مکہ المکرمہ ، خانہ کعبہ کا غلاف تبدیل کردیا گیا

غلاف کعبہ ہر سال9 ذی الحج کو تبدیل کیا جاتا ہے، غلاف کعبہ ایک کروڑ ستر لاکھ سعودی ریال کی لاگت سے تیار کیاگیا

مکہ المکرمہ میں خانہ کعبہ کا غلاف تبدیل کردیا گیا ہے ۔غلاف کعبہ ہر سال نو ذی الحج کو تبدیل کیا جاتا ہے جب عازمین حج میدان عرفات میں جمع ہوتے ہیں۔غلاف کعبہ کوکسوت کہا جاتا ہے ۔ آج نو ذی الحجہ کو بعد نماز فجر غلاف کعبہ تبدیل کیاگیا۔ غلاف کعبہ کی تبدیلی میں انتظامیہ اورغلاف کعبہ بنانے والی فیکٹری کے ملازمین نے حصہ لیا۔ غلاف کعبہ ایک کروڑ ستر لاکھ سعودی ریال کی لاگت سے تیار کیاگیا ہے ۔ غلاف کعبہ کی تیاری میں چھ سو ستر کلو گرام خالص سلک استعمال کیا جاتا ہے اور اس پرپندرہ سوکلوگرام سونے کی تاروں سے قرآنی آیات لکھی جاتی ہیں۔ غلاف کعبہ سینتالیس حصوں پر مشتمل ہوتا ہے ۔ ہر حصے کی لمبائی چودہ میٹر ہوتی ہے جبکہ چوڑائی ایک سوایک سینٹی میٹر ہوتی ہے

Share

Leave a Reply