Urdu News-Online Urdu Newspaper

چیف جسٹس آف پاکستان سے ملاقات آئین کے تحت مشاورتی عمل کا حصہ تھی

عدلیہ کے ساتھ ڈیل کی بات کرنا ناانصافی ہے

ملکی دفاع کیلئے کم از کم قابل اعتماد دفاعی صلاحیت کو برقرار رکھیںگے

دفاعی آلات اور سازو سامان کی تیاری میں خود انحصاری ملک کی اہم ضرورت ہے

وزیراعظم کا اسلام آبادمیں ایئر یونیورسٹی کے کانووکیشن سے خطاب اورمیڈیا سے بات چیت

اسلام آباد۔وزیراعظم سید یوسف رضا گیلانی کہا ہے کہ عدلیہ پر فخر کرنا چاہیے جنہوں نے مسئلے کو حل کر دیا ۔چیف جسٹس آف پاکستان سے ملاقات آئین کے تحت مشاورتی عمل کا حصہ تھی۔عدلیہ کے ساتھ ڈیل کی بات کرنا ناانصافی ہے۔ ملکی دفاع کیلئے کم از کم قابل اعتماد دفاعی صلاحیت کو برقرار رکھیںگے ۔ دفاعی آلات اور سازو سامان کی تیاری میں خود انحصاری ملک کی اہم ضرورت ہے ۔ان خیالات کا اظہار انہوں نے جمعہ کو اےئر یونیورسٹی اسلام آباد کے کانووکیشن سے خطاب اور صحافیوں سے بات چیت کرتے ہوئے کیا۔وزیراعظم نے کانووکیشن میں نمایاں کارکردگی کے حامل طلبہ وطالبات کو گولڈ میڈل پہنائے اور اسناد دیں ۔وزیراعظم نے کہا کہ ملکی ترقی اورمعیشت میں تعلیم اور جدید ٹیکنالوجی کا اہم کردار ہے۔انہوں نے کہاکہ ہمیں اس حوالے سے ہمیںموثر منصوبہ بندی کرنا ہوگا حکومت معیاری تعلیم کے فروغ کیلئے کوشاں ہیں وزیراعظم نے کہاکہ جامعات سے فارغ التحصیل طلبہ دنیا کے جس بھی حصے میں جائیں اپنی خدمات کے ذریعے ملک کا نام شروع کریں اور ایک ذمہ دار شہری بن کر مفید انسان ثابت ہونا چاہیے۔ وزیراعظم نے مزید کہا کہ ہمیں تعلیم کوجدید تقاضوں سے ہم آہنگ کرنا ہو گا حکومت شرح خواندگی میں اضافے کیلئے بھرپور کوششیں کر رہی ہے۔ پڑھا لکھا شخص ہی معاشرے کیلئے ذمہ داراور فعال شہری ثابت ہو سکتا ہے۔وزیراعظم نے کہاکہ حکومت اعلیٰ تعلیم کے فروغ کیلئے ہرممکن وسائل فراہم کرے گی۔ جامعات ، جدید ریسرچ اور ٹیکنالوجی پر توجہ دیں۔ پاکستان ترقی پذیر ملک ہے جامعات سے فارغ التحصیل طلبہ و طالبات سے اس بات کی توقع ہے کہ وہ اپنی اعلیٰ تعلیم کردار ، ملکی کلچر ،روایات ، معاشرتی اقدار کو فروغ دیں گے۔ وزیراعظم نے کہاکہ دفاعی آلات اور سازو سامان کی تیاری میں خودانحصاری ملک کی اہم ضرورت ہے ۔ وزیراعظم نے کہاکہ ایئر یونیورسٹی کو 70ایکڑ زمین کی الاٹمنٹ کے حوالے سے چارجز میں کمی کیلئے سی ڈی اے کو ہدایت کی جائے گی ۔میڈیا سے بات چیت کرتے ہوئے وزیراعظم نے کہاکہ ملک کے چیف ایگزیکٹو کی حیثیت سے آئین کے تحت چیف جسٹس آف پاکستان سے ملاقات مشاورتی عمل کا حصہ تھی اتفاق رائے سے مسئلے کو حل کیاہے۔انہوں نے کہاکہ آپ کو عدلیہ پر فخر ہونا چاہیے۔ اس سوال کے جواب میں کہ حکومت نے پانی کے مسئلے کے حل کیلئے کیا اقدامات کئے ہیں وزیراعظم نے کہاکہ آپ سوئے ہوئے تھے ہم نے گزشتہ روز اس بارے میں اجلاس کیا تھا سندھ اور پنجاب کے وزراء اعلیٰ کو ہدایت کی ہے کہ وہ باہمی مشاورت سے اس مسئلے کو حل کریں

اس خبر سے ملتی جلتی خبریں دیکھیں

• ’’عزم نو تھری جنگی مشقیں‘‘ عنقریب شروع ہوں گی۔جنرل اشفاق پرویز کیانی
• ۔8 خود کش بمبار لاہور میں داخل ہو گے ۔وزارت داخلہ کاپنجاب حکومت کو مراسلہ
• ۔6مئی کو ملک بھر میں یومِ آزادی ڈاکٹر عافیہ صدیقی منایا جائے گا ‘ اسداللہ بھٹو
• ۔5 فروری 2010ء کا مکمل دن افسوس ناک خبروں سے معمور رہا
• ۔5 سالہ دورِ اقتدار میں پنجاب کو خوشحال صوبہ بنایا اور پاکستان کا مقام عالمی سطح پر بلند کیا۔ چودھری پرویزالٰہی