کراچی ‘ )وزیراعظم یوسف رضاگیلانی سے کراچی میں ڈاکٹر عافیہ صدیقی کی بہن فوزیہ صدیقی اور ان کی والدہ نے ملاقات کی اور مطالبہ کیا کہ ڈاکٹر عافیہ کی رہائی کیلئے نیٹو کی سپلائی لائن روک کر امریکی سفارتخانے کے لئے دی جانیوالی زمین واپس لی جائے۔گورنر ہاوس کراچی میں ہونے والی ملاقات میں گورنر سندھ ڈاکٹر عشرت العباد خان، وفاقی وزیر ڈاکٹر فاروق ستار بھی شریک تھے،ڈاکٹرفوزیہ کا کہنا تھا کہ ۔ انہوں نے وزیر اعظم کو امریکی جیوری کے فیصلے اور تفصیلات سے آگاہ کیا۔انکا کہنا تھا کہ وزیر اعظم سید یوسف رضا گیلانی کی جانب سے ڈاکٹر عافیہ کیس میں ذاتی دلچسپی لینے پر ہم ان کے شکر گزار ہیں اور امید ہے کہ حکومت جلد ڈاکٹر عافیہ کی رہائی کیلئے موثر اور فیصلہ کن اقدامات کریگی۔ ملاقات میں وزیر اعظم نے امریکہ میں موجود پاکستانی سفیر حسین حقانی، وزیر داخلہ رحمن ملک اور وفاقی وزیر ڈاکٹر فاروق ستار کو ڈاکٹر عافیہ کے حوالے سے اجلاس طلب کرنے کی ہدایت بھی دی ہے۔ڈاکٹر فوزیہ صدیقی کا کہنا ہے کہ وزیر اعظم نے یقین دلایا ہے کہ ان کے اعلان پر دس روز کے اندر عمل درآمدہو گا ۔ وزیر اعظم کا کہنا تھا کہ حکومت ڈاکٹر عافیہ صدیقی کی رہائی کیلئے ہر ممکن سفارتی ،قانونی اوراخلاقی مدد فراہم کرے گی۔
اس خبر سے ملتی جلتی خبریں دیکھیں
0 responses so far ↓
تبصرہ کریں
Leave a Comment