Urdu News-Online Urdu Newspaper

وزیراعظم کے دورے کو انتہائی خفیہ رکھا گیا تھا
اسلام آباد۔وزیراعظم سید یوسف رضا گیلانی نے ہفتہ کو یہاں سے دو رافتادہ مقام پر واقع کندیاں کیمیکل پلانٹ کا دورہ کیا ۔ وزیراعظم کے دورے کو انتہائی خفیہ رکھا گیا تھا اور پلانٹ کے ملازمین کی ہفتہ کو معمول کی چھٹی کو منسوخ کردیا گیا تھا ۔ دورے کے موقع پر سیکورٹی کے غیر معمولی انتظامات کیے گئے تھے ۔ ذرائع کے مطابق وزیراعظم سید یوسف رضا گیلانی نے ہفتہ کو پنجاب کے ضلع خوشاب کے قریب گروٹ کے مقام پر کندیاں کیمیکل پلانٹ کا معائنہ کیا اس موقع پر چیئرمین اٹامک انرجی کمیشن اور پراجیکٹ ڈائریکٹر نے وزیراعظم کو بریفنگ دی۔ وزیراعظم سید یوسف رضا گیلانی کے اس دورے کوانتہائی خفیہ رکھا گیا تھا۔ وزیراعظم کے پلانٹ کے معائنہ کے موقع پر علاقے اور اس کے گردونواح میں سیکورٹی کے سخت انتظامات کیے گئے تھے جبکہ ہفتہ کے روز پلانٹ کے ملازمین کی معمول کی چھٹی بھی منسوخ کی گئی تھی۔ذرائع کے مطابق وزیراعظم سید یوسف رضا گیلانی کا چیئرمین کمانڈ اینڈ کنٹرول اتھارٹی کا عہدہ سنبھالنے کے بعد کسی اہم پراجیکٹ کا یہ پہلا دورہ تھا۔

اس خبر سے ملتی جلتی خبریں دیکھیں

• ۔18 ویں ترمیم کے ذریعے عدلیہ کے ہاتھ پاؤں بندھنے کی سازش کو کامیاب نہیں ہونے دیا جائے گا۔ ۔ ۔ عمران خان
• ہمارا ملک خود مختار ہے،ہم بچوں کی سمگلنگ کے معاملے میں بے حس نہیں رہیں گے ۔ چیف جسٹس افتخار محمد چوہدری
• ہائیر ایجوکیشن کمیشن کا سندھ اور کراچی کی جامعا ت کو ڈگریوں کی تصدیق کیلئے مزید مہلت دینے سے انکار
• ڈاکٹر عافیہ صدیقی کے فیصلے نے امریکی عدالتوں کے چہرے سے نقاب اتار دیا ہے۔ ۔ ۔ لیاقت بلوچ
• چیف جسٹس دہشت گردی کے واقعات کا نوٹس لیں، راجہ ناصر عباس و دیگر کی صحافیوں سے گفتگو