پشاور ‘ پاکستان افغان سرحدی علاقے اوس میں افغان فوج کی فائرنگ سے 8 پاکستانی قبائلی جاں بحق ہو گئے ۔ افغان سیکورٹی فورسز کمانڈر نے فائرنگ کے مرتکب افغان پولیس افسر کی گرفتاری کا حکم دے دیا ۔ پاکستان افغان سرحد کے قریب پاکستانی علاقے گلستان سے شموزئی قبیلے کے 8 افراد لکڑیاں کاٹنے سرحدی علاقے اوس گئے تھے ۔ جہاں افغان سیکورٹی اہلکاروں نے قبائلیوں کو گھرے میں لے کر فائرنگ کر دی جس کے نتیجے میں 8 قبائلی جاں بحق ہو گئے ۔ جاں بحق ہونے والوں کے نام محبوب خان ‘ محمد صادق ‘ محمد خان ‘ اسپین گل ‘ عبدالقیوم ‘ عبدالعلی اور عبدالمنان ہیں ۔ پاکستانی حکام کے مطابق یہ واقعہ پاکستانی حدود میں پیش نہیں آیا ۔ جبکہ قبائلی عمائدین کا موقف ہے کہ افغان سیکورٹی فورسز نے پاکستانی حدود میں گھس کر فائرنگ کی ۔ دوسری جانب افغان سیکورٹی فورسز کے کمانڈر عبدالرزاق نے اوس میں پاکستانی قبائلیوں پر فائرنگ کے الزام میں پولیس افسر عوض محمد کو گرفتار کرنے کا حکم دے دیا ہے ۔ ان کا کہنا ہے کہ پاکستانی قبائلی لکڑیاں کاٹنے آئے تھے اور غلط فہمی کی بنیاد پر فائرنگ کی زد میں آ گئے ۔
اس خبر سے ملتی جلتی خبریں دیکھیں
0 responses so far ↓
تبصرہ کریں
You must log in to post a comment.