Urdu News-Online Urdu Newspaper

وزیرداخلہ کی برطانوی بچے کے اغواء کے سلسلہ میں انٹرپول کے سیکرٹری جنرل سے رابطہ
رحمن ملک نے مغوی بچے کے اغوا کاروں کی گرفتاری میں مدد فراہم کرنے کے بارے گفتگو کی
اغواء کار بچہ چھوڑ دیں معاف کردوں گی ، بچے کی والدہ کی اپیل
اسلام آباد + جہلم ‘ وزیر داخلہ رحمن ملک نے جہلم میں اغوا کیے گئے برطانوی نژاد بچے کے اغوا کے سلسلے میں انٹرپول کے سیکرٹری جنرل رونلڈروبیل سے ٹیلی فون پر رابطہ کیا ہے ۔ وزیر داخلہ نے رونلڈ روبیل سے مغوی بچے ساحل نقاش کے اغواء کاروں کی گرفتاری میں مدد فراہم کرنے کے معاملے پر گفتگو کی ۔جہلم سے اغوا کیا جانے والا 5 سالہ پاکستانی نژاد برطانوی بچہ بازیاب نہیں کرایا جا سکا ۔ مغوی بچے کی والدہ نے کہا ہے کہ بچے کو چھوڑد یا جائے تو وہ اغوا کاروں کو معاف کردیں گی ۔ پولیس کے مطابق بچے کی بازیابی کے لیے کوششیں جاری ہیں ۔ اب تک 12 مشتبہ افراد کو گرفتار کیا جا چکا ہے۔ بچے کے والد نقاش سعید نے پولیس کی کوششوں پر اطمینان کا اظہار کیا ہے جبکہ مغوی بچے کی والدہ کا کہنا ہے کہ ان کے بچے کو رہا کردیا جائے تو وہ اغوا کاروںکو معاف کردیں گی ۔ برطانوی شہریت کے حامل ساحل نقاش کو جمعرات کی صبح 4 ڈاکو اہل خانہ کو لوٹنے کے بعد اغوا کرکے لے گئے تھے تازہ ترین اطلاعات کے مطابق مغوی ساحل نقاش کی بازیابی کی کوششوں میں ایف آئی اے بھی میدان میں آگئی ہے

اس خبر سے ملتی جلتی خبریں دیکھیں

• پولیس نے برطانوی بچے ساحل کو سیالکوٹ سے بازیاب کرالیا۔۔ رانا ثنا اللہ کی تصدیق
• جہلم سے اغواء ہونے والا برطانوی نڑاد چھ سالہ ساحل نقاش گجرات سے مل گیا
• برطانوی مغوی بچے کاتاحال کوئی سراغ نہیں مل سکا
• جہلم میں پاکستانی نژاد برطانوی خاندان کو لوٹ لیا گیا، بچہ اغوا
• برطانوی نژاد بچہ اغواء کرنے والا ایک ملزم گرفتار