Urdu News

Urdu News…The 3rd Largest Online Urdu Newspaper

Urdu News header image 4

Entries from August 31st, 2010

میچ فکسنگ کی ویڈیو جعلی بھی ہو سکتی ہے ‘ رحمان ملک

August 31st, 2010 · 1 Comment · سپورٹس, پاکستان

کراچی ‘ وفاقی وزیر داخلہ رحمان ملک نے کہا ہے کہ میچ فکسنگ کے حوالے سے میڈیا پر دکھائی جانے والی ویڈیو جعلی بھی ہو سکتی ہے، پاکستان کرکٹ کے کھلاڑیوں کے خلاف اگر کوئی سازش ہوئی ہے تو اس کے حقائق جاننا چاہتے ہیں، سٹے میں کوئی بھی ملوث پایا گیا اسے مثالی سزا دی جائے گی۔انہوں نے کہا کہ پاکستانی کرکٹ کے خلاف پہلے بھی سازشیں ہوتی رہی ہیں۔

Tags: ·

شہداد کوٹ ‘ آبی ریلہ گاجی کھاڑو میں داخل ہوگیا

August 31st, 2010 · No Comments · بریکنگ نیوز, پاکستان

شہدادکوٹ ‘ پانی کا ریلہ ضلع قنبر شہداد کوٹ کے شہر گاجی کھاوڑ میں داخل ہوگیا۔ سیلاب کے خدشے کے پیش نظر ٹھٹہ کی تحصیل جاتی کو عوام نے خود خالی کردیا۔ چوہڑ جمالی کے قریب دو نہروں میں شگاف سے پانچ گاوٴں زیر آب آگئے۔ گاجی کھاوڑ میں سیلاب داخل ہونے سے شہر کے اسکولوں، تھانہ اور دیگر سرکاری عمارتوں میں چار فٹ پانی کھڑا ہوگیا ہے۔ قمبر کے گاوٴں سلطان جتوئی، آڈو لاشاری اور دھنی بخش اوڈانو اور مسو چانڈیو میں تقریباً ڈھائی ہزار افراد محصور ہیں۔ نصیرآباد شہر اور انڈس ہائی وے بچانے کے لیے گاجی کھاوڑ اور میہڑ روڈ پر حفاظتی بند کی تعمیر شروع کردی گئی۔ گاوٴں رضا محمد چانڈیو کے قریب بند میں گھارا مین ڈرین میں شگاف پڑنے سے سیلاب کا رخ وارہ کی جانب ہوگیا۔ٹھٹہ میں چوہڑ جمالی کے قریب ستاوا نہر اور ماچکی نہر میں سیلاب کا پانی شامل ہونے سے بیس اور پچیس فٹ چوڑے شگاف پڑگئے۔ ستاوا کے قریب پانچ گاوٴں زیر آب آگئے۔ سیلاب کے خدشے کے پیش نظر شہریوں نے جاتی شہر ازخود خالی کردیا۔ پانی کا ریلہ تیزی سے جاتی شہر کی جانب بڑھ رہا ہے، لوگوں کو نقل مکانی میں مشکلات کا سامنا ہے۔ تحصیل جاتی کے پچیس دیہات جاتی کو سجاول، ٹھٹہ اور دیگر شہروں سے ملانے والی سڑکیں زیر آب آگئیں۔

Tags:

کرکٹ جوا بازی ‘ برطانوی پولیس نے گرفتار مظہر مجید کو ضمانت پر رہا کر دیا

August 30th, 2010 · 1 Comment · سپورٹس, پاکستان

لندن ‘ برطانوی پولیس نے جوا بازی کے الزام میں گرفتار مظہر مجید کو ضمانت پر رہا کر دیا ہے۔35 سالہ مظہر مجید کو اس وقت گرفتار کیا گیا تھا جب دی نیوز آف دی ورلڈ نے پاکستانی کھلاڑیوں کے انگلینڈ کے خلاف چوتھے ٹیسٹ میچ میں جوا بازی میں ملوث ہونے بارے خبر شائع کی تھی ۔جس میں اس پر الزام عائد کیا گیا تھا کہ مظہر مجید نے پاکستانی کھلاڑیوں کو رشوت دی ہے ۔زرائع کے مطابق جوا بازی کے الزام میں ملوث پاکستان کرکٹ ٹیم کے کھلاڑیوں سے سکاٹ لینڈ یارڈ نے تفتیش کی ہے ۔جس میں سلمان بٹ ، محمد عامر ،کامران اکمل اور محمد آصف شامل ہیں

Tags: ·

سپریم کورٹ نے ایڈہاک ججوں کی ملازمت میں توسیع کا عبوری حکم دے دیا

August 30th, 2010 · No Comments · بریکنگ نیوز, پاکستان

اسلام آباد ‘ سپریم کورٹ نے اٹھارویں ترمیم کیس کا فیصلہ آنے تک ہائی کورٹس کے بتیس ایڈیشنل ججز کی مدت ملازمت میں توسیع کا حکم دے دیاہے۔سپریم کورٹ نے کہا ہے کہ چاروں صوبائی ہائی کورٹس میں بتیس ایڈیشنل ججز مقرر ہیں۔ اٹھارہویں ترمیم کے فیصلے تک تمام ایڈہاک ججز اپنے عہدے پرکام کرتے رہیں گے۔

Tags:

لارڈز ٹیسٹ میں انگلینڈ کے ہاتھوں پاکستان کو ذلت آمیز شکست

August 29th, 2010 · No Comments · بریکنگ نیوز, سپورٹس, پاکستان

لندن ‘ انگلینڈ اور پاکستان کرکٹ ٹیسٹ سیریز کے چوتھے اور آخری کرکٹ ٹیسٹ میچ میں لارڈز کرکٹ گراؤنڈ میں انگلینڈ نے پاکستان کو ایک اننگز اور 225 رنز سے شکست دے کرسیریز تین ایک سے جیت لی ہے ۔ٹیسٹ کرکٹ کی تاریخ میں اسے پاکستانی کی بدترین اور زلت آمیز شکست قرار دیا جا رہا ہے۔آج اتوار کو پاکستان کرکٹ ٹیم کی لارڈز ٹسٹ میں ذلت آمیز شکست سے پہلے ہی ایک برطانوی اخبار ”نیوز آف دی ورلڈ“ نے دعویٰ کیا ہے کہ پاکستانی کرکٹ ٹیم کے کپتان سمیت کئی کھلاڑی لارڈز ٹیسٹ میچ فکس کرنے میں ملوث ہیں ۔اخبار نے یہ بھی کہا ہے کہ میچ فکسنگ کی ویڈیو جلد جاری کی جائے گی ۔رپورٹ میں کہا گیا ہے کہ الزامات کے بعد سکاٹ لینڈ یارڈ نے پاکستانی کرکٹرز کے کمروں میں چھاپہ مارکر ڈیڑھ لاکھ پاوٴنڈ، موبائل فونز اور کمپیوٹر برآمد کر لیے جبکہ ایک شخص کو گرفتار کرلیا گیا ہے، اسکاٹ لینڈ یارڈ نے میچ فکسنگ میں ملوث 7کھلاڑیوں کے پاسپورٹ بھی طلب کر لیے ہیں۔ اتوار کو برطانوی اخبارنے اپنی ایک رپورٹ میں دعوی کیا ہے کہ اس کے ایک رپورٹر نے ڈیڑھ لاکھ ڈالر اس شخص کو دیئے جس نے یقین دلایا کہ پاکستانی بالر چوتھے ٹیسٹ میچ کے دوران پہلے سے مخصوص موقعوں پر نو بالز کرائیں گے۔برطانوی اخبار نے الزام لگایا ہے کہ پاکستان کھلاڑیوں کو خفیہ طور پر پیسے دئیے گئے تاکہ وہ دانستہ طور پر ٹیسٹ کے دوران نو بالز کرائیں۔اخبار نے کہا کہ اس کی رپورٹنگ ٹیم کے ارکان نے مشرقی بعید کے بزنس مینوں کا روپ دہار کر ایک شخص کو پیسے دیئے جس نے انھیں دوسرے دن کے کھیل کے بارے میں ٹھیک ٹھیک معلومات فراہم کیں ۔دوسری جانب قائمہ کمیٹی برائے کھیل نے مطالبہ کیا ہے کہ میچ فکسنگ میں ملوث تمام کھلاڑیوں پر تاحیات پابندی عائد کر کے جیل بھیجا جائے۔عوامی حلقوں نے مطالبہ کیا ہے کہ پاکستانی کرکٹ ٹیم کے جوا باز کھلاڑیوں کو سرعام پھانسی دی جائے

Tags: ··

آبی ریلا سجاول میں داخل ہو گیا ‘ سڑکیں اور دیہات زیر آب

August 29th, 2010 · No Comments · پاکستان

ٹھٹہ‘ ٹھٹہ کے قریب دو نہروں میں شگاف اب تک پر نہیں کئے جا سکے۔ آبی ریلا سجاول میں داخل ہو گیا ہے۔ جس سے کئی اہم سڑکیں اور پچیس کے قریب دیہات زیر آب آگئے ہیں۔ کوٹری بیراج میں پانی کی آمد میں بتدریج کمی ہو رہی ہے۔ سجاول کے قریبی گاوٴں امن سومرو، تیلانڑ اور تیمانی میں پانی داخل ہوگیا ہے۔ تیمانی میں تین سو اور دیگر دیہات میں تقریباً دو سو افراد محصور ہیں۔ درجنوں دیہات میں مکینوں نے چھتوں پر پناہ لے رکھی ہے۔ سجاول گرڈ اسٹیشن زیر آب آنے سے میرپور بٹھورو، جاتی، دڑو میں بجلی رات سے معطل ہے۔ٹھٹہ، سجاول، کراچی قومی شاہراہ اور سجاول میرپور بٹھورو حیدرآباد شاہراہ زیرآب آنے سے نیشنل ہائی وے پر ٹریفک معطل ہوگیا ہے۔ دوسری جانب کوٹری بیراج میں چوبیس گھنٹے کے دوران پانی کی سطح میں چون ہزار کیوسک کمی ریکارڈ کی گئی ہے۔ پانی کی آمد نو لاکھ دس ہزار تیرہ کیوسک اور اخراج آٹھ لاکھ ستاسی ہزار پانچ سو اٹھ کیوسک ہوگیا ہے۔ شکارپور کے قریب گوٹھ دڑو کے علاقے زیر آب آنے سے دس دیہات میں سیکڑوں افراد محصور ہوگئے۔ علاقے میں کھانے پینے کی چیزوں اور دیگر ضروریات زندگی کی شدید قلت پیدا ہے۔

Tags:

پاکستانی کرکٹ کھلاڑیوں کی جوا بازی ‘ ڈیڑھ لاکھ پاوٴنڈ برآمد ‘ ایک شخص گرفتار

August 29th, 2010 · 2 Comments · بریکنگ نیوز, سپورٹس, پاکستان

لندن ‘ پاکستان کرکٹ ٹیم کی لارڈز ٹسٹ میں ذلت آمیز شکست سے پہلے ہی ایک برطانوی اخبار ”نیوز آف دی ورلڈ“ نے دعویٰ کیا ہے کہ پاکستانی کرکٹ ٹیم کے کپتان سمیت کئی کھلاڑی لارڈز ٹیسٹ میچ فکس کرنے میں ملوث ہیں ۔اخبار نے یہ بھی کہا ہے کہ میچ فکسنگ کی ویڈیو جلد جاری کی جائے گی ۔رپورٹ میں کہا گیا ہے کہ الزامات کے بعد سکاٹ لینڈ یارڈ نے پاکستانی کرکٹرز کے کمروں میں چھاپہ مارکر ڈیڑھ لاکھ پاوٴنڈ، موبائل فونز اور کمپیوٹر برآمد کر لیے جبکہ ایک شخص کو گرفتار کرلیا گیا ہے، اسکاٹ لینڈ یارڈ نے میچ فکسنگ میں ملوث 7کھلاڑیوں کے پاسپورٹ بھی طلب کر لیے ہیں۔ اتوار کو برطانوی اخبارنے اپنی ایک رپورٹ میں دعوی کیا ہے کہ اس کے ایک رپورٹر نے ڈیڑھ لاکھ ڈالر اس شخص کو دیئے جس نے یقین دلایا کہ پاکستانی بالر چوتھے ٹیسٹ میچ کے دوران پہلے سے مخصوص موقعوں پر نو بالز کرائیں گے۔برطانوی اخبار نے الزام لگایا ہے کہ پاکستان کھلاڑیوں کو خفیہ طور پر پیسے دئیے گئے تاکہ وہ دانستہ طور پر ٹیسٹ کے دوران نو بالز کرائیں۔اخبار نے کہا کہ اس کی رپورٹنگ ٹیم کے ارکان نے مشرقی بعید کے بزنس مینوں کا روپ دہار کر ایک شخص کو پیسے دیئے جس نے انھیں دوسرے دن کے کھیل کے بارے میں ٹھیک ٹھیک معلومات فراہم کیں ۔دوسری جانب قائمہ کمیٹی برائے کھیل نے مطالبہ کیا ہے کہ میچ فکسنگ میں ملوث تمام کھلاڑیوں پر تاحیات پابندی عائد کر کے جیل بھیجا جائے۔

Tags: ··

پشاور حساس عمارت پر قبضہ کرنے والے دہشتگردوں نے سرنڈر کر دیا

August 28th, 2010 · 1 Comment · بریکنگ نیوز, پاکستان

پشاور‘ پشاور میں قانون نافذ کرنے والے ادارے کی عمارت پر قبضہ کرنے والے دہشت گردوں نے خود کو سرنڈر کر دیا ہے۔ ڈائریکٹر جنرل آئی ایس پی آر میجر جنرل اطہر عباس نے کہاہے کہ آپریشن مکمل کر کے اہلکاروں کو بحفاظت بازیاب کرا لیا گیا ہے۔تفصیلات کے مطابق آج صبح گرفتار دہشت گردوں نے پشاور میں ایک حساس عمارت پر قبضہ کر کے دو اہلکاروں کو یرغمال بنا لیا تھا۔

Tags:

دریائے سندھ کی برہمیٴ برقرار‘ پانی کا رُخ ٹھٹھہ اور سجاول کی طرف

August 28th, 2010 · No Comments · پاکستان

ٹھٹھہ ‘ دریائے سندھ میں طغیانی سے پشتوں پر دباوٴ برقرار ہے ، کوٹری بیراج پر پانی کی سطح کم ہونا شروع ہوگئی۔ ٹھٹھہ کے قریب دو نہروں میں شگاف سے شاہراہ زیر آب آگئی، پانی کارخ ٹھٹھہ اور سجاول کی طرف ہے ۔ شکار پور کے قریب کیرتھر کنال میں پڑنے والا شگاف پچاس فٹ چوڑا ہوگیا۔ ٹھٹھہ کے نواحی گاوٴں سماں کے قریب کے بی فیڈر پر بنائے گئے بند میں بیس فٹ چوڑا شگاف پڑگیا۔ گاوٴں گوگو سمو اور گوراباری جانے والی شاہراہ زیرآب آگئی۔ ٹھٹہ ہی کے نواحی گاوٴں گل محمد سوڈھو کے قریب سجاول، دڑوبرانچ میں شگاف پڑگیا۔ پانی کا رخ سجاول کی طرف ہوگیا۔ علاقے سے لوگوں کی بڑی تعداد پہلے ہی نقل مکانی کر چکی ہے ۔کوٹری بیراج میں پانی کی سطح کم ہونا شروع ہوگئی ہے ۔ بیراج میں پانی کی آمد نو لاکھ اڑتالیس ہزار پانچ سو دس کیوسک اور اخراج نو لاکھ چونتیس ہزار پانچ سو پینسٹھ ہے

Tags:

پشاور ‘ دہشتگردوں کا حساس عمارت پر قبضہ ‘ دو اہلکار یرغمال

August 28th, 2010 · No Comments · بریکنگ نیوز, پاکستان

پشاور ‘ پشاور میں واقع امریکی قونصلیٹ کے قریب شدت پسندوں نے ایک سرکاری عمارت پر قبضہ کر لیا ہے اور وہاں موجود دو اہلکاروں کو یرغمال بنا لیا ہے۔آئی ایس پی آر کے ڈائریکٹر جنرل میجر جنرل اطہر عباس نے کہاہے کہ پشاور میں تفتیش کے لئے لائے گئے دہشت گردوں نے پہریداروں پر قابو پا کر عمارت پر قبضہ کرلیا ہے اور انہوں نے دو اہلکاروں کو یر غمال بنا رکھا ہے۔انہوں نے کہا کہ دہشت گرد اب بھی بدستور عمارت میں موجود ہیں۔ میجر جنرل اطہر عباس نے کہا کہ یرغمال اہلکاروں کو بچانے کی ہر ممکن کوشش کی جارہی ہیں

Tags: ·