پیرس ‘ فرانسیسی پولیس نے آبدوزوں کے سودے میں ملنے والی کمیشن کی رقم انتخابی مہم میں استعمال ہونے کی تحقیقات شروع کر دی ہیں ۔ یہ آبدوزیں پاکستان کو فروخت کی گئی تھیں اور اس سودے میں کمیشن کی رقم سابق وزیر اعظم ایڈورڈ بیلا ڈور کی انتخابی مہم میں خرچ کرنے کا الزام ہے ۔ ایڈورڈ بیلا نے 1985 ء میں صدر کا انتخاب لڑا تھا اور یاک شیراک سے ہار گئے تھے ۔ انہوں نے اس الزام کی تردید کی ہے ۔فرانس کے موجودہ صدر نکولس سرکوزی اس وقت ایڈورڈ بیلا ڈور کی انتخابی مہم کے انچارج تھے ۔ انہوں نے بھی کمیشن کی رقم انتخابی مہم میں استعمال کرنے کا الزام مسترد کر دیا ہے ۔ ریکارڈ کے مطابق پیرس میں پاکستانی حکام کو کمیشن کی رقم ادا کی گئی تاہم فرانس کے سابق وزیر دفاع جارج میران کا کہنا ہے کہ شیراک نے 1995 ء میں انتخابات میں فتح کے بعد ادائیگی روک دی تھی ۔ ایڈورڈ بیلا ڈور 1993 ء سے 1995 ء تک فرانس کے وزیر اعظم تھے
اس خبر سے ملتی جلتی خبریں دیکھیں
0 responses so far ↓
تبصرہ کریں
You must log in to post a comment.