خواہش ہے روس افغانستان میں طالبان کے خلاف آپریشن میں اتحادی فورسز کے ساتھ مل کر کردار ادا کرے
اگر افغانستان طالبان کے ہاتھ آگیا تو جنوب مغربی ایشیا کا یہ ملک منشیات کی پیداوار کا مرکز بن سکتا ہے‘ راسموسن کا میونخ میں 46 ویں سیکورٹی کانفرنس سے خطاب
میونخ ‘ نیٹو کے سیکرٹری جنرل آندرس فوگ راسموسن نے روس کو افغانستان آپریشن میں شرکت کی دعوت دیدی۔ راسموسن کا کہنا ہے کہ افغانستان میں طالبان کے خلاف اتحادی آپریشن میں روس کی شمولیت خارج ازامکان نہیں۔ نیٹو کے سیکرٹری جنرل نے میونخ میں 46 ویں سیکورٹی کانفرنس سے خطاب کرتے ہوئے کہا کہ ہماری خواہش ہے کہ روس افغانستان میں طالبان کے خلاف آپریشن میں اتحادی فورسز کے ساتھ مل کر کردار ادا کرے۔ انہوں نے کہا کہ روس نے افغانستان کی موجودہ صورتحال پر تشویش کا اظہار کیا ہے۔ راسموسن نے روس کو خوفزدہ کرتے ہوئے کہا اگر افغانستان طالبان کے ہاتھ آگیا تو جنوب مغربی ایشیا کا یہ ملک منشیات کی پیداوار کا مرکز بن سکتا ہے۔ نیٹو کے سیکرٹری جنرل نے مزید کہا کہ روس ہیلی کاپٹروں کی فراہمی، پائلٹوں کی تربیت اور افغان فورسز کو فوجی تربیت فراہم کر کے نیٹو کے ساتھ تعاون کرسکتا ہے
اس خبر سے ملتی جلتی خبریں دیکھیں
0 responses so far ↓
تبصرہ کریں
You must log in to post a comment.