افغانستان ‘ پر تشدد واقعات میں 6 اتحادی فوجی ہلاک


کابل‘ افغانستان میں تشدد کے واقعات میں مزید 6 اتحادی فوجیوں کی ہلاکت کی تصدیق کی گئی ہے، اتحادی فوج نے مشرقی افغانستان میں متعدد جنگجوؤں کو ہلا کرنے کا دعویٰ کیا ہے۔ افغان ذرائع ابلاغ کے مطابق مزاحمت کاروں کی مختلف کارروائیوں کے دوران گزشتہ 48گھنٹوں میں 6 اتحادی فوجی مارے گئے جس کے بعد رواں برس ہلاک ہونے والے اتحادی فوجیوں کی تعداد 622ہوگئی ہے۔ کابل میں ایساف کے ترجمان نے تصدیق کرتے ہوئے بتایا کہ 2اتحادی فوجی جنوبی افغانستان میں عسکریت پسندوں کے حملہ میں ہلاک ہوئے جبکہ ایک فوجی افغانستان کے مشرقی علاقے میں سڑک کنارے نصب بم کی زد میں آنے سے ہلاک ہوا۔ ترجمان کے مطابق ایک روزقبل بھی طالبان کے حملوں میں 3اتحادی فوجی ہلاک ہوئے‘ تاہم ترجمان نے ہلاک ہونے والے اتحادی فوجیوں کی قومیت سے آگاہ نہیں کیا۔ دریں اثناء مشرقی صوبہ خوست میں نیٹو فضائیہ نے سڑک کے کنارے بم نصب کرنے والے طالبان پر اچانک بمباری کرکے حقانی گروپ کے سینئر کمانڈر سمیت کئی جنگجوؤں کو ہلاک کرنے کا دعویٰ کیا ہے۔

Share

Leave a Reply