واشنگٹن ‘ امریکی دفتر خارجہ نے کہا ہے کہ بھارت اور پاکستان کے درمیان مذاکرات خطے کے حق میں ہیں ۔ واشنگٹن میں میڈیا بریفنگ دیتے ہوئے دفتر خارجہ کے ترجمان پی جے کرولی نے کہا کہ پاکستان ‘ بھارت اور افغانستان کے درمیان مذاکرات سے امن عمل کو آگے بڑھانے میں مدد ملے گی ۔ بھارت کی جانب سے پاکستان کو مذاکرات کی دعوت کے بارے میں پوچھے گئے سوال پر انہوں نے کہا کہ وہ اس بات سے لاعلم ہیں ۔ تاہم امریکہ پاک بھارت مذاکرات کا حامی رہا ہے ۔ اور پاکستان اور بھارت کے درمیان تناؤ میں کمی لانے والے اقدامات کی حوصلہ افزائی کرتا رہا ہے ۔ ترجمان نے کہا کہ امریکہ کی جانب سے یورپی ممالک میں میزائل شکن نظام کے منصوبے کا مقصد ایران کی جانب سے بڑھتے ہوئے خطرات کا مقابلہ کرنا اور نیٹو افواج کو تحفظ فراہم کرنا ہے ۔ انہوں نے کہا کہ یورپی ممالک کو ایران کی جانب سے ممکنہ جارحیت کا سامنا ہو سکتا ہے ۔ ایسی صورت حال میں امریکہ اپنے اتحادیوں کے مفاد کا خیال رکھے گا
اس خبر سے ملتی جلتی خبریں دیکھیں
0 responses so far ↓
تبصرہ کریں
You must log in to post a comment.