے کہ صوبے میں انصاف نام کی کوئی چیز نہیں،وہ خود انصاف کی فراہمی کے عمل میں رکاوٹ بنا ہوا ہے۔ ذوالفقار علی خان کھوسہ کی پریس کانفرنس
لاہور‘ سینئر صوبائی وزیر سردار ذوالفقار علی خان کھوسہ نے کہا ہے کہ پنجاب کے گورنرسلمان تاثیر صوبے میں گورنر راج نافذ کرنے سے پہلے ،گورنر راج کے دوران اور گورنر راج ہٹائے جانے کے بعد بھی حکومت پنجاب کے روزمرہ معاملات میں بے جامداخلت اور سول سرونٹس کو بلا کر دھمکیاں دینے کے علاوہ پولیس تفتیش میں دخل اندازی اور عدلیہ کے معاملات میں غیر قانونی مداخلت کے مرتکب ہو رہے ہیں۔ پنجاب میں آئینی عہدے پر براجمان جس شخص کا کہنا یہ ہے کہ صوبے میں انصاف نام کی کوئی چیز نہیں،وہ خود انصاف کی فراہمی کے عمل میں رکاوٹ بنا ہوا ہے۔ پنجاب میں جنگل کا قانون نافذ ہونے کا طعنہ دینے والی اس شخصیت نے خود ایک مدت سے لاہور ہائی کورٹ میں ججوں کی تقرری نہیںہونے دی اور چیف جسٹس لاہور ہائی کورٹ کی طرف سے نامزد کئے گئے افراد کی فہرست غیر قانونی طور پر اسی شخصیت نے دبا رکھی ہے۔ 90۔شاہراہ قائداعظم لاہورمیں پریس کانفرنس سے خطاب کرتے ہوئے سردار ذوالفقار علی خان کھوسہ نے کہا کہ سلمان تاثیر وہی شخص ہے جس نے 2007ء میں ایک ڈکٹیٹر کی کابینہ میں حلف لیا ۔آج یہی شخص پنجاب میں لاء آف جنگل کی بات کررہاہے جو سپریم کورٹ اور ہائی کورٹس کے ساٹھ ججوں کو ان کے اہل خانہ سمیت سرکاری رہائش گاہوں میں قید کرنے والوں میں شامل تھا اور اس شخص کے وفاقی وزارت پرفائز ہوتے ہوئے چیف جسٹس آف پاکستان کے ساتھ جس بُری طرح سلوک کیا گیا ،وہ دنیا نے دیکھا ہے۔سینئر صوبائی مشیر نے کہا کہ گورنر سلمان تاثیر نے مارچ2009ء میں گورنر راج لگانے کے بعد پنجاب میں جنگل کا قانون لاگو کردیا تھا ۔ گورنر راج کے دوران ارکان پنجاب اسمبلی کے ضمیر کی قیمت لگانے کی کوشش کی جاتی رہی۔گورنر ہاؤس لاہور کو سیاسی اکھاڑہ اورگھوڑوں کی منڈی بنایا گیا اوربرملا یہ اعلان کیا گیا کہ میں وفاق میں اپنی پارٹی کے شریک چیئرمین کو پنجاب اسمبلی کے 250۔ارکان کی حمایت پیش کروں گا لیکن پاکستان مسلم لیگ (ن)سے تعلق رکھنے والے ارکان صوبائی اسمبلی نے ان کی یہ خواہش حسرت میں بدل کر رکھ دی۔سردار ذوالفقا ر کھوسہ نے کہا کہ یہ شخص اپنا منصب بے شک رکھے ،ہمیں اس کی ذات سے کوئی غرض نہیں لیکن اس منصب کا احترام کرے جو ایک آئینی منصب ہے۔ انہوں نے کہا کہ گورنر سلمان تاثیر صوبہ پنجاب کے اندرونی حالات کو بگاڑنے اورپنجاب کی موجودہ حکومت کو عدم استحکام سے دو چار کرنے کے لئے وہ اختیارات بھی استعمال کرنے کی کوشش کرتے ہیںجو اختیارات آئینی طور پران کے پاس نہیں ہیںاور یہ طرز عمل ایک ایسے صوبے میں اپنا یا گیا ہے جہاں پاکستان مسلم لیگ (ن)اور پاکستان پیپلز پارٹی کی مخلوط حکومت قائم ہے ۔انہوں نے کہا کہ ہماری حلیف جماعت سے تعلق رکھنے والے صوبائی وزراء ہمیں ہمیشہ یہ کہتے ہیںکہ آپ گورنرپنجاب کے اُوٹ پٹانگ بیانات کا غصہ نہ کیا کریںکیونکہ صوبے میں دونوں بڑی جماعتو ں کی مخلوط حکومت چلتی رہنی چاہیے ۔ہم نے پنجاب میں گورنر راج ہٹائے جانے کے فوراً بعد اپنی حلیف جماعت سے خود رابطہ کرکے انہیں کابینہ کے اجلاس میں شرکت کی دعوت دی ۔انہوں نے اپنی قیادت سے مشاورت کے لئے دو دن کی مہلت طلب کی ۔ہم نے ان کا انتظار کیاتاکہ یہ الحاق نہ ٹوٹے ۔یہ اچھی بات ہے کہ پیپلز پارٹی کے ارکان صوبائی اسمبلی اور وزراء اب تک ہمارے ساتھ چل رہے ہیں۔وہ یہی کہتے ہیںکہ براہ مہربانی آپ گورنر کے بیانات کو درگزر کریںلیکن جب آمریت کی باقیات میں شامل گورنر پنجاب ہمارے ارکان اسمبلی کو طرح طرح کے لالچ دے رہا ہواور حکومت کی فنکشننگ میںغیر قانونی طور پر دخل اندازی کر رہا ہو،تو ہم درگزر کیسے کرسکتے ہیں۔پاکستان کے دوسرے صوبوں میں بھی توگورنرز موجود ہیں،وہاں تو یہ صورت حال نہیں ہے۔سینئر صوبائی مشیر نے کہا کہ پاکستان مسلم لیگ(ن)کی مرکزی قیادت نے گورنر پنجاب کے خلاف کبھی کوئی بیان جاری نہیں کیا ،البتہ صوبائی وزیر قانون راناثناء اﷲ خاں نے اپنے بعض بیانات میںمحض ان بیہودہ اور بے بنیاد الزامات کا جواب دیا ہے جو گورنر صاحب بسااوقات صوبائی حکومت پر لگاتے رہتے ہیں۔انہوں نے کہا کہ پاکستان کے سب سے بڑے صوبے کا گورنر ایسی زبان استعما ل کرتا رہا ہے جو شائستہ حلقو ں میں استعمال نہیں کی جاتی ۔یہ بازاری زبان ایک گورنر کو تو کیا زیب دے گی،یہ لب ولہجہ کسی کو بھی زیب نہیں دیتا ۔سردار ذوالفقار علی خان کھوسہ نے کہا کہ دہشت گردی کے خلاف قومی جدوجہدکے تناظر میں پاکستانی قوم کو اس وقت استحکام کی ضرورت ہے اور سلمان تاثیر ایک ایسا فرد واحد ہے جو پاکستان کے استحکام اور سالمیت برقرار رکھنے میں رخنہ ڈال رہا ہے۔لاہور ہائی کورٹ کے چیف جسٹس نے ججوں کی تقرری کے لئے جب 26۔افرادنامزد کرکے فہرست گورنر پنجاب کو بھجوائی ،توگورنر نے ٹیلی فون کر کے ہر ایک نامزدفرد کو گورنر ہاؤس بلوایا اور کہا کہ فرداًفرداً انٹرویو کے لئے آئیں۔نامزد افرا د میں سے کچھ حضرات گورنر ہاؤس گئے ،کچھ نے جانے سے انکار کردیا۔ چیف جسٹس لاہور ہائی کورٹ نے وفاقی سیکرٹری قانو ن کو لکھا کہ سبھی نامزد افراد سے بیان حلفی لیں کہ کیا انہوں نے بطور جج تقرری کے سلسلہ میں گورنر پنجاب سے ملاقات کی ہے تودس نامزد افراد نے یہ بیان حلفی داخل کرایا کہ گورنر نے ان سے یہ عہد حاصل کرنے کی بھرپور کوشش کی کہ اگر آپ جج بن جائیںتو آپ ہر طرح سے پیپلز پارٹی کی تائید وحمایت کرتے رہیںگے اور اس عہد نامے کے بعد ہی آپ کانام آگے بھجوایا جائے گا۔ سینئر صوبائی مشیر نے بتایا کہ چیف جسٹس لاہور ہائی کورٹ نے یہ تمام نام واپس لے لئے اور اب صرف 11نام ہائی کورٹ کے جج کے لئے نامزد کئے گئے ہیں۔آئینی تقاضا یہ ہے کہ اس معاملے میں صوبائی وزیرا علیٰ کی ایڈوائس حاصل کی جائے لیکن گورنر نے وزیر اعلیٰ پنجاب کی ایڈوائس کو اپنی سفارشات میں شامل کرنا ضروری نہیں سمجھا اور اس حقیقت کے باوجود گذشتہ سوا مہینے سے یہ فہرست اپنے پاس لے کر بیٹھے ہوئے ہیں کہ لاہور ہائی کورٹ میں اس وقت 63۔ججوں کی آسامیوں میں سے صرف 20۔آسامیوں پر ریگولر جج صاحبان موجود ہیں جس کی وجہ سے موجودہ جج اوورٹائم لگا کر بھی ہائی کورٹ میں زیر التو اء ہزاروں کیس نمٹا نہیں سکتے ۔صوبائی وزیر قانون کے لاء چیمبر اور چیف سیکرٹری پنجاب کی گاڑی کے حادثے کے بارے میں گورنر کے متنازعہ بیانات سے متعلق ایک سوال کے جواب میںسردار ذوالفقار علی خان کھوسہ نے کہا کہ ان دونو ں معاملات میں آئینی طور پر گورنر کا کوئی کردار نہیں ہے۔ پ گورنر کے اختیار میں نہیں آتا ۔ گورنر وفاقی حکومت کا نمائندہ ہوتا ہے جو عوام کی منتخب کردہ صوبائی اسمبلی میں سے نہیںہوتا ۔پاکستان مسلم لیگ(ن) تو ایک ایسی جمہوریت پسند پارٹی ہے جس نے الزامات کی زد میں آنے والے اپنے کسی ایم این اے اور ایم پی اے سے کبھی رعایت نہیں برتی اور انہیں استعفے دینے پڑے ۔سردار ذوالفقارعلی خان کھوسہ نے بتایا کہ صوبائی وزیر قانون نے خود یہ پیش کش کی ہے کہ وزیر اعلیٰ پنجاب ان کے پلازے کے بارے میں جو بھی فیصلہ کریں گے،وہ انہیں منظور ہوگا۔اسی طرح چیف سیکرٹری پنجاب بھی رضاکارانہ طور پر اپنی گاڑی کے حادثے کی تحقیقات میں شامل تفتیش ہوگئے ہیں۔

Tags: ·

طالبان کے ساتھ برائے راست مذاکرات خارج از امکان نہیں۔ ہیلری کلنٹن

January 31st, 2010 · No Comments · دنیا کی خبریں

مذاکرات بارے قیاس آرائیاں سود مند ثابت نہیں ہوں گی

6 جنوری کو طالبان اور اقوام متحدہ کے نمائندے کے درمیان مذاکرات ہوئے جو ابتداء ہے

امریکی وزیر خارجہ کا انٹرویو

واشنگٹن۔امریکی وزیر خارجہ ہیلری کلنٹن نے کہا ہے کہ امریکہ اور طالبان کے درمیان برائے راست مذاکرات خارج از امکان قرار نہیں دیا جا سکتا تاہم اس موقع پر ایسی قیاس آرائیاں مفید ثابت نہیں ہوں گی ۔ اتوار کو ’’بلوم برگ‘‘ ریڈیو سے اپنے ایک انٹرویو میں امریکی وزیر خارجہ کا کہنا تھا کہ طالبان سے مذاکرات سے قبل یہ کہنا کہ امریکہ اور طالبان کے درمیان برائے راست مذاکرات ہو سکتے ہیں یا نہیں محض ایک قیاس آرائی ہے تاہم اسے خارجہ از امکان بھی

قرار نہیں دیا جا سکتا کیونکہ افغانستان میں امریکی ملٹری کمانڈر طالبان سے مذاکرات کا بھر پور عزم رکھتے ہیں کیونکہ انہیں یقین ہے کہ انھوں نے جو کام عراق میں سر انجام دیا وہی کام افغانستان میں عسکریت پسندی کے خاتمے میں مدد گار ثابت ہو سکتا ہے ۔ انٹرویو میں امریکی وزیر خارجہ نے 6 جنوری کو دوبئی میں بعض طالبان رہنماؤں اور اقوام متحدہ سے نمائندے کے درمیان ہونے والی ملاقات کی تصدیق کی تاہم انھوں نے کہا کہ اس سلسلے میں اقوام متحدہ افغانستان کے لیے خصوصی نمائندے ’’کائی ایڈی ‘‘ہی بتا سکتے ہیں کہ انھوں نے اس کا کیا نتیجہ اخذ کیا وہی طالبان کی ذہنی سوچ کے بارے بہتر بتا سکتے ہیں۔ ایک سوال کے جواب میں ہیلری کلنٹن کا کہنا تھا کہ اقوام متحدہ کے نمائندے اور طالبان رہنماؤں کے درمیان ملاقات امن مذاکرات کے لیے ایک ابتداء ہے ۔ انھوں نے کہا کہ امریکہ کی کوشش ہے کہ افغانستان میں امن قائم ہو اور یہاں سیکورٹی کے انتظامات افغان سیکورٹی فورسز کے حوالے کر کے غیر ملکی افواج کو یہاں سے واپس بلایا جائے اور افغانستان کے ساتھ تمام ممالک کے سفارتی تعلقات استوار ہوں۔

Tags: ·

ملک میں اپوزیشن نام کی کوئی چیز نظرنہیں آرہی۔عمران خان

January 31st, 2010 · 1 Comment · پاکستان

چیئرمین تحریک انصاف کی کراچی میں تقریب سے خطاب و بات چیت

کراچی۔تحریک انصاف کے چیئرمین عمران خان نے کہا ہے کہ ملک میں اس وقت اپوزیشن نام کی کوئی چیز نظر نہیں آرہی، کسی نے پنجاب، کسی نے سرحد، کسی نے بلوچستان ،کسی نے کراچی تو کسی نے سندھ اور وفاق سنبھال رکھا ہے۔ کراچی میں شوکت خانم ڈائیگنوسٹک سینٹر اور کلینک کی افتتاحی تقریب سے خطاب اور صحافیوں سے گفتگو کرتے ہوئے عمران خان نے کہا کہ مولانا فضل الرحمن کو وزارتیں مل گئی ہیں ایسے میں عوام کا کوئی پرسان حال نہیں۔ جمہوری نظام سب کو بچانا چاہئے لیکن یہاں تو جمہوریت کے نام پر اپنے مفادات کا تحفظ کیا جارہا ہے۔ انکا کہنا تھا کہ ڈرون حملے حکومت کی مرضی سے ہورہے ہیں اگر حکومت کو بلیک واٹر کا پتہ اور مزید معلومات چاہئے تو وہ بل گیٹس سے رابطہ کریں۔عمران خان نے کہا کہ کراچی میں قتل و غارت گری اور ٹارگیٹ کلنگ اس وقت تک نہیں رک سکتی جب تک پولیس اور انتظامیہ سے سیاست ختم نہیں کی جاتی۔ ایک سوال کے جواب میں انہوں نے کہا کہ بلدیاتی نظام پرویز مشرف اپنے تحفظ کیلئے لائے تھے تاہم اس میں ترامیم کرکے اگر اختیارات نچلی سطح پر منتقل کئے جائیں تو بہتر فوائد حاصل کئے جاسکتے ہیں۔ شوکت خانم ڈائیگنوسٹک سینٹر اور کلینک کے افتتاح کی تقریب سے خطاب کرتے ہوئے انہوں نے کہا کہ بہت جلد کراچی میں مکمل کینسر علاج سینٹرکی تعمیر کا کام شروع کردیا جائے گا فی الحال فنڈز کی کمی کا سامنا ہے ۔

Tags: ·

وزیر اعظم سید یوسف رضا گیلانی ‘ زرداری کے خلاف مقدمات کھولنے سے گریز کر کے نااہل ہو چکے ہیں ‘ اکرم شیخ ایڈووکیٹ

January 31st, 2010 · No Comments · پاکستان

اسلام آباد ‘ سپریم کورٹ بار ایسوسی ایشن کے سابق صدر اور ممتاز آئینی و قانونی ماہر محمد اکرم شیخ نے کہا ہے کہ وزیر اعظم سید یوسف رضا گیلانی ‘ آصف علی زرداری کے بارے میں مقدمات نہ کھولنے کا کہہ کر نااہل ہو چکے ہیں ۔ ایک انٹرویو کے دوران اکرم شیخ ایڈووکیٹ نے کہا کہ آصف علی زرداری کو مقدمات میں استثنیٰ حاصل نہیں ہے ۔ اس طرح سپین اور سوئٹزر لینڈ کی عدالتوں کو مقدمات کے حوالے سے میسر ہی نہیں ہیں ۔ انہوں نے آصف علی زرداری کو مشورہ دیا ہے کہ وہ غیر ملکی دوروں کے حوالے سے احتیاط سے کام لیں ۔ محمد اکرم شیخ ایڈووکیٹ نے کہا کہ وزیر اعظم سید یوسف رضا گیلانی آصف علی زرداری سپریم کورٹ کی حد تک فیصلے کے اطلاق سے معذرت کر کے نااہل ہو چکے ہیں کیونکہ ملک میں قانون کی حکمرانی کی بنیادی ذمہ داری ملک کے چیف ایگزیکٹو پر عائد ہوتی ہے ۔ انہوں نے کہا کہ آصف علی زرداری کو مرد حر کی طرح ان مقدمات کا عدالتوں میں سامنا کرنا چاہئے جو ان پر بنائے گئے ہیں ۔ سپریم کورٹ کے سابق صدر نے واضح کیا کہ عدالتی فیصلے سے انحراف اور اس کے راستے میں رکاوٹ بننے والے ہر شخص پرآئین کے آرٹیکل سکس کا اطلاق ہوتا ہے ۔ عدالتی فیصلوں میں رکاوٹ بغاوت کے زمرے میں آتی ہے ۔

Tags: ·

موغادیشو میں الشباب کے حملے، 19 افراد ہلاک ‘ 22 زخمی

January 31st, 2010 · No Comments · دنیا کی خبریں

موغادیشو ‘ صومالیہ کے دارالحکومت موغادیشو میں الشباب کے مزاحمت کاروں نے سرکاری اور امن فوجوں پر بیک وقت کئی حملے کئے جس کے نتیجہ میں 19 افراد ہلاک اور 22 زخمی ہوگئے۔ سرکاری ذرائع نے ہلاکتوں کی تصدیق کرتے ہوئے کہا ہے کہ ہلاک ہونے والوں میں زیادہ تر عام شہری شامل ہیں جو مارٹر گولوں اور فائرنگ سے ہلاک ہوئے جبکہ 22 افراد زخمی بھی ہوئے۔ امدادی کارکنوں نے زخمیوں کو ہسپتال منتقل کر دیا۔ ان حملوں کی ذمہ داری مسلح گروپ الشباب نے قبول کی ہے جو دارالحکومت کے کئی علاقوں پر قابض ہیں۔ واضح رہے کہ صومالیہ میں گزشتہ 19 برس سے کوئی بھی مستحکم حکومت نہیں بن سکی۔

Tags: ·

کچھ سانوں مرن دا شوق وی سی ‘‘ عمران خان کا کرکٹ ٹیم کی شکست پر دلچسپ تبصرہ

January 31st, 2010 · 2 Comments · سپورٹس

کراچی ‘ قومی کرکٹ ٹیم کے سابق کپتان عمران خان نے قومی کرکٹ ٹیم کی آسٹریلیا میں ٹیسٹ اور ون ڈے میچز میں مایوس کن کارکردگی پر دلچسپ تبصرہ کیا ہے کراچی میں میڈیا سے بات چیت کے دوران اس بارے میں سوال کے جواب میں عمران خان نے یہ شعر کہ ’’ کچھ شہر دے لوگ وی ظالم سان ۔ کچھ سانوں مردن دا شوق بھی سی ‘‘ پڑھتے ہوئے کرکٹ ٹیم کی ناقص کارکردگی پر تبصرہ کیا انہوں نے کہا کہ باصلاحیت کھلاریوں کو آگے لانے اور کرکٹ بورڈ میں اہل لوگوں کی تقرری کو ضرورت ہے ۔ آصف علی زرداری کو کیا یہ اختیار حاصل ہے کہ وہ پاکستان کرکٹ بورڈ کے چیئرمین کی تقرری کریں ۔ انہیں کیا معلوم کرکٹ کیا ہوتی ہے ۔

Tags: ·

طالبان کمانڈر حکیم اللہ محسود کی امریکی ڈرون حملے میں ہلاکت کی تصدیق ۔ سرکاری ٹی وی

January 31st, 2010 · No Comments · بریکنگ نیوز, پاکستان

اورکزئی ایجنسی کے علاقے مامون زئی میں اتوار کے روز سپردخاک کردیا گیا ہے
اسلام آباد ‘ طالبان کمانڈر حکیم اللہ محسود کی امریکی ڈرون حملے میں ہلاکت کی تصدیق ہو گئی ہے ۔ سرکاری ٹی وی کے مطابق حکیم اللہ محسود پچھلے دنوں ڈرون حملے میں شدید زخمی ہوئے تھے اور زخموں کی تاب نہ لاتے ہوئے وہ چل بسے ۔ ذرائع کے مطابق اورکزئی ایجنسی کے علاقے مامون زئی میں انہیں اتوار کے روز سپرد خاک کردیا گیا۔ حکیم اللہ محسود طالبان کمانڈر بیت اللہ محسود کی ہلاکت کے بعد تحریک طالبان پاکستان کے کمانڈر مقرر ہوئے تھے۔

Tags: ··

خلیج فارس میں ایران سے خطرہ ، امریکہ نے 4 ممالک میں میزائل دفاعی نظام کی تنصیب کا کام شروع کردیا

January 31st, 2010 · No Comments · دنیا کی خبریں, مڈل ایسٹ

امریکی فوجی جدید ترین میزائل دفاعی نظام سے لیس بحری جہاز خلیج فارس میں عرب ریاستوں کے ساحلوں پر لنگر انداز کررہی ہے ۔حکام
واشنگٹن‘ امریکہ نے خلیج فارس میں بڑھتے ہوئے ایرانی خطرے کے خدشات کے باعث 4 ممالک میں میزائل دفاعی نظام کی تنصیب کا کام شروع کردیا ہے ۔ ایک معروف امریکی اخبار کے مطابق امریکی فوج خلیج فارس میں عر ب ریاستوں کے ساحلوں پرخصوصی بحری جہاز لنگر انداز کرر ہی ہے جو جدید ترین میزائل دفاعی نظام سے لیس ہیں ۔ اخبار نے امریکی فوجی حکام کے حوالے سے بتایا ہے کہ امریکہ نے ایران پر ممکنہ طور پر مزید پابندیوں کے بعد پیدا ہونے والی صورت حال سے نمٹنے کے لیے پیشگی تیاریاں شروع کردی ہیں۔ اخبار نے دعوی کیا ہے کہ ان اقدامات کا مقصد اسرائیل کو یہ باور کرانا ہے کہ امریکہ ایرانی خطرے سے نمٹنے کی صلاحیت رکھتا ہے اور اسرائیل کو ایرانی ایٹمی تنصیبات پر حملے کی ضرورت نہیں۔

Tags: ·

雪茄| 雪茄烟网购/雪茄网购| 雪茄专卖店| 古巴雪茄专卖网| 古巴雪茄价格| 雪茄价格| 雪茄怎么抽| 雪茄哪里买| 雪茄海淘| 古巴雪茄品牌| 推荐一个卖雪茄的网站| 非古雪茄| 陈年雪茄| 限量版雪茄| 高希霸| 帕特加斯d4| 保利华雪茄| 大卫杜夫雪茄| 蒙特雪茄| 好友雪茄

古巴雪茄品牌| 非古雪茄品牌

Addmotor electric bike shop

Beauties' Secret化妝及護膚品

DecorCollection歐洲傢俬| 傢俬/家俬/家私| 意大利傢俬/實木傢俬| 梳化| 意大利梳化/歐洲梳化| 餐桌/餐枱/餐檯| 餐椅| 電視櫃| 衣櫃| 床架| 茶几

Wycombe Abbey| 香港威雅學校| private school hong kong| English primary school Hong Kong| primary education| top schools in Hong Kong| best international schools hong kong| best primary schools in hong kong| school day| boarding school Hong Kong| 香港威雅國際學校| Wycombe Abbey School

邮件营销| 電郵推廣| edm营销| 邮件群发软件| 营销软件|