کابل ۔ جنوبی افغانستان کے صوبہ ہلمند میں طالبان کے خلاف گرینڈ آپریشن ’’ خنجر ‘‘ میں امریکی فوج کو نقصان اٹھانا پڑا اور جھڑپ میں ایک امریکی میرین ہلاک اور متعدد زخمی ہو گئے ہیں جبکہ ایک بم دھماکے میں لیفٹیننٹ کرنل سمیت 2 برطانوی فوجی ہلاک اور 6 زخمی ہو ئے ۔ ادھر خوست میں ایک امریکی فوجی کو اغواء کر لیا ۔ امریکی فوج نے صوبہ ہلمند کے ضلع خانشین پر قبضے کا دعویٰ کیا ہے امریکی فوج کے آپریشن کے پیش نظر بلوچستان کے سرحدی علاقوں میں سیکیورٹی ریڈ الرٹ کر کے سرحد سیل کر دی گئی ۔ افغان صوبہ ہلمند میں جاری آپریشن میں 50 لڑاکا طیارے چنوک ہیلی کاپٹر اور جدید اسلحہ استعمال کیا جا رہا ہے ۔ آپریشن میں 4 ہزار امریکی میرین فوجی اور 600 افغان فوجی شریک ہیں ۔ طالبان نے ایک امریکی فوجی اغواء اور لیفٹیننٹ کرنل سمیت 2 برطانوی فوجی ہلاک کر دیئے گئے ۔ آپریشن کا مقصد افغانستان میں 20 اگست کو ہونے والے صدارتی انتخابات سے پہلے طالبان کا خاتمہ ہے ۔ دریں اثناء برطانوی وزارت دفاع کا کہنا ہے کہ صوبہ ہلمند میں بم دھماکے میں 39 سالہ لیفٹیننٹ کرنل روپرٹ تھورنے اور 19 سالہ سپاہی جوشو رہاصنر ہلاک ہوئے جبکہ دیگر 6 فوجی زخمی ہو گئے ۔
Tags: afghanistan, afghanistan attackEntries Tagged as 'Afghanistan'
افغان صوبہ ہلمند میں امریکی فوج کو نقصان کاسامنا ‘ ایک میرین ‘ لیفٹیننٹ کرنل سمیت 2 برطانوی فوجی ہلاک ‘ متعدد زخمی
July 3rd, 2009 · No Comments
Tags: Afghanistan , Breaking news , Urdu , Urdu News
افغانستان ‘ پرتشدد واقعات میں نیٹو کے 2 فوجیوں سمیت 6 افراد ہلاک ‘ 10زخمی ہو گئے
July 2nd, 2009 · No Comments
کابل ۔ افغانستان میں بم دھماکے اور دوسرے واقعات میں نیٹو کے 2 فوجیوں سمیت 6 افراد ہلاک اور 10 زخمی ہو گئے ۔ ایسان کی جانب سے جاری کردہ بیان میں کہا گیا ہے کہ جنوبی وزیرستان میں ہلاک ہونے والے فوجیوں کا تعلق برطانیہ اور کینیڈا سے ہے ۔ بم دھماکے میں نیٹو کے 6 فوجی زخمی بھی ہوئے
Tags: afghanistan, afghanistan attackاوپر والی خبر سے ملتی جلتی خبریں دیکھیں
Tags: Afghanistan , Breaking news , Urdu , Urdu News
پاک افغان سرحد کے چیک پوائنٹ پر ایک اور خود کش حملہ ، لڑکی سمیت 2 افراد ہلاک ، 8 زخمی ہو گئے
July 1st, 2009 · No Comments
کابل ۔ پاک افغان سرحد پر واقع چیک پوائنٹ پر ایک اور خود کش حملے میں ایک لڑکی سمیت 2 افراد ہلاک اور 8 زخمی ہو گئے ۔ صوبہ ننگر ہار کے گورنر احمد ضیا عبد الزئی کے ترجمان کے مطابق افغانستان اور پاکستان کی سرحد پر واقع چیک پوائنٹ پر خاتون کے لباس میں ملبوس خود کش حملہ آور نے خود کو دھما کے سے اڑالیا ۔حملے میں 2 افراد ہلاک جبکہ 8 زخمی ہو گئے ہلاک ہونے والوں میں ایک لڑکی بھی شامل ہے۔ خود کش حملہ اس وقت کیا گیا جب سرحدی چیک پوائنٹ پر خواتین کی تلاشی لی جا رہی تھی ۔ واضح رہے کہ ایک روز قبل بھی طورخم سرحد پر افغانستان کی جانب سے برقعہ پوش خاتون کے خود کش حملے میں 10 افغان سیکورٹی اہلکار ہلاک ہو گئے تھے
Tags: afghanistan, FATA, landikotal, pakistan and Afghanistanاوپر والی خبر سے ملتی جلتی خبریں دیکھیں
Tags: Afghanistan , Breaking news , Pakistan , Urdu , Urdu News
پاک افغان بارڈر طورخم پر واقع افغان چیکنگ پوائنٹ پر خود کش حملہ ‘ نو افغان پولیس اہلکاروں سمیت تیرہ افراد جاں بحق ،23زخمی ہو گئے
June 30th, 2009 · No Comments
لنڈیکوتل۔ پاک افغان بارڈر طورخم پر واقع افغان چیکنگ پوائنٹ پر خود کش حملے میں نو افغان پولیس اہلکاروں سمیت تیرہ افراد جاں بحق جبکہ 23زخمی ہو گئے ،زخمیوں کو لنڈیکوتل اور جلالہ آباد کے ہسپتال منتقل کر دیاگیا ،پاک افغان بارڈر چار گھنٹے سیل رہا،خود کش حملہ آور برقعے میں ملبوس تھا ۔تفصیلات کے مطابق پاک افغان بارڈرطورخم پر افغانستان کی جانب واقع افغان چیکنگ پوائنٹ پر برقعے میں ملبوس خود کش حملہ آور نے اپنے آپ کو اس وقت دھماکے سے اڑا دیا جب چیک پوائنٹ پر چیکنگ ہو رہی تھی جس کے نتیجے میں نو افغان پولیس اہلکار جن میں تین خاتون پولیس اہلکار بھی شامل ہیں سمیت تیرہ افراد جاں بحق ہو گئے ۔جاں بحق ہونے والے چار افراد افغانستان جانے والے مہاجرین سے بتائے جاتے ہیں جبکہ خود کش حملے میں 23افراد زخمی ہو گئے جن میں اکثریت افغانستان جانے والے مہاجرین کی ہے ۔عینی شاہدین کے مطابق برقعے میں ملبوس ایک خود کش حملہ آور کو تلاشی کے لئے روکا گیا تو اس نے لیڈی پولیس کو تلاشی دینے سے انکار کر دیا ۔بعد ازاں ہینڈ گرنیڈ سے حملہ کرنے کے بعد اپنے آپ کو دھماکے سے اڑا دیا ۔دھماکے سے چیکنگ پوائنٹ مکمل طور پر تباہ ہو گئی اور لیڈی سرچ کمرے نے آگ پکڑ لی ۔دھماکے کے بعد بھگدڑ مچ گئی اور ہر طرف انسانی اعضاء بکھرے پڑے تھے ۔زخمیوں کو لنڈیکوتل اور جلالہ آباد کے ہسپتالوں میں منتقل کر دیاگیا جن میں بارہ سالہ لڑکی گل بانوسکنہ افغان نے لنڈیکوتل ہسپتال میں دم توڑ دیا ۔لنڈیکوتل ہسپتال میں لانے والے زخمیوں میں روزی خان سکنہ ارمڑ پشاور ،محمد دین مہاجر بازار پشاور،گل ناز بی بی ،ضمیر خان سانان افغان مہاجر،نامعلوم بچہ اور شاہ نواز سکنہ خیبر لنڈیکوتل شامل ہیں ۔دھماکے کے بعد بارڈر پر موجود پاکستانی اور افغان سیکورٹی فورسز نے اپنے اپنے علاقوں کو گھیرے میں لے لیا اور پاک افغان بارڈر کو سیل کر دیا۔بعد ازاں چار گھنٹے کے بعد بارڈر کو کھول دیاگیا ۔واضح رہے کہ پچھلے ہفتے بھی پاک افغان بارڈر پر خاصہ دار فورس نے ایک خود کش بمبار کو گرفتار کیا تھا ۔
Tags: afghanistan, landikotal, pakistan and Afghanistanاوپر والی خبر سے ملتی جلتی خبریں دیکھیں
Tags: Afghanistan , Breaking news , Pakistan , Urdu , Urdu News
افغانستان : افغان سیکورٹی گارڈز کی فائرنگ سے قندھار پولیس کے سربراہ اپنے 9 افسروں سمیت ہلاک ہو گئے
June 29th, 2009 · No Comments
کابل ۔ افغانستان میں افغان سیکورٹی گارڈز کی فائرنگ میں قندھار پولیس کے سربراہ اپنے 9 افسروں سمیت ہلاک ہو گئے۔ قندھار صوبائی کونسل کے سربراہ نے بتایا ہے کہ فائرنگ اس وقت ہوئی جب امریکی فوجی کمانڈر کی حفاظت پر مامور گارڈز نے پراسیکیوٹر آفس سے ایک قیدی نے گاڑی کو بلا اجازت لے جانے کی کوشش پر فائرنگ کر دی جس سے 9 افسر اور پولیس سر براہ ہلاک ہو گیا
Tags: afghanistan, afghanistan attackاوپر والی خبر سے ملتی جلتی خبریں دیکھیں
Tags: Afghanistan , Urdu , Urdu News
