Urdu News - Online Urdu News Paper

نیا سال ایک سیکنڈ کی تاخیر سے شروع ہو گا۔سائنس دانوں کی رپورٹ

اسلام آباد ۔ دنیا کی صرف معیشت ہی سست رفتار سے نہیں چل رہی ہے بلکہ زمین سورج کے گرد چکر بھی سست رفتار سے لگا رہی ہے۔بین الاقوامی سائنس دانوں کے مطابق اس سست رفتاری کی وجہ سے31دسمبر کی شب میں ایک سیکنڈ کا اضافہ کر دیا جائے گا۔ ان کا کہنا ہے کہ اس ایک سیکنڈ سے زمین کی سست رفتاری کا ازالہ کیا جا سکے گا۔اگر آپ کو یہ محسوس ہو کہ سنہ دو ہزار آٹھ کچھ زیادہ ہی لمبا ہوگیا تو گھبرانے کی بات نہیں کیونکہ اس کی بالکل معقول وجہ ہے۔نہ صرف یہ کہ سنہ دو ہزار آٹھ میں ایک سیکنڈ کا اضافہ کیا جائے گا بلکہ دو ہزار آٹھ لون کا سال( لیپ ایئر) بھی تھا۔ اس سے قبل انیس سو بانوے میں ایک سیکنڈ کا اضافہ بھی ہوا اور وہ بھی لوند کا سال تھا۔اس سیکنڈ کے اضافہ کے بعد زمین ایٹی گھڑیوں سے موافق ہو جائے گی جو کہ وقت کو سیکنڈ کی حد تک درست رکھتی ہیں۔زیادہ تر کمپیوٹر سرور، جی پی ایس اور موبائل فون کمپنیاں اٹامک گھڑیوں سے ہی سے اپنا وقت درست کرتے ہیں۔ایک سیکنڈ کے اضافے کی ضرورت اس لیے پیش آئی کہ زمین سورج کے گرد آہستہ چکر لگا رہی ہے اور اس سست رفتاری کی وجہ مدوجزر اور عالمی حدت بتائی جاتی ہے۔اس لیے جب آپ نئے سال کے شروع ہونے کا انتظار کر رہے ہوں تو آپ کو کچھ زیادہ انتظار کرنا ہو گا۔

ٹوکیو ۔ جاپان میں ایک شہری نے خواتین کی چیخ و پکار سے لطف اندوز ہونے کے لیے ٹرین کی زنانہ بوگی میں لا تعداد کیڑے مکوڑے چھوڑ دیے جاپانی پولیس ذرائع کے مطابق 35 سالہ جاپانی شہری منابو مذو ٹانے آج اوساکا کے علاقے میں سفر کے دوران خواتین کے ڈبے میں گھس کر ڈبو میں بند ہزاروں کیڑوں کو چھوڑ دیا جس سے خواتین خوفزدہ ہو کر چیخنے چلانے لگیں تاہم ٹرین میں موجود پولیس کے اہلکاروں نے موقعہ پر پہنچ کر اسے گرفتار کر لیا اور اس کے قبضے سے کیڑوں سے بھرے مزید دس ڈبے برآمد کر لیے پوچھ گچھ کے دوران منابو مذوٹا نے پولیس کو بتایا کہ خواتین کی چیخ و پکار سن کر میں بہت محظوظ ہوتا ہوں اور خوشی سے جھوم اٹھتا ہوں اس نے مزید بتایا کہ میں بہت دکھی انسانی ہوں اور اکثر غمزدہ رہتا ہوں اور اپنا غم غلط کرنے کے لئے ایسی ایسی حرکتیں کرتا ہوں جس سے خواتین چیخ اٹھیں اور مجھے مزہ آئے ۔ اس نے کہا کہ یہ کیڑے پکڑنے کے لیے میں نے بہت محنت کی ہے اور ان کی تلاش کے لیے میں دور دور تک گیا ہوں اس نے پولیس کی منت و سماجت کی کہ وہ اسے گرفتار نہ کرے اور اس کی خوشی کی راہ میں رکاوٹ نہ ڈالے ورنہ میں پاگل ہو جاؤں گا تاہم اس کے بار بار اصرار پر پولیس نے اسے نہ چھوڑا اور جیل میں بند کر دیا ہے

میامی۔ امریکی کمپنی نے چاند پر قبرستان بنانے کے منصوبے کا اعلان کر دیا۔ سیلیسٹس نامی کمپنی مرنے والوں کی لاشیں جلانے کے بعد راکھ کا کچھ حصہ خلاء میں بھیج دینے کی سہولت پہلے ہی فراہم کر رہی ہے۔ کمپنی کے اعلان کے مطابق باقیات کو راکھ کی شکل میں چاند پر پہنچانے کی سہولت کا آغاز 2010ء میں کیا جائے گا ۔ واضح رہے کہ خلائی تحقیق کے امریکی ادارے ناسا نے امریکی خلاء باز یوجین شومیک کی باقیات کو ایک سال تک چاند کے گرد مدار میں رکھنے کے بعد چاند کے جنوبی قطب پر دفن کیا ہے۔ کمپنی کے سربراہ کے مطابق ابھی تک پانچ ہزار افراد نے موت کے بعد اپنی باقیات کو چاند پر دفن کرنے کی خواہش کا اظہار کیا ہے

دنیا میں 4 لاکھ اموات سانپ کے ڈسنے سے ہوتی ہیںبعض ممالک میں زلزے کی پیش گوئی کے لئے بھی استعمال کئے جاتے ہیں ۔ ایک تحقیق کے مطابق دنیا بھر میں ہر سال 4لاکھ اموات سانپ کے ڈسنے سے ہوتی ہیں ان اموات کی ذیادہ تعدا د کا تعلق جنوبی ایشیا ہوتا ہے کیونکہ دنیا بھر کے مقابلے میں جنوبی ایشیا میں سب سے ذیادہ سانپ پائے جاتے ہیں جن بیشتر سانپ انتہائی زہریلے ہوتے ہیں جن ک ڈسنے سے فوری موت واقع ہو جاتی ہے اتنی ذیادہ اموات کی ایک وجہ بر وقت اور موثر طبی امداد کا نہ ملنا بھی بتا یا جاتا اس کے بر عکس بعض ممالک میں تحقیق سے یہ بات بھی سامنے آئی ہے کہ سانپ زلزے کی پیش گوئی بھی کرسکتا ہے کیونکہ زلزہ آنے سے قبل یہ سانپ بل سے باہر آجاتے ہیں ادھر ادھر بے چینی سے گھومنے لگتے ہیں تاہم اس بات کا حتمی تجربہ نہیں جا سکتا۔

پیرس۔ فرانسیسی صدر نکولس سرکوزی کے بینک اکاؤنٹ سے انٹر نیٹ کے ذریعے رقم چرا لی گئی ہے۔ فرانسیسی کابینہ کے ترجمان لیک شیٹِل نے واقعہ کی تصدیق کی ہے تاہم چوری ہونے والی رقم کی مالیت ظاہر کئے بغیر کہا ہے تحقیقات کی جا رہی ہیں۔ میڈیا رپورٹس کے مطابق نکولس سرکوزی کے اس بینک اکاؤنٹ میں انکی ماہانہ تنخواہ تیرہ ہزار دو سو تینتالیس پاؤنڈز حکومت کیجانب سے جمع کرا ئی جا تی ہے۔