اسلام آباد ۔ وفاقی وزیر داخلہ رحمان ملک نے کہا ہے دہشت گردوں کے لئے پاکستان میں اب کوئی جگہ نہیں،حکیم اللہ محسود اور ولی رحمن سمیت سب کا انجام عبرتناک اور بھیانک ہوگا۔ اتوار کو وزارت داخلہ سے جاری بیان میں رحمان ملک نے کہا کہ عسکریت پسندوں کی اسلام دشمنی قوم پر عیاں ہو چکی ہے ،وہ ہتھیار پھینک کر توبہ کرلیں۔ ان کا کہنا تھا کہ شرپسندوں کے فاٹا سے بھاگ کر ملک کے دوسرے علاقوں میں پناہ لینے کی اطلاعات ہیں جس پر پولیس اور قانون نافذ کرنے والے ادورں کو چوکس کر دیا گیا ہے۔ وزیر داخلہ نے کہا کہ عوام نئے کرائے داروں کو مکانات دینے سے پہلے مکمل چھان بین کر لیں اور اپنے ارد گرد مشتبہ زخمیوں پر کڑی نظر رکھیں۔ ان کا کہنا تھا کہ پولیس کو بھی اسپتالوں پر کڑی نظر رکھنے کی ہدایت کر دی گئی ہے۔ وزیر داخلہ نے خیبر اور درہ آدم خیل میں کامیاب آپریشن پر آئی جی، ایف سی اور ان کی ٹیم کو مبارک باد دی۔
اس خبر سے ملتی جلتی خبریں دیکھیں
0 responses so far ↓
تبصرہ کریں
You must log in to post a comment.