Urdu News

Urdu News…The 3rd Largest Online Urdu Newspaper

Urdu News header image 4

Entries Tagged as 'بریکنگ نیوز'

پاکستان نے حتف سیون کروز میزائل کا کامیاب تجربہ کر لیا

February 10th, 2011 · No Comments · بریکنگ نیوز, پاکستان

میزائل 600 کلومیٹر تک اپنے حدف کو کامیابی سے نشانہ بنا سکتا ہے
تجربہ کے موقع پر آرمی چیف جنرل کیانی ، جنرل خالد شمیم وائیں ، سائنسدانوں اور انجینئرز کی بڑی تعداد موجود تھی
کامیاب تجربہ پر صدر زرداری اور وزیر اعظم گیلانی کی سائنسدانوں اور انجینئرز کو مبارکباد

راولپنڈی ‘ پاکستان نے حتف سیون کروز میزائل بابر کا کامیاب تجربہ کر لیا ۔ میزائل 600 کلومیٹر تک اپنے حدف کو کامیابی سے نشانہ بنا سکتا ہے ۔ میزائل روائیتی اور غیر روائیتی وار ہیڈ کو لے جانے کی صلاحیت رکھتا ہے ۔ آئی ایس پی آر کے مطابق میزائل نے اپنے ہدف کو کامیابی سے نشانہ بنایا ۔ واضح رہے کہ یہ میزائل مکمل طور پر مقامی سطح پر تیار کیا گیا ہے ۔ تجربہ کے موقع پر چیف آف آرمی جنرل اشفاق پرویز کیانی ، چیئرمین جوائنٹ چیفس آف سٹاف کمیٹی جنرل خالد شمیم وائیں ، سائنسدانوں اور انجینئروں کی بڑی تعداد موقع پر موجود تھی ۔ میزائل کے کامیاب تجربہ پر وزیر اعظم یوسف رضا گیلانی اور صدر مملکت آصف علی زرداری نے سائنسدانوں اور انجینئروں کو مبارک باد دی ۔

Tags:

وفاقی وزیر مذہبی امور حامد سعید کاظمی کے گھر ایف آئی اے کا چھاپہ ‘ حامد سعید کاظمی فرار

February 10th, 2011 · No Comments · بریکنگ نیوز, پاکستان

حج کرپشن سکینڈل،سابق وفاقی وزیر مذہبی امور حامد سعید کاظمی کے وارنٹ گرفتاری جاری
وارنٹ گرفتاری کے بعد ایف آئی اے کے حامد سعید کاظمی کی گرفتاری کے لیے چھاپے
سابق وفاقی وزیر گرفتاری کے ڈر سے گھر سے فرار ہونے میں کامیاب

اسلام آباد ‘حج کرپشن کیس میںوفاقی تحقیقاتی ادارہ ایف آئی اے نے سابق وفاقی وزیر مذہبی امور حامد سعید کاظمی کے وارنٹ گرفتاری عدالت سے جاری کرائے ہیں ۔ یہ وارنٹ گرفتاری اسلام آباد کے سینئر سول جج کامران بشارت کی عدالت نے جاری کئے ہیں وارنٹ گرفتاری جاری ہونے کے بعد ایف آئی اے کی ٹیمیں سابق وفاقی وزیر حامد سعید کاظمی کی گرفتاری کے لیے چھاپے مار رہی ہیں اور مختلف چھاپوں کے دوران ان کو ابھی تک گرفتار نہیں کیا گیا ہے ۔ نجی ٹی وی نے ایک رپورٹ میں کہا ہے کہ ایف آئی اے کی ٹیم نے سابق وفاقی وزیر کے گھر پر بھی چھاپہ مارا تاہم حامد سعید کاظمی گھر سے پہلے فرار ہو چکے تھے ۔ نجی ٹی وی نے اپنی رپورٹ میں مزید کہا کہ حامد کاظمی سے رابطہ کیا گیا تو وہ بڑے پریشان تھے تاہم انہوںنے اپنی موجودگی کے بارے میں کچھ بتانے سے گریز کیا کہ وہ اس وقت کہاں ہیں ۔ذرائع نے بتایا کہ سابق وفاقی وزیر حامد سعید کاظمی کی گرفتاری کے لیے مختلف مقامات پر تین چھاپے مارے ہیں اور ان چھاپوں کا سلسلہ جاری ہے تاکہ سابق وفاقی وزیر کو حج کرپشن سکینڈل میں گرفتاری کو یقینی بنایا جا سکے نجی ٹی وی نے دعویٰ کیا ہے کہ وفاقی وزیر داخلہ رحمان ملک نے حامد سعید کاظمی کے وارنٹ گرفتاری حاصل کرنے پر شدید برہمی کا اظہار کیا ہے اور کہا ہے کہ حکومتی جماعت کے رکن کے خلاف وارنٹ گرفتاری کیوں حاصل کئے گئے ۔

Tags: ·

مردان کینٹ میں پنجاب رجمنٹ ٹریننگ سینٹر پر خود کش حملہ ، 18 اہلکار جاں بحق اور 20 زخمی

February 10th, 2011 · No Comments · بریکنگ نیوز, شہر شہر کی خبریں, پاکستان

مردان ‘ مردان کینٹ میں پنجاب رجمنٹ کے ٹریننگ سینٹر پر خود کش حملہ کے نتیجے میں 18اہلکار جاں بحق اور 20زخمی ہو گئے ۔ ہلاکتوں کی تعداد میں اضافہ کا خدشہ بتایا جا رہا ہے ۔ خود کش حملہ اس وقت ہوا جب اہلکار پریڈ کر رہے تھے ۔ زخمیوں کو قریبی ہسپتال منتقل کیا گیا ہے ۔جہاں کئی زخمیوں کی حالت تشویشناک ہے ۔صدر آصف علی زرداری اور وزیر اعظم یوسف رضا گیلانی نے واقعہ کی شدید الفاظ میں مذمت کی ہے جبکہ وفاقی وزیر داخلہ رحمان ملک نے فوری طور پر واقعہ کی رپورٹ طلب کر لی ہے۔ ذرائع کے مطابق خود کش حملہ آور کم عمر بتایا جا رہا ہے جس نے سکول یونیفارم پہن رکھی تھی جب خود کش حملہ ہوا اس وقت بڑی تعداد میں آرمی جوان پریڈ کر رہے تھے ڈی پی او مردان کے مطابق حملہ میں 18افراد جاں بحق ہو گئے جبکہ آئی ایس پی آر کے مطابق حملہ آور سکول یونیفارم پہنے ہوئے تھا جبکہ آئی ایس پی آر کے مطابق پنجاب رجمنٹ میں قائم سکول میں پڑھنے والے تمام بچے محفوظ ہیں ۔ دھماکہ کے بعد فورسز نے علاقہ کو گھیرے میں لے لیا ہے اور کسی شخص کو دھماکہ کی جگہ پرجانے کی اجازت نہیں ۔ ڈی ایس پی سٹی عبد الصمد خان کے مطابق حملہ میں 20اہلکار زخمی ہو ئے ۔ صدر آصف علی زرداری اور وزیر اعظم یوسف رضا گیلانی نے واقعہ کی شدید الفاظ میں مذمت کی ہے جبکہ وفاقی وزیر داخلہ رحمان ملک نے فوری طور پر واقعہ کی رپورٹ طلب کر لی ہے

Tags:

گوجرانوالہ میں سیکورٹی اداروں کے دفاتر پر یکے بعد دیگرے 3دھماکے،4افراد زخمی

February 9th, 2011 · No Comments · بریکنگ نیوز, شہر شہر کی خبریں, پاکستان

ایک بم کو ناکارہ بنا دیا گیا،پولیس نے تمام علاقوں کو سیل کر کے سرچ آپریشن شروع کر دیا
سی آئی اے ہیڈ کواٹر، اسپیشل برانچ دفاتر کے باہر اور پولیس ریسٹ ہاؤس میں دھماکوں کے بعد سیکیورٹی ہائی الرٹ کر دی گئی
گوجرانوالہ ‘گوجرانوالہ میں سی آئی اے ہیڈ کواٹر، اسپیشل برانچ دفاتر کے باہر اور پولیس ریسٹ ہاؤس میں ہلکی نوعیت کے تین دھماکے ہوئے جس سے4 افراد زخمی ہو گئے جبکہ ایک بم کو ناکارہ بنا دیا گیا،پولیس نے دھماکوں کے بعد تمام علاقوں کو سیل کر کے سرچ آپریشن شروع کر دیا ۔پولیس کے مطابق گوجرانوالہ کے علاقے پیپلز کالونی میں سی آئی اے ہیڈکواٹر کے باہر صبح سات بجے کے قریب پہلا دھماکا ہوا ۔،دھماکے سے سی آئی اے سینٹر کی بیرونی دیوار گر گئی اور اْس جگہ پر گڑھا پڑ گیا۔چند ہی منٹ بعد ڈی سی روڈ پر واقع آر پی او آفس میں اسپیشل برانچ کے دفتر کے باہر بھی دھماکہ ہوا جس سے قریبی عمارتوں کے شیشے ٹوٹ گئے۔ایس پی سول لائن مبشر میکن کے مطابق دونوں دفاتر کی عقبی دیواروں کے باہر پلاسٹک کینز میں دھماکا خیز مواد نصب کیا گیا جس کے پھٹنے سے عمارتوں کو جزوی نقصان پہنچا ہے۔ جبکہ سی آئی اے کی بلڈنگ کے باہر نصب ایک اور بم کو بم ڈسپوزل اسکواڈ نے ناکارہ بنا دیا۔ ریسکیو ٹیمیں اور قانون نافذ کرنے والے ادارے امدادی کارروائیوں کے لئے موقع پر پہنچ گئے۔پولیس کا کہنا ہے کہ دھماکوں میں یامین نامی ایک شہری گردن پر شیشہ لگنے سے شدید زخمی ہوا ہے۔تیسرا دھماکا منیر چوک میں پولیس ریسٹ ہاؤس کی چھت پر ہوا جس سے وہاں سوراخ ہو گیا۔دھماکے کی شدت سے قریبی میڈیکل کمپلیکس میں شیشے ٹوٹنے سے تین افراد معمولی زخمی ہو گئے۔دھماکوں کی اطلاع ملتے ہی پولیس،بم ڈسپوزل اسکواڈ اور ریسکیو ٹیمیں موقع پر پہنچ گئیں۔ پولیس نے علاقوں کو سیل کر کے شواہد اکٹھے کرنا شروع کر دئیے ہیں۔دھماکوں کی آواز پورے شہر میں سنی گئی جس سے خوف و ہراس پھیل گیا اور لوگ گھروں سے باہر نکل آئے۔سی پی او غلام محمد ڈوگر نے جائے دھماکا کا معائنہ کرنے کے بعد میڈیا سے بات چیت کرتے ہوئے کہا کہ دھماکے معمولی نوعیت کے تھے جن کا مقصد خوف و ہراس پھیلانا تھا۔دھماکوں کے بعد تمام سرکاری عمارتوں میں ریڈ الرٹ کردیا گیا ہے اور تعلیمی اداروں اور شاپنگ پلازہ کے باہر سیکورٹی تعینات کی گئی۔ سیکورٹی کے پیش نظر سی پی او آفس کو خالی کرا دیا گیا۔

Tags: ·

چارسدہ‘ گدھا گاڑی میں دھماکا،مالک جاں بحق،4 افراد زخمی

February 9th, 2011 · No Comments · بریکنگ نیوز, شہر شہر کی خبریں, پاکستان

چارسدہ ‘ چارسدہ میں قاضی خیل پل کے قریب میلہ مویشیاں میں گدھا گاڑی میں نصب بم دھماکے سے مالک جاں بحق اور4 افراد زخمی ہوگئے۔ ڈی پی او چار سدہ نثار مروت کے مطابق یہ واقعہ چارسدہ میں واقع چندی پل کے قریب بدھ کی صبح پیش آیا۔ان کا کہنا تھا کہ دھماکہ خیز مواد ایک گدھا گاڑی میں نصب تھا جس کے پھٹنے سے ایک شخص جاں بحق ہوا ہے۔ اطلاعات کے مطابق جاں بحق ہونے والا شخص گدھا گاڑی کا مالک تھا۔اس واقعے کی اطلاع ملتے ہی قانون نافذ کرنے والے اداروں کے اہلکار اور امدادی کارکن جائے وقوع پر پہنچے اور زخمیوں کو ہسپتال پہنچایا۔ دھماکہ سے جائے وقوعہ پر سات فٹ چوڑا اور چار فٹ گہرا گڑھا پڑ گیا ہے ۔دھماکے کے بعد چارسدہ میں حفاظتی انتظامات سخت کر دیے گئے ہیں۔علاقہ میں ایک اور بم کی موجودگی کی اطلاع پر پولیس نے علاقہ کو گھیرہ میں لے لیا ۔خیال رہے کہ یہ حالیہ چند ہفتوں میں دوسرا واقعہ ہے جب دھماکے کے لیے گدھا گاڑی یا ریڑھی کا استعمال کیا گیا ہے۔ اس سے قبل پشاور میں ایک سکول کے سامنے کھڑی ریڑھی میں بھی دھماکہ ہوا تھا جس میں ایک بچہ مارا گیا تھا۔

Tags:

پاکستان ‘ وفاقی کابینہ مستعفیٰ ہو گئی

February 9th, 2011 · No Comments · بریکنگ نیوز, پاکستان

اسلام آباد‘ وفاقی کابینہ مستعفیٰ ہو گئی ۔ وزیر اعظم سید یوسف رضا گیلانی اہم معاملات کے بارے میں قوم کو اعتماد میں لیں گے ۔ موجودہ وفاقی کابینہ کا اخری اجلاس بدھ کو وزیر اعظم سید یوسف رضا گیلانی کی صدرات میں اسلام آباد میں ہوا ۔ تمام وزراء نے نئی کابینہ کی تشکیل کے پیش نظر رضاکارنہ طور پر اپنے استعفےٰ وزیرا عظم کو پیش کیے ۔ وزیراعظم نے کابینہ کے تمام ارکان کو ان کی کارکردگی کے حوالے سے خراج تحسین پیش کیا ۔ وفاقی کابینہ کی تحلیل کا فیصلہ پاکستان پیپلز پارٹی کی مرکزی مجلس عاملہ کے اجلاس میں کیا گیا تھا ۔ صدر آصف علی زرداری نے نئی کابینہ کی تشکیل کا اختیار وزیر اعظم سید یوسف رضا گیلانی کے سپرد کیا ۔ موجودہ کابینہ مستعفی ہوئی گئی ہے ۔ نئی کابینہ 18ویںترمیم کے تحت ارکین پارلیمنٹ کے 11فیصد تناسب سے سے تشکیل پائے گی ۔نئی کابینہ کی تشکیل وزیر اعظم کی جانب سے سیاسی جماعتوں سے مشاورت کا سلسلہ جاری ہے ۔ حکومتی ذرائع کے مطابق نئی کابینہ 2مراحل میں تشکیل پائے گی ۔ پہلے مرحلے کے نامزد وزراء آئندہ24گھنٹوں میں حلف اٹھا سکتے ہیں ۔ موجودہ کابینہ کے 75اجلاس منعقد ہوئے ۔ وزیر اعظم نے تمام ارکان کی خدمات کو سراہا۔ اجلاس سے خطاب کے دوران وزیراعظم نے کہا کہ کابینہ کے 75فی صد عملدرآمد ہو چکا ہے ۔ وفاقی کابینہ نے گزشتہ 3سالوں میں تاریخی فیصلے کیے ۔ انتہائی مشکل حالات میں حکومت سنھبالی تھی ۔ وزیر اعظم نے کہا کہ مفاہمتی پالیسی جاری رہے گی ۔ تمام فیصلے مشاورت سے کئے جائے گئے ۔انہوں نے وزراء کی جانب سے رضاکارنہ طور پر استعفیٰ پیش کرنے ان کا شکریہ ادا کیا اور کہا کہ مل کر کامیابی سے حکومت چلائی ہے تمام وزراء کا شکریہ ادا کرتا ہوں کابینہ کے 605فیصلوں پر عمل درآمد ہو چکا ہے ۔ وزیر اعظم نے کہا کہ ان تاریخی کامیابیوں میں سب کا تعاون حاصل رہا اور آج ملکی زرمبادلہ کے ذخائر 17ارب ڈالر ہیں

Tags:

اورکزئی ایجنسی ، لڑاکا طیاروں کی بمباری ، 10 عسکریت پسند ہلاک ، 15 زخمی ، 4 ٹھکانے تباہ

February 8th, 2011 · No Comments · بریکنگ نیوز, پاکستان

اورکزئی ایجنسی ‘ اورکزئی ایجنسی میں سیکورٹی فورسز کے جیٹ فائٹر طیاروں کی بمباری میں 10 عسکریت پسند ہلاک اور 15 زخمی ہو گئے ۔ ذرائع کے مطابق فورسز کے جیٹ فائٹر طیاروں نے اورکزئی ایجنسی کے علاقہ ماموں زئی اور خاریزئی میں مبینہ عسکریت پسندوں کے ٹھکانوں کو نشانہ بنایا جس کے نتیجہ میں 10 عسکریت پسند ہلاک اور 15 زخمی ہو گئے جبکہ حملہ میں عسکریت پسندوں کے چار ٹھکانے بھی تباہ ہو گئے ۔ واقعہ میں عسکریت پسندوں کی ہلاکتوں میں اضافہ کا خدشہ بھی ظاہر کیا ہے

Tags:

پشاور ، متھرہ میں پولیس چوکی اور وین پر بم حملے ، ایک انسپکٹر جاں بحق ، 4 اہلکار زخمی

February 8th, 2011 · No Comments · بریکنگ نیوز, شہر شہر کی خبریں, پاکستان

پشاور‘پشاور کے نواحی علاقہ متھرہ میں پولیس چوکی اور وین پر بم حملوں میں ایک انسپکٹر جاں بحق جبکہ 4 اہلکار زخمی ہو گئے ۔ گزشتہ روز منگل کی صبح پشاور کے نواحی علاقہ گڑھی مٹہ کے قریب ایک پولیس چوکی کے قریب بارودی مواد پھٹنے سے جبکہ واقعہ کی تحقیقات کے لئے پہنچنے والی ٹیم کی وین کے قریب ریمورٹ کنٹرول بم دھماکہ کے نتیجہ میں سب انسپکٹر رسول شاہ موقع پر ہی جاں بحق ہو گئے جبکہ 4 اہلکار شدید زخمی ہو گئے جن کو لیڈی ریڈنگ ہسپتال داخل کرا دیا گیاہے ۔ لیڈی ریڈنگ ہسپتال انتظامیہ کے مطابق زخمی اہلکاروں کی حالت خطرہ سے باہر ہے ۔

Tags:

کراچی میں 2 ہلکی نوعیت کے دھماکے

February 7th, 2011 · No Comments · بریکنگ نیوز, شہر شہر کی خبریں, پاکستان

دھماکے شاہ لطیف اور عید گاہ تھانے کے قریب ہوئے،3افراد زخمی
کراچی‘ شاہ لطیف اور عید گاہ تھانوں میں دھماکے، شاہ لطیف تھانے کے ملحقہ کمرے کی دیوار گر گئی جبکہ عید گاہ تھانے کے قریب واقع عمارتوں کے شیشے ٹوٹ گئے۔ تفصیلات کے مطابق ( آج) پیر کی صبح یکے بعد دیگرے شہر کے دو تھانوں شاہ لطیف اور عید گاہ میں دھماکے ہوئے جن میں تین افراد زخمی ہو گئے جبکہ کسی جانی نقصان کی اطلاع نہیں ملی، ملیر کے علاقے، شاہ لطیف تھانے میں ہونے والا دھماکہ عمارت کی پچھلی طرف کچرے کے ڈھیر میں ہوا جہاں لاوارث موٹر سائیکل کھڑی کی جاتی ہیں جس سے تھانے کے ایک کمرے کو نقصان پہنچا ہے جبکہ لی مارکیٹ میں عید گاہ تھانے میں ہونے والے دھماکے سے تھانے کی دیوار گر گئی اور قریبی عمارتوں کے شیشے ٹوٹ گئے۔ دھماکوں میں تین افراد زخمی ہوئے ہیں تاہم کسی جانی نقصان کی اطلاع نہیں ملی۔ دھماکوں کی آوازیں دور تک سنی گئیں۔ دھماکوں کے بعد پولیس کو ہائی الرٹ کر دیا گیا۔ دھماکے اس وقت ہوئے ہیں جب اہلکار اپنی ڈیوٹیوں پر تھے، دھماکے کس نوعیت کے تھے ابھی تک معلوم نہیں ہو سکا ، تحقیقات جاری ہیں۔

Tags:

ہنگو میں پولیس کی گاڑی پر راکٹ حملہ،فائرنگ ،2 اہلکار شہید،6 زخمی

February 7th, 2011 · No Comments · بریکنگ نیوز, پاکستان

پشاور میں سرچ آپریشن ، پولیس نے سو سے زائد افراد گرفتار کرکے اسلحہ برآمد کرلیا
ہنگو/پشاور(ثناء نیوز)ہنگو میں پولیس کی گاڑی پر نامعلوم افراد کے راکٹ حملے اور فائرنگ کے نتیجے میں2 اہلکار شہید اور6 زخمی ہوگئے۔ادھر پشاور میں سرچ آپریشن کے دوران پولیس نے سو سے زائد افراد گرفتار کرکے اسلحہ برآمد کرلیا ہے۔ سیکیورٹی زرائع کے مطابق ہنگو کے علاقے بلیا مینہ میں پولیس معمول کی گشت پر تھی کہ نامعلوم افراد نے گاڑی پر راکٹ فائرکرنے کے بعد فائرنگ کی۔حملے میں2 اہلکار شہید اور 6 زخمی ہوگئے۔ زخمی ہونے والے اہلکاروں کو اسپتال منتقل کردیا گیا ہے۔دوسری جانب پشاور میں سرچ آپریشن کے دوران پولیس نے سو سے زائد افراد گرفتار کرکے اسلحہ برآمد کرلیا ہے۔ ملزمان سے تفتیش جاری ہے ۔

Tags: