Urdu News-Online Urdu Newspaper » افغانستان

نیٹوکوتیل سپلائی کرنے والے آئل ٹینکرمیں بم دھماکہ

salman — Wed, 17 Mar 2010 13:48:16 +0000

خیبرایجنسی۔پاک افغان شاہراہ پر نیٹو کو تیل سپلائی کرنے والے آئل ٹینکر میں بم دھماکہ،آئل ٹینکر کو آگ لگ جانے سے ہزاروں لیٹر تیل اور آئل ٹینکر جل کر تباہ ہو گیا ۔تفصیلات کے مطابق تحصیل لنڈیکوتل میں پاک افغان شاہراہ چنگی خیل کے مقام پر افغانستان میں برسر پیکار اتحادی افواج کو تیل سپلائی کرنے والے آئل ٹینکر میں پہلے سے نصب شدہ بم کا زور دار دھماکہ ہوا جس سے آئل ٹینکر نمبر TLB242زوردار دھماکے سے الٹ گئی اور اس میں موجود ہزاروں لیٹر تیل نے آگ پکڑ لی اور آئل ٹینکر جل کر خاکستر ہو گیا ۔دھماکے کے بعد پاک افغان شاہراہ ہر قسم کی ٹریفک کیلئے تین گھنٹے تک بند رہی ۔آئل ٹینکر کے ڈرائیور اور کنڈیکٹر نے ٹینکر سے کود کر جان بچائی ۔دھماکے کے بعد سیکورٹی فورسز فوراً جائے وقوعہ پر پہنچ گئی ۔ڈرائیور گل محمد سکنہ سدوخیل اور کنڈیکٹر کو گرفتار کرکے ابتدائی پوچھ گچھ کیلئے لنڈیکوتل حوالات میں بند کر دیاگیا ۔

افغانستان۔ ۔ ۔ نیٹو فورسز کی واپسی اور مذاکرات کے لئے طالبان اور حزب اسلامی نے متفقہ فارمولہ جاری کر دیا

salman — Wed, 17 Mar 2010 12:21:45 +0000

کابل۔افغانستان میں امن و امان کے قیام اور نیٹو فورسز کی واپسی اور مذاکرات کے لئے طالبان اور حزب اسلامی نے متفقہ فارمولہ جاری کر دیا۔ افغان سکالر پروفیسر حلیم حلیم نے ایک نجی ٹی وی سے گفتگو میں فارمولے کے 10 نکات دنیا کے سامنے رکھ دئیے افغان سکالر نے دو ٹوک الفاظ میں واضع کیا کہ یہ فارمولہ طالبان اور حزب اسلامی کی تائید اور حمایت سے منظر عام پر لایا جا رہا ہے اور اس حوالے سے متعلقہ فریقین بشمول اقوام متحدہ کو آگاہ کیا جا رہا ہے۔انہوں نے کہا کہ افغانستان میں دو فریق ہیں ایک امریکہ اور اس کے اتحادی اور دوسری جہادی قوتیں۔دونوں فریقوں کے درمیان بات چیت ہو سکتی ہے طالبان منظم او متحد ہیں ان کے رہنماؤں کی گرفتاریوں سے طالبان پر کوئی اثر نہیں پڑا حامد کرزئی کی قیادت میں کٹھ پتلی عوام حکومت کا کوئی کر دار نہیں ہے افغان سکالر پروفیسر حلیم روس کے خلاف جہاد کے دوران اگلی صفوں میں لڑتے رہے ہیں بعد میں وہ طالبان کی فکر و فلسفے سے متاثر ہوئے۔

جنوبی افغانستان میں بم دھماکا، دو نیٹو فوجی ہلاک

awais — Wed, 17 Mar 2010 10:47:01 +0000

کابل‘ افغانستان کے جنوبی علاقے میں بم دھماکے میں دونیٹوفوجی ہلاک ہوگئے جبکہ ہلمند کے علاقے لشکرگاہ میں امریکی خیراتی ادارے میں داخل ہونے والے دو خودکش حملہ آوروں کو ہلاک کردیاگیا ہے ۔ کابل میں نیٹو کی جانب سے جاری بیان میں کہاگیا ہے کہ دونوں فوجی دیسی ساختہ بم کے پھٹنے سے ہلاک ہوئے۔ بیان میں ہلاک ہونے والے فوجیوں کی قومیت کے بارے میں نہیں بتایاگیاہے۔افغانستان میں رواں سال مارے جانے والے اتحادی فوجیوں کی تعداد ایک سو پچیس ہوگئی ہے جو گذشتہ سال کے مقابلے میں زیادہ ہے۔ دوسری جانب افغان صوبے ہلمند کے علاقے لشکرگاہ میں امریکی خیراتی ادارے میں داخل ہونے والے دو خود کش حملہ آوروں کو سیکورٹی گارڈ ز نے فائرنگ کرکے ہلاک کردیاہے۔

پاک افغان سرحدی پٹی پرنیٹو فورسز کا آپریشن 9 طالبان جاں بحق

salman — Mon, 15 Mar 2010 14:11:35 +0000

چاغی۔پاک افغان سرحدی پٹی پرنیٹو فورسز کا آپریشن 9 طالبان جاں بحق تفصیلات کے مطابق پاک افغان سرحدی پٹی پر نیٹو فورسز کی جانب سے آپریشن جارہی آپریشن کے دوران9 طالبان جاں بحق ذرائع نے ہمیں بتایاکہ نیٹو فورسز کی جانب سے ایک گھر میں چھاپہ ایک درمحمد ولد سخی داد کو گرفتار کرکے اپنے ساتھ لے گئے نیٹو فورسز کے اس وقت برانچہ ، رباط میں آپریشن جارہی ہے ذرائع نے ہمیں بتایا آپریشن میں ستارہ ڈآٹینک اور ہیلی کاپٹر حصہ لے رہے ہیں اور آپریشن جارہی رکھنے کا امکان ہے جبکہ پاکستانی علاقہ اسی سرحدی پٹی پر واقع ہے اس حوالے سے ڈی سی او چاغی سے رابطہ کیا تو انہوں نے اس واقع سے لاعلمی کا اظہار کیا ۔

قندھار حملے امریکی اور نیٹو افواج کے لیے ایک وراننگ ہے‘طالبان

awais — Mon, 15 Mar 2010 08:20:38 +0000

ہمارے حملوں کا مقصد آپریشن کو سبوتاژ کرنا اور یہ دکھانا ہے کہ ہم جب چاہیں جہاں چاہیں حملے کر سکتے ہیں‘ ترجمان یوسف احمدی کی غیر ملکی خبر رساں ادارے سے گفتگو
قندھار‘ طالبان نے کہا ہے کہ کو قندھار حملے افغانستان میں امریکی اور نیٹو افواج کے لیے وارننگہے۔ترجمان یوسف احمدی نے غیر ملکی خبر رساں ادارے سے گفتگو کرتے ہوئے کہا کہ یہ حملے افغانستان میں امریکی و نیٹو افواج کے کمانڈر جنرل سٹینلے میک کرسٹل کے اس تبصرے کا جواب ہیں جس میں انہوں نے کہا تھا کہ آپریشن کا مقصد قندھار ریجن سے طالبان کا صفایا کرنا ہے۔ بقول ترجمان ہمارے حملوں کا مقصد اس آپریشن کو سبوتاژ کرنا اور یہ دکھانا ہے کہ ہم جب چاہیں جہاں چاہیں حملے کر سکتے ہیں۔ بی بی سی کے مطابق قندھار طالبان کے لیے ایک روحانی مرکز کی حیثیت رکھتا ہے۔واضح رہے کہ گزشتہ ہفتہ کے روز کو افغانستان کے جنوبی شہر قندھار میں یکے بعد دیگرے چار خود کش حملوں میں 40 افراد ہلاک اور 40 زخمی ہوئے تھے ۔حکام کے مطابق حملہ آوروں نے قندھار جیل کے قریب پہلا دھماکہ کیا اور اس کے بعد یکے بعد دیگرے شہر میں تین اور خود کش حملے ہوئے جن سے شہر کی زندگی معطل ہو کر رہ گئی۔قندھار ہمیشہ سے افغانستان کی سیاست کا اہم مرکز رہا ہے ۔ملا عمر سمیت طالبان کی اعلیٰ قیادت کا تعلق بھی قندھار سے ہے اور موجودہ صدر حامد کرزئی بھی قندھار ہی سے ہیں۔امریکہ نے حال ہی میں کہا ہے کہ قندھار کے پڑوسی صوبے ہلمند میں آپریشن کے اختتام کے بعد وہ قندھار میں بھی اسی طرح کا فوجی آپریشن کرنے کی منصوبہ بندی کر رہا ہے۔

افغانستان ، پاکستانا ور ازبکستان میں دہشت گردی کے خلاف جنگ میں 936 امریکی فوجی مارے گئے

salman — Sat, 13 Mar 2010 12:16:47 +0000

واشنگٹن + کابل۔افغانستان ، پاکستان اور ازبکستان میں 2001 ء سے اب تک دہشت گردی کے خلاف جنگ میں امریکی فوج کے 936 اہلکار ہلاک ہو گئے جن میں 727 فوجی آپریشن کے دوران مارے گئے ہیں36 امریکی فوجی صرف گزشتہ دو ہفتوں میں مارے گئے ہیں۔ امریکی خبررساں ادارے کے مطابق پاکستان اور افغانستان ، ازبکستان میں امریکی اتحادی افواج سال 2001 ء سے تعینات ہے ۔ یہ فوجی اہلکار افغانستان میں طالبان اور دیگر انتہا پسندوں کے خلاف کارروائیوں میں مصروف ہیں لیکن ان افواج کو وہاں پر انتہا پسندوں کی جانب سے مزاحمتوں کا بھی سامنا ہے جس کے باعث اب تک 936 امریکی فوجی اہلکار ہلاک ہو چکے ہیں جبکہ 76 فوجی جن کا تعلق دیگر مغربی ممالک سے بھی ہلاک ہوئے ہیں ۔ گزشتہ 2 ہفتوں میں 36 امریکی فوجی ہلاک ہوئے ہیں امریکی محکمہ دفاع کے حکام کا کہنا ہے کہ جمعہ کو بھی افغانستان میں 4 مزید فوجی ہلاک ہوئے ان فوجیوں سمیت تعداد بڑھ کر 936 ہوگئی ہے ۔ جبکہ 2 سول فوجی بھی ہلاک ہوئے ۔

امریکہ کا طالبان سے مذاکرات پرغور‘ کابینہ کی اوبامہ کو بریفنگ

awais — Sat, 13 Mar 2010 08:33:06 +0000

امریکی عسکری کمان تاحال طالبان سے مذاکرات کے وقت کا تعین نہیں کرسکی
ہلمند کے بعد قندھار میں طالبان کے خلاف فیصلہ کن کارروائی کے بعد ہی طالبان قیادت سے رابطے کئے جائیں‘ امریکی کمانڈرز کی تجویز

واشنگٹن ‘ امریکی صدر براک اوبامہ کو ان کی کابینہ نے افغانستان کی صورتحال پر بریفنگ دی، امریکی میڈیا کے مطابق امریکہ نے طالبان کے ساتھ مذاکرات کے حوالے سے غور شروع کردیا۔ طالبان رہنماؤں کے خلاف کارروائی کیلئے پاکستان پر دباؤ برقرار رکھا جائے گا۔امریکی اخبار کی رپورٹ کے مطابق جنگی کابینہ نے صدراوبامہ کو افغانستان کے صوبہ ہلمند میں اتحادی فوج کی کامیابیوں، پاکستان میں ڈرون حملوں میں القاعدہ رہنماؤں کی ہلاکتوں اور اہم طالبان رہنماؤں کی گرفتاری سے متعلق آگاہ کیا۔ رپورٹ کے مطابق امریکی عسکری کمان تاحال طالبان سے مذاکرات کے وقت کا تعین نہیں کرسکی، تاہم امریکی کمانڈروں نے تجویز دی ہے کہ ہلمند کے بعد قندھار میں طالبان کے خلاف فیصلہ کن کارروائی کے بعد ہی طالبان قیادت سے رابطے کئے جائیں۔رپورٹ کے مطابق قندھار میں اتحادی فوج کا آپریشن آئندہ ماہ متوقع ہے۔

افغانستان ‘ دو بم دھماکے ‘ نیٹو کا ایک فوجی ہلاک ‘ 4 بچوں سمیت 5 شہری جاں بحق

awais — Fri, 12 Mar 2010 10:09:31 +0000

کابل ‘ افغانستان میں 2 بم دھماکوں میں نیٹو کا ایک فوجی ہلاک اور 5 افغان شہری جاں بحق ہو گئے جن میں 4 بچے بھی تھے ۔ نیٹو کے ترجمان کے مطابق صوبہ کپیسا میں بم دھماکے کی نوعیت کے بارے میں پتہ نہیں چل سکا ۔ دھماکے میں زخمی ہونے والے 3 بچوں کو ہسپتال منتقل کر دیا گیا ۔ دوسری جانب افغانستان کے جنوبی علاقے میں دھماکہ ہوا جہاں نیٹو کا ایک فوجی ہلاک ہو گیا

یہ ہر زبان میں اپنے مطلب کی بات سمجھتے ہیں، سید یوسف رضا گیلانی

salman — Thu, 11 Mar 2010 12:07:16 +0000

افغانستان میں امن و استحکام کے لیے خارم حرمین شریفین کی رہنمائی چاہتے ہیں، حامد کرزئی

اسلام آباد۔وزیر اعظم سید یوسف رضا گیلانی نے افغان صدر حامد کرزئی کے ہمراہ مشترکہ پریس کانفرنس سے خطاب کے دوران افغان عوام کے لیے پاکستان کو ان کا ’’ دوسرا گھر ‘‘ قرار دیا جبکہ افغان صدر نے پاکستان کو اپنا ’’ بھائی ‘‘ قرار دیا ۔ ایک موقع پر جب افغان صدرایک سوال کا پشتو اور اردو میں جواب دینا چاہتے تھے تو وزیراعظم سید یوسف رضا گیلانی نے کہا کہ یہ ہر زبان میںاپنے مطلب کی بات سمجھتے ہیں ۔افغان صدر نے ڈرون حملوں اورافغان مہاجرین کی واپسی کے بارے میں سوالات کا جواب پشتو اور انگریزی دونوں میں دیا ۔ وزیر اعظم سید یوسف رضا گیلانی نے افغان مہاجرین کے لیے بھی نیک جذبات کااظہار کیا جب کہ افغان صدر نے دونوں ممالک کو قریب لانے کے سلسلے میں سعودی عرب کے کردار کو ناگزیر قرار دیا ۔ افغان صدر نے کہا کہ افغانستان میں امن و استحکام کے لیے ہم خادم الحرمین شریفین کی راہنمائی چاہتے ہیں ۔

افغانستان میں خود کش حملہ اور کار بم دھماکہ می،7اتحادی فوجی ہلاک، متعدد زخمی

awais — Wed, 10 Mar 2010 11:34:36 +0000

پکتیا میں دھماکے کے بعد افغان فوج کی چیک پوسٹ پر آٹھ راکٹ بھی فائر کئے گئے
کابل ‘ افغانستان میں خودکش حملے اور کار بم دھماکے میں 2 اتحادی اور5 افغان فوجی ہلاک اور متعدد زخمی ہوگئے ۔خودکش حملہ مشرقی صوبے خوست میں نیٹو اور افغان سرحدی پولیس کے مرکز پر کیا گیا ۔ اتحادی فوج کے مطابق خودکش حملہ آور پیدل تھا جس نے خود کو دھماکے سے اڑادیا۔ حملے میں دو اتحادی فوجی ہلاک اور معتدد زخمی ہوئے ۔ ہلاک اور زخمی فوجیوں کی قومیت نہیں بتائی گئی ۔۔خوست کے پڑوسی صوبے پکتیا میں بھی افغان فوج کی ایک چیک پوسٹ کے قریب کار بم دھماکا ہوا ۔ صوبائی پولیس چیف کے مطابق دھماکے میں پانچ سیکیورٹی اہل کار ہلاک اور 4 زخمی ہوئے ۔ دھماکے کے بعد چیک پوسٹ پر آٹھ راکٹ بھی فائر کئے گئے تاہم اس سے ہونے والے نقصان کا علم نہیں ہوسکا ۔