Category Archives: افغانستان

مشرقی افغانستان ‘ دو مختلف حملوں میں ایک افغان افسر قتل ‘ دوسرا زخمی

کابل ‘ مشرقی افغانستان میں نامعلوم مسلح افراد کے دو مختلف حملوں میں محکمہ شماریات کے سربراہ قتل اور ایک اہلکار شدید زخمی ہو گیا ۔ افغان صوبہ لوگر کے صوبائی ترجمان دین محمد درویش نے بتایا کہ ضلع چرغ میں محکمہ شماریات کے سربراہ گل محمد کو ان کے گھر کے باہر اس وقت قتل کر دیا گیا جب وہ مسجد سے نماز پڑھ کر واپس آ رہے تھے ۔ واردات کے بعد حملہ آور فرار ہونے میں کامیاب ہو گئے جن کے بارے میں یہ کہا جا رہا ہے کہ ان کا تعلق طالبان سے ہے ۔ ترجمان دین محمد کے مطابق صوبائی دارالحکومت میں ایک اور سرکاری اہلکار کو منگل کو صبح کے وقت ایک حملے میں شدید زخمی کر دیا گیا ۔ طالبان کی طرف سے غیر سرکاری اہلکاروں پر حملوں کا یہ سلسلہ ان میں خوف و ہراس پھیلانے کے لئے کیا جا رہا ہے ۔ جس کا مقصد انہیں صدر حامد کرزئی کے ساتھ کام کرنے سے روکا جا سکے

Share

افغانستان میں حملے اور بم دھماکے ، 6 امریکی فوجیوں سمیت 7 افرادہلاک

مزار شریف میں نیٹو فوج کے ہاتھوں شہریوں کی ہلاکتوں پر امریکہ کیخلاف ریلی نکالی گئی
کابل ‘ افغانستان میں مختلف واقعات میں ایک سویلین اور 6 نیٹو اہلکار ہلاک ہو گئے ۔ مزار شریف میں نیٹو فوج کے ہاتھوں شہریوں کی ہلاکتوں پر مظاہرین نے امریکہ مخالف ریلی نکالی ۔ نیٹو کے مطابق مشرقی اور جنوبی افغانستان میں 6 امریکی فوجی مختلف حملوں میں مارے گئے ۔ قندھار میں ایک موٹر سائیکل میں نصب بم دھماکے سے ایک شخص جاں بحق ہو گیا ۔ افغانستان کے دو مختلف مقامات پر نیٹو قاتلوں پر بم حملے بھی کئے گئے تاہم کسی جانی نقصان کی اطلاع نہیں ملی ۔ جرمنی نے کہا ہے کہ اس کے دو فوجی صوبہ قندوز میں سڑک کے کنارے نصب بم حملے میں زخمی ہو گئے ۔ ادھر مزار شریف میں احتجاجاً عوام سڑکوں پر نکل آئے ۔ مظاہرین نے امریکہ اور کرزئی حکومت کے خلاف نعرے لگائے

Share

افغانستان حملے میں جاں بحق 13 پاکستانیوں کی لاشیں پاکستان پہنچ گئیں

پاکستانیوں کے قتل پر وزیر خارجہ شاہ محمود قریشی کا شدید احتجاج و مذمت
اسلام ‘ افغانستان میں حملے میں جاںبحق 13 پاکستانیوں کی لاشیں پاکستان پہنچا دی گئی ہیں جبکہ وزیر خارجہ شاہ محمود قریشی نے واقعے کی سخت مذمت کی ہے اور اسے بڑا جرم قرار دیا ہے ادھر کابل میں پاکستان کے سفیر نے افغان وزارت خارجہ سے رابطہ کیا اور افغان حکومت سے پاکستانیوں پر حملہ کرنے والوں کو فوری طور پر گرفتار کر کے تفتیش سے آگاہ کرنے کا مطالبہ بھی کیا ہے اس افسوسناک واقعہ پر دفتر خارجہ سے بیان جاری کیا گیا ہے ۔ ترجمان دفتر خارجہ عبد الباسط کے مطابق وزیر خارجہ شاہ محمود قریشی نے اس واقعہ کی مذمت کی ہے اور کابل میں پاکستانی سفیر محمد صادق نے وزیر خارجہ کی ہدایت کے مطابق افغان وزیر خارجہ سے رابطہ کر کے پاکستان میں پائے جانے والے جذبات سے انہیں آگاہ کیا ہے ۔ محمد صادق نے افغان وزارت خارجہ پر زور دیا ہے کہ اس حملے میں ملوث مجرمان کو فوری طور پر گرفتار کر کے تحقیقات کر کے پاکستان کو آگاہ کیا جائے ۔ دفتر خارجہ کے بیان کے مطابق 16 پاکستانی پارہ چنار سے پشاور جانے والی گاڑی میں موجود تھے جس پر حملہ کیا گیا

Share

افغانستان میں طالبان کے ساتھ جھڑپوں میں 5 امریکی فوجی ہلاک

کابل‘ افغانستان میں طالبان کے ساتھ جھڑپوں میں 5 امریکی فوجی ہلاک ہو گئے ہیں کابل میں نیٹو کے ایک بیان میں کہا گیا ہے کہ 3 فوجی شمالی اور 2 جنوبی علاقے میں مارے گئے صوبہ قندھار میں ریموٹ کنٹرول بم دھماکے میں ایک شخص ہلاک ہو گیا ادھر شہریوں کی ہلاکتوں میں اضافے کے خلاف سینکڑوں لوگ مزار شریف میں سڑکوں پر نکل آئے افغانستان اور نیٹو کی ایک مشترکہ تحقیقاتی ٹیم کو پکتیا صوبے کے ضلع جانی خیل سے ایسے چھ شہریوں کی لاشیں ملی ہیں جو توپ کا نشانہ خطا ہونے سے مارے گئے۔

Share

افغانستان میں بم دھماکہ ‘ ایک آسٹریلوی فوجی ہلاک ‘ دوسرا زخمی

کابل ‘ کینبرا ‘ افغانستان میں بم دھماکے میں ایک آسٹریلوی فوجی ہلاک اور دوسرا زخمی ہو گیا ۔ آسٹریلوی فوج کے سربراہ ‘ ایئرچیف مارشل انگس ہوسٹن نے ہفتہ کو اپنے 23 سالہ فوجی کی جمعرات کو رات گئے بم دھماکے میں ہلاک ہونے کی تصدیق کر دی ۔ انہوں نے کہا کہ حکام فوجی کا نام نہیں بتائیں گے ۔ تاہم اس کے گھر والوں کو مطلعےٰ کیا جا چکا ہے ۔ دوسرا فوجی زخمی ہوا مگر اب اس کی حالت بہتر ہے ۔ گزشتہ ماہ افغانستان میں 6 آسٹریلوی فوجی ہلاک ہو گئے تھے ۔ آسٹریلیا کا 1500 فوجیوں پر مشتمل دستہ افغانستان میں نیٹو فورسز کے ہمراہ کارروائی کر رہا ہے جبکہ اس کارروائی میں اب تک آسٹریلیا کے 17 فوجی ہلاک ہو چکے ہیں ۔

Share

برطانیہ کا افغانستان سے تین سالوں میں فوج کے انخلاء کا عندیہ

کابل ‘ برطانیہ کی نئی حکومت نے افغانستان سے تین سالوں میں اپنی فوج کی واپسی کا عندیہ دیتے ہوئے کہا ہے کہ تین سال میں برطانیہ افغانستان سے فوجی انخلاء کا عمل شروع کرے گا جبکہ افغانستان میں طالبان قیادت سے مذاکرات کے حوالے سے کہا ہے کہ پرامن مذاکرات کا عمل جلد شروع ہونا چاہئے ۔ برطانوی اخبار ’’ ٹیلی گراف ‘‘ کے مطابق کابل کے لئے نئے برطانوی سفیر سر ولیئم پیٹی نے کہا ہے کہ اگر افغانستان میں طالبان کے خاتمے کے لئے پہلے سے اتحادی افواج اپنے مشن پر عمل پیرا ہیں اور ان کا یہ مشن 3 سے 5 سالوں کے لئے ہے ۔ برطانیہ 3 سے 5 سالوں کے لئے اس مشن میں اتحادی فوج کے ساتھ ہے ان کا کہنا تھا کہ سیاسی عمل کو تیز کیا جا سکتا ہے ۔ ولیئم پیٹی کا مزید کہنا ہے کہ افغانستان میں اب طالبان قیادت سے مذاکرات کی ضرورت ہے ۔ اور ان سے مذاکراتی عمل کا سلسلہ جلد ہی شروع ہو جانا چاہئے ۔ ان کا کہنا تھا کہ میں اس بات سے اتفاق کرتا ہوں کہ اگر آپ کا پیغام سیاسی استحکام کے بارے میں مذاکرات کا ہے تو بعد میں مذاکرات کرنے کے بجائے اب اور جلد ہی کرنا چاہئے ۔ انہوں نے کہا کہ افغانستان میں اس جنگ کی تاریخ یہ بتاتا ہے کہ ایک ہی وقت میں لڑنا اور مذاکرات کرنا ممکن ہے ۔ کیونکہ ہر جنگ کا خاتمہ صرف اور صرف مذاکرات ہے ۔ ان کا کہنا تھا کہ مذاکرات میں ان طالبان کو بھی دعوت دینی چاہئے جو کابل میں اپنی حکومت واپس نہیں لانا چاہتے اور نہ ہی تشدد کی کارروائیوں کی جانب جانا چاہتے ان کو بھی مذاکرات کا حصہ ہونا چاہئے ۔

Share

جنوبی افغانستان میں دھماکہ ‘ ایک نیٹو فوجی ہلاک

کابل ‘جنوبی افغانستان میں طالبان کے بم حملے کے نتیجے میں ایک نیٹو فوجی ہلاک ہوگیا ۔ جنوبی افغانستان میں ایساف کا کہنا ہے کہ طالبان عسکریت پسندوں کی جانب سے حملوں میں تشویش ناک اضافہ ہو رہا ہے ۔ گزشتہ روز طالبان نے نیٹو فوج پر دھماکہ خیز مواد سے حملہ کیا جس کے نتیجے میں ایک نیٹو فوجی موقع پر ہلاک ہو گیا ۔ فوری طور پر ہلاک ہونے والے فوجی کی قومیت کے بارے میں نہیں بتایا گیا ۔ رواں سال طالبان کی جانب سے حملوں ‘ سڑک کنارے بم دھماکوں اور براہ راست کارروائیوں میں 342 فوجی ہلاک ہو چکے ہیں ۔ ایساف نے ان ہلاکتوں پر تشویش کا اظہار کیا ہے جبکہ برطانوی فوج نے طالبان کی جانب سے بڑھتی ہوئی ان کارروائیوں کے پیش نظر افغانستان کا علاقہ ضلع سنگین چھوڑنے کا فیصلہ بھی کیا ہے ۔ واضح رہے کہ طالبان کی جانب سے فوج کے خلاف حملے افعانستان میں غیر ملکی افواج کی موجودگی کا ردعمل ہے ۔ ادھر افغانستان میں اتحادی فوج کے ایک کمانڈر کا کہنا ہے کہ طالبان کی جانب سے دیسی ساختہ بموں میں اضافہ ہو رہا ہے اور طالبان پر بم نیٹو فوج کے ساتھ جوابی کارروائی میں استعمال کرتے ہیں ۔

Share

افغان خفیہ پولیس کے سربراہ محمد گل نامعلوم افراد کے حملے میں محافظ سمیت ہلاک

کابل ‘ افغانستان کے دارالحکومت کابل میں افغان خفیہ پولیس کے سربراہ محمد گل کو ان کے گھر کے قریب نامعلوم مسلح افراد نے محافظ سمیت فائرنگ کر کے قتل کر دیا ۔ افغان پولیس کے مطابق کابل میں واقع محمد گل گزشتہ رات اپنے دفتر سے گھر کی طرف جا رہے تھے کہ نامعلوم مسلح افراد نے محمد گل پر اندھادھند فائرنگ کر دی جس کے نتیجے میں محمد گل اپنے محافظ سمیت ہلاک ہو گئے ۔ کابل کے کرمنل انوسٹی گیشن کے سربراہ عبدالغفور سید زادہ کا کہنا ہے کہ محمد گل کابل کے مغربی زون کے فورسز کے ڈائریکٹر تھے ۔ انہوں نے دہشت گردوں کا تعاقب کیا اور دیگر انتہا پسندوں کے حملوں کو روکا ۔ طالبان اور دیگر انتہا پسندوں نے انہیں حکومت کی حمایت پر قتل کر دیا

Share

فرینڈلی فائر ‘ مشرقی افغانستان میں نیٹو افواج کا فضائی حملہ ‘ 5 افغان فوجی ہلاک

افغان وزارت کی جانب سے فرینڈلی فائر کی مذمت ‘ نیٹو فورسز کا واقعہ پر اظہار افسوس
کابل ‘ افغانستان میں نیٹو فورسز کی غلطی سے فضائی حملے میں اپنے اتحادی 5 افغان فوجی ہلاک اور 2 زخمی ہو گئے ۔ افغان وزارت دفاع نے نیٹو فوج کی جانب سے فرینڈلی فائر کے اس اقدام کی شدید مذمت کی ہے جبکہ نیٹو نے واقعہ پر افسوس کا اظہار کرتے ہوئے کہا ہے کہ اس کی مشترکہ تحقیقات شروع کر دی گئی ہے ۔ افغانستان کی وزارت دفاع کے مطابق مشرقی افغانستان میں بدھ کے روز نیٹو فوج نے اپنے اتحادی افغان فوج پر اس وقت فضائی حملہ کیا جب وہ انتہا پسندوں کے خلاف کارروائی کر رہے تھے کہ نیٹو نے ان پر فضائی حملہ کیا جس کے نتیجے میں 5 افغان فوجی اہلکار موقع پر ہی ہلاک ہوئے جبکہ 2 زخمی بھی ہوگئے ۔ انہیں مقامی ہسپتال منتقل کر دیا گیا ۔ وزارت دفاع کے ترجمان جنرل محمد ظاہر اعظمی نے نیٹو فورسز کی اس کارروائی کی مذمت کرتے ہوئے کہا ہے کہ نیٹو نے بغیر کسی انتباہ کے فورسز پر فضائی حملہ کر دیا ۔ جو کہ قابل تشویش امر ہے ۔ اعظمی کا کہنا ہے کہ نیٹو کی جانب سے افغانستان میں حملے کا یہ پہلا واقعہ نہیں ۔ فورسز متعدد بار ایسا کر چکی ہیں ۔ لیکن پھر بھی بارہا وہ اپنی غلطی کو دہرا رہی ہیں ۔ ادھر نیٹو فوج کے ترجمان جوزف بلٹنر نے افغان فورسز کی ہلاکتوں کی تصدیق کرتے ہوئے کہا ہے کہ درحقیقت یہ فرینڈلی فائر تھا جو کہ فوج کی غلطی تھی اور آئندہ مستقبل میں ایسا کچھ نہیں ہو گا یہ آخری غلطی ہو گی ۔

Share

جنوبی افغانستان میں سڑک کنارے نصب بم دھماکے میں 3 امریکی فوجی ہلاک ہوئے ‘ نیٹو

کابل ‘ نیٹو نے جنوبی افغانستان میں سڑک کنارے نصب بم پھٹنے سے 3 امریکی فوجیوں کی ہلاکت کی تصدیق کر دی جبکہ گزشتہ مہینے بھی طالبان کے حملوں میں 60 امریکی فوجی ہلاک ہوئے تھے ۔ نیٹو کی طرف سے جاری بیان کے مطابق افغانستان کے جنوبی حصے میں جہاں طالبان کا کنٹرول ہے میں سڑک کنارے نصب بم پھٹنے سے 3 غیر ملکی فوجی ہلاک ہو گئے ۔ بیان کے مطابق ہلاک ہونے والے فوجیوں کا تعلق امریکہ سے ہے ۔ انہوں نے اس بارے میں مزید معلومات فراہم نہیں کیں ۔ واضح رہے کہ افغانستان کے جنوبی حصے میں غیر ملکی فوجیوں کی زیادہ تر ہلاکتیں سڑک کنارے نصب بم پھٹنے سے ہوتی ہیں ۔ گزشتہ ماہ بھی یہاں 103 اتحادی فوجیوں کی ہلاکتوں ہوئی جن میں سے 60 امریکی تھے ۔

Share