Urdu News

Urdu News…The 3rd Largest Online Urdu Newspaper

Urdu News header image 4

Entries Tagged as 'کاروبار'

وفاقی کابینہ نے پانچ سال پرانی گاڑیوں کی درآمد کی اجازت دے دی ہے

January 26th, 2011 · No Comments · پاکستان, کاروبار

اسلام آباد ‘ وفاقی کابینہ نے پانچ سال پرانی گاڑیوں کی درآمد کی اجازت دے دی ہے۔ کابینہ نے 5فروری یوم یکجہتی کشمیر بھر پور طریقے سے منانے کا فیصلہ بھی کیا ہے۔ اس ضمن میں پوری قوم سے کشمیریوں کی منصفانہ جدوجہد کے ساتھ بھر پور یکجہتی کے اظہار کی اپیل کی گئی ہے ۔کابینہ نے معاشی چیلنجز سے نمٹنے کے لیے سیاسی جماعتی سے مشاورت سے نمٹنے کے لیے سیاسی جماعتوں سے مشاورت کے ذریعے روڈ میپ وضع کرنے اور پٹرولیم مصنوعات کی قیمتوں کے تعین کے لیے پارلیمانی کمیٹی کے قیام پر اطمینان کا اظہار کیا ہے۔ارکان کو یہ بھی آگاہ کیا گیا کہ کابینہ میں ردوبدل کے بارے میں صدر وزیر اعظم کے درمیان مشاورت مکمل ہو گئی ہے۔اعلیٰ سطح پراتحادی جماعتوں کے ساتھ بات چیت کے بعد کابینہ میں ردوبدل کا اعلان کر دیا جائے گا۔کابینہ کا اجلاس بدھ کو وزیر اعظم سید یوسف رضا گیلانی کی صدارت میں اسلام آباد میں ہوا۔وفاقی کابینہ نے صوبائی دارالحکومتوں لاہور کراچی میں گزشتہ روز ہونے والے بم دھماکوں کی سخت الفاظ میں مذمت کرتے ہوئے ملک سے دہشت گردی و انتہاء پسندی کے خاتمے کے لیے تمام ممکنہ وسائل بروئے کار لانے کے عزم کا اعادہ کیا۔اجلاس کے دوران بم دھماکوں میں جاںبحق افراد کے لیے فاتحہ خوانی کی گئی۔اجلاس میں کہا گیا کہ دہشت گردی کے ان واقعات کو روکنے کے لیے فورسز کے جوانوں میں جرات و بہادری کا مظاہرہ کیا اس پر پوری قوم کو فخر ہے۔ کابینہ میں کہا گیا کہ فورسز کے جوان عوام کی حفاظت کے لیے اپنی جانوں کا نذرانہ پیش کر رہے ہیں ان قربانیوں پر قوم کو فخر ہے ۔کابینہ کے اجلاس میں وزیر داخلہ رحمن ملک کے سسر کے انتقال پر مرحوم کے لیے فاتحہ خوانی کی گئی ۔وزیر اعظم اقلیتی امور شہباز بھٹی کے والد کے انتقال پر ان کے لیے ایک منٹ کی خاموشی اختیار کی گئی۔ اجلاس کے دوران وزارت قانون و انصاف انفارمیشن ٹیکنالوجی، انسداد منشیات، پٹرولیم و قدرتی وسائل وزارت سمندر پار پاکستانیز سے متعلق کابینہ کے فیصلوں پر عملدرآمد کا جائزہ لیا گیا کابینہ نے وزارت اوورسیز کا وزیر نہ ہونے کے باعث وزارت سے متعلق فیصلوں پر عملدرآمد کے لیے وزیر داخلہ رحمن ملک کو متعلقہ کمیٹی کا سر براہ نامزد کیا گیا ہے ۔کابینہ کو بتایا گیا کہ متذکرہ وزارتوں سے متعلق 95 فیصلوں پر عملدرآمد کو یقینی بنایا گیا ہے۔کابینہ نے اقتصادی رابطہ کمیٹی کے حالیہ اجلاس کے فیصلوں کی توثیق کر دی ہے۔کابینہ نے پانچ سال پرانی گاڑیوں کی درآمد کی اجازت دے دی ہے۔ اس بارے میں وزارت تجارت نے تجاویز مرتب کی تھیں۔اجلاس کے دوران وزیر خزانہ ڈاکٹر عبد الحفیظ شیخ نے کابینہ کے ارکان کو معاشی چیلنجز کے حوالے سے سیاسی جماعتوں کے ساتھ جاری بات چیت اور پیشرفت سے آگاہ کیا۔اجلاس کے بعد کابینہ کے فیصلوں سے متعلق پی آئی ڈی میڈیا سنٹر میں میڈیا کو بریفنگ دیتے ہوئے وزیر اطلاعات و نشریات قمر زمان کائرہ نے کہا کہ سیاسی قانونی آئینی ایشوز پر قومی قیادت کے ساتھ مشاورت کی طرح معاشی مفاہمت کے لیے بات چیت کا آغاز کیا گیا ہے۔معاشی ایشوز کے حوالے سے سیاسی جماعتوں کی مشاورت کے بعد اتفاق رائے سے معاشی پالیسی کا اعلان کیا جائیگا۔کابینہ کو پٹرولیم مصنوعات کی قیمتوں سے تعین سے متعلق پارلیمانی کمیٹی کے پہلے اجلاس کی کارروائی سے بھی آگاہ کیا گیا قمر زمان کائرہ نے کہا کہ آئندہ اسی پارلیمانی کمیٹی کی سفارشات کی روشنی میں پٹرولیم مصنوعات کی قیمتوں کو ریگولیٹ کیا جا سکے گا۔ کابینہ کے اجلاس کے دوران وزیر اعظم نے وزیر خزانہ کو ہدایت کی کہ صوبوں کو منتقل ہونے والی وزارتوں کے بعض محکموں کے ملازمین کی تنخواہیں کی ادائیگی کے فیصلے کو فوری طور پر حل کیا جائے۔کابینہ نے انڈونیشیاء کے ساتھ دفاع سے متعلق معاہدے کے بارے میں بات چیت کی اجازت دے دی ہے۔اسی طرح کوریا کے ساتھ ماحولیات کے تحفظ سے متعلق اہم رویہ ہے کہ رکن کے ساتھ قیدیوں کے تیاریوں ، سینیگال کے ساتھ دوہرے ٹیکسوں کے خاتمے سے متعلق معاہدوں کی بھی منظوری دے دی ہے۔کابینہ نے اقوام متحدہ کے بچوں کے حقوق اور معذور افراد سے متعلق دو پروٹوکول پر عملدرآمد سے متعلق وزارت سماجی بہبود کی سمری کی منظوری دے دی ہے۔کابینہ نے 5فروری یوم یکجہتی کشمیر کو بھر پور طریقے سے منانے کا فیصلہ کیا قمر زمان کائرہ نے کہا کہ کابینہ ے تمام محکموں صوبائی حکومتوں کو ہدایت کی ہے کہ کشمیر کے حریت پسندوں کے جذبہ آزادی اور تحریک کے ساتھ بھر پور یکجہتی کا اظہار کریں۔قوم سے بھی کشمیریوں کی منصفانہ جدوجہد کے ساتھ بھر پور یکجہتی کے اظہار کے لیے پانچ فروری کو پورے جوش و خروش سے منانے کی اپیل کی گئی ہے ۔ایک سوال کے جواب میں قمر زمان کائرہ نے کہا کہ 18 ویں ترمیم ے تحت وزارتوں کی منتقلی کا عمل جاری ہے حکومت ترمیم پرمکمل درآمد کا عزم رکھتی ہے۔انہوں نے کہا کہ نئی بھرتیوں پر پابندی کا کوئی فیصلہ نہیں کیا گیا۔بیوروکریسی میں کمی کا بھی جائزہ لیا جا سکتا ہے۔انہوں نے کہا کہ پنجاب میں بیوروکریسی میں کمی نہیں بلکہ بعض محکمے دوسرے محکموں میں ضم ہوتے ہیں۔انہوں نے کہا کہ سرکاری کارپوریشنوں کی نجکاری کا فیصلہ نہیں کیا گیا۔ان اداروں کی بحالی و تنظیم کو کے لیے اقدامات کی منظوری ضروری دی گئی ہے۔ایک سوال کے جواب میں وزیر اطلاعات نے کہا کہ پیپلز پارٹی کی حکومت کسی کے غلبے میںآنے والی نہیں ہے اگر کسی فیصلے پر نظر ثانی کی جاتی ہے تو یہ گھٹنے ٹیکنے،جھکنے کے مترادف نہیں ہو گا بلکہ جمہوری اقدار کا فروغ ہے۔انہوں نے کہا کہ پہلے تین سال پرانی گاڑیاں درآمد کرنے کا فیصلہ کیا گیا تھا میڈیا میں اس حوالے سے تنقید کی گئی تھی جس پر وزیر اعظم نے فیصلے پر عملدرآمد روک دیا تھا۔کابینہ نے فیصلے پر نظر ثانی کرتے ہوئے پانچ سالہ پرانی گاڑیوں کی درآمد کی اجازت دی ہے۔

Tags:

پرانی گاڑیوں کی درآمد ‘ درآمدکنندگان کے 22 ارب روپے پھنس گئے

January 22nd, 2011 · No Comments · کاروبار

اسلام آباد ‘ حکومت کی جانب سے ری کنڈیشنڈ گاڑیوں کی درآمد کی اجازت واپس لینے کے فیصلے کے باعث ملک میں سستی گاڑیاں آنے کا خواب جہاں چکنا چور ہوا ہے تو دوسری طرف پاکستانی درآمدکنندگان کے تقریبا22ارب روپے حکومت کی غیر مربوط پالیسی کے باعث پھنس گئے ہیں۔ایک ٹی وی رپورٹ کے مطابق گزشتہ ماہ دسمبر کے پہلے ہفتے کے دوران استعمال شدہ کاروں کو درآمدکی اجازت کے اعلان کے ساتھ ہی جہاں عوام میں خوشی کی لہر دوڑی تھی ، وہیں خراب معاشی ماحول میں تاجروں نے کاروبار کی بہتری کے خواب دیکھنا شروع کردیئے تھے۔ حکومتی اعلان کے فوری بعد تاجروں نے بیرون ملک سے پرانی گاڑیاںدرآمد کرنے کی تیاریاں شروع کردیں۔ سرگرمی دیکھی گئی لیکن پھر 30 دسمبر کو حکومت نے یہ نوٹی فکیشن واپس لے لیا۔ حکومت کے فیصلے کا شکار وہ درآمدکنندگان ہوگئے جنہوں نے حکومت پر اعتماد کرتے ہوئے بیرون ملک کاروں کے آرڈر دے ڈالے،جس سے ان کے اربوں روپے پھنس گئے ہیں۔ استعمال شدہ گاڑیوں کی درآمد کی اجازت کا نوٹیفیکیشن واپس ہونے سے مقامی مینوفیکچررز اور اسمبلرز نے سکون کا سانس لیا تھا۔ استعمال شدہ گاڑیوں کی درآمد کی اجازت پر عوام نے خوشی کا اظہارکیا تھا جواب فیصلہ واپس ہونے پر مایوس نظر آتے ہیں۔ ری کنڈیشن گاڑیوں کا نوٹی فکیشن جاری کرکے فوری طورپر واپس لینے سے جہاں تاجروں کو پریشانی ہوئی ہے وہیں عوام بھی مایوس ہوئے ہیں۔

Tags:

سونا اور چاندی کی قیمت میں مزید کمی

January 22nd, 2011 · No Comments · کاروبار

کراچی ‘ سونا اور چاندی کی قیمت میں مزید کمی عالمی اور مقامی مارکیٹ میں سو نا مزید سستا ہو گیا۔ پاکستان میں ایک تولہ سونے کی قیمت میں چھ سو پچاس روپے تک کی کمی ہو گئی۔ سندھ صرافہ ایسوسی ایشن کے مطابق کراچی میں سونے کی فی تولہ قیمت 500 کی کمی سے چوالیس ہزار ایک سو پچاس روپے جبکہ لاہور اور دوسرے شہروں میں 650 روپے کی کمی سے چوالیس ہزار روپے رہ گئی۔ دس گرام کی قیمت کراچی مارکیٹ میں سینتیس ہزار آٹھ سو بیالیس اور دوسرے شہروں میں سینتیس ہزار سات سو چودہ روپے ہو گئی۔ چاندی کی قیمت تیس روپے فی تولہ کی کمی سے915 روپے رہ گئی۔

Tags:

حکومتی قرضے 10745ارب روپے تک پہنچ گئے

January 17th, 2011 · No Comments · پاکستان, کاروبار

کراچی ‘ پاکستان کے حکومتی قرضوں میں تیزی سے اضافہ ہورہا ہے اور یہ10745 ارب روپے کی سطح پر پہنچ گئے ہیں، اسٹیٹ بینک کے ذرائع نے بتایا کہ30 ستمبر کو ختم ہونیوالی سہ ماہی کو حکومت کے مقامی اور بیرونی ذرائع سے حاصل ہونیوالے قرضوں کا حجم10 ہزار7 سو45 ارب روپے کی سطح پر پہنچ گیا ہے، جولائی سے ستمبر کے دوران549 ارب روپے کا نیا قرض لیا ہے۔ماہرین کا کہنا ہے کہ حکومت کے تیزی سے بڑھتے ہوئے اخراجات کے مقابلے میں محصولات میں اضافہ نہیں ہورہا ہے جس کی وجہ سے حکومت کو زیادہ قرض لینا پڑ رہا ہے۔

Tags:

کراچی اسٹاک ایکس چینج میں شدید تیزی سے39 ارب روپے کا اضافہ

January 17th, 2011 · No Comments · کاروبار

کراچی‘ کراچی اسٹاک ایکس چینج میں نئے ہفتے کی شروعات مثبت رہی اورپیر کو بھی کاروبار حصص میںتیزی کا سلسلہ برقراررہا، کے ایس ای100انڈیکس کی تقریباً32ماہ کے طویل وقفے کے بعد 10600کی نفسیاتی حد بحال ہوگئی ۔مارکیٹ سرمایہ میں39 ارب11کروڑ روپے سے زائد کااضافہ ، کاروباری حجم گزشتہ روز کی نسبت5.42 فیصدزائد جبکہ55 فیصد حصص کی قیمتوں میںاضافہ ریکارڈ کیا گیا ۔ وفاقی وزارت قانون وانصاف کی جانب سے لیوریج پروڈکٹ کے مسودے کی توثیق کے بعد رواں ہفتے سے مارکیٹ میں نافذ ہونے کی اطلاعات، حکومتی مالیاتی اداروں، مقامی بروکریج ہاؤسز، انفرادی نوعیت، غیر ملکی سرمایہ کاروں سمیت دیگر انسٹی ٹیوشنز کی جانب سے مخصوص حصص کی قیمتوں میں خریداری کے سبب کاروبار کا آغاز مثبت زون میں ہوا۔ ٹریڈنگ کے دوران ایک موقع پر کے ایس ای 100انڈیکس 12695پوائنٹس کی سطح پر بھی دیکھا گیا۔شہر میں امن وآمان کی ناگفتہ بہ صورتحال کے باعث مقامی سرمایہ کاروں کی جانب سے فروخت کا دباؤ بھی نطر آیا تاہم تیزی کا تسلسل ساری دن جاری رہا ۔ مارکیٹ کے اختتام پر کے ایس ای 100 انڈیکس148.40پوائنٹس اضافے سے12681.94پوائنٹس پر بند ہوا،کے ایس سی 30 انڈیکس146.47پوائنٹس اضافے سے12476.12پوائنٹس، کے ایم آئی 30 انڈیکس324.69 پوائنٹس اضافے سے20741.55 پوائنٹس جبکہ کے ایس ای آل شیئرز انڈیکس100.36پوائنٹس اضافے سے8794.69 پوائنٹس پر بند ہوا۔420کمپنیوں کے حصص کا کاروبار ہوا جن میں سے231کمپنیوں کے حصص کے بھاؤ میںاضافہ،170کمپنیوں کے حصص کے بھاؤ میں کمی جبکہ19 کمپنیوں کے حصص کے بھاؤ میں استحکام رہا۔مارکیٹ کا مجموعی سرمایہ39 ارب11کروڑ42لاکھ65ہزار 544 روپے بڑھ کر 34 کھرب 30ارب38کروڑ36 لاکھ82ہزار513روپے ہوگیا۔ مجموعی طور پر کاروباری حجم31کروڑ68لاکھ9ہزار 741 شیئرز رہا جوجمعہ کے مقابلے میں1کروڑ63لاکھ 9ہزار479 شیئرززائد ہے۔ قیمتوں کے اتار چڑھاؤ کے حساب سے نیسلے پاکستان کے حصص سرفہرست رہے جس کے حصص کی قیمت129.96 روپے اضافے سے2729.28 روپے اوریونی لیور پاکستان کے حصص کی قیمت91.71روپے اضافے سے4491.93 روپے پر بند ہوئی۔ نمایاںوائتھ پاک لمیٹڈ کے حصص میں ریکارڈ کی گئی جس کے حصص کی قیمت41.07 روپے کمی سے10013.93 روپے جبکہ انڈس ڈائنگ کے حصص کی قیمت10.37 روپے کمی سے197.08روپے پر بند ہوئی۔ پیر کواذ گارڈ نائن کی سرگرمیاں 3کروڑ48 لاکھ19ہزار130شیئرز کے ساتھ سرفہرست رہی جس کے شیئرز کی قیمت99پیسے اضافے سے11.65 اورفوجی فرٹیلائزربن قاسم کی سرگرمیاں 2 کروڑ45 لاکھ30ہزار760 شیئرز کے ساتھ دوسرے نمبر پر رہی جس کے شیئرز کی قیمت1.12 روپے اضافے سے42.15 روپے پر بند ہوئی۔

Tags:

یوٹیلٹی سٹورزکارپوریشن کا رمضان المبارک پیکج کے تحت 400 اشیاء کی قیمتوں میں 10فیصد تک کمی کافیصلہ

July 26th, 2010 · No Comments · کاروبار

اسلام آباد ۔ 26 جولائی(اے پی پی ، نیوز اردو ڈاٹ نیٹ)یوٹیلٹی سٹورزکارپوریشن نے رمضان المبارک پیکج کے تحت 400 اشیاء کی قیمتوں میں 10فیصد تک کمی کافیصلہ کر لیاہے۔ پیرکو کارپوریشن کے ذرائع نے بتایا کہ رمضان پیکج کے تحت آٹے کی قیمت میں 10 روپے اور گھی وتیل کی قیمت میں 20 روپے فی کلوگرام کے حساب سے کمی کی جائے گی۔ دال چنا، سفید چنا، چاول، بیسن ، کھجور، مشروبات کی موجودہ قیمتوں میں بھی مزید 10 فیصد کمی کے ساتھ ساتھ چائے کی قیمت میں 5 فیصد تک کمی کی جائے گی البتہ چینی کی قیمت بدستور45 روپے فی کلوہی رکھی جارہی ہے۔ ذرائع نے بتایا کہ وفاقی کابینہ نے 2 ارب 27 کروڑ روپے کے رمضان پیکج کی منظوری دی ہے جس میں سے رواں سال کے بجٹ میں رمضان پیکج کیلئے 70 کروڑ روپے مختص کئے گئے ہیں۔

Tags:

زرعی ماہرین نے حالیہ مون سون بارشوں کو فصلوں کیلئے فائدہ مند قرار دیدیا

July 26th, 2010 · No Comments · کاروبار

اسلام آباد ۔ 26 جولائی(اے پی پی ، نیوز اردو ڈاٹ نیٹ) زرعی ماہرین نے حالیہ مون سون بارشوں کو ملک میں پیدا ہونے والی مختلف فصلوں کیلئے فائدہ مند قرار دیتے ہوئے کہا کہ ان بارشوں کے باعث کپاس، چاول اور گنے کے پیداواری ہدف کو حاصل کرنے میں کامیابی ہو گی۔ پیر کو زرعی ماہرین نے ایک انٹرویو میں کہا کہ جن علاقوں میں مون سون بارشیں معتدل رہیں گی وہاں پر ان بارشوں کا بہت زیادہ مثبت اثر مرتب ہو گا لیکن جہاں پر موسلا دھار بارشوں کی وجہ سے کھیتوں میں پانی کھڑا ہونے کا امکان ہے وہاں پر منفی اثرات بھی مرتب ہو سکتے ہیں۔ زرعی ماہرین نے کہا کہ ملک میں عموماً 20 جولائی تک دھان کی پنیری کاشت کر لی جاتی ہے جن علاقوں میں یہ عمل مکمل ہو چکا ہے وہاں پر ان بارشوں کا بہت زیادہ مثبت اثر مرتب ہونے کا امکان ہے۔ اسی طرح گنے کی فصل پر بھی بارشوں کی وجہ سے مثبت اثر ہو گا کیونکہ گنے کو بھی اس وقت پانی کی زیادہ ضرورت ہے البتہ کپاس کے علاقوں میں زیادہ بارشوں سے فصل کو نقصان پہنچنے کا امکان موجود ہے۔ زرعی ماہرین نے مزید کہا کہ کاشت کاروں کو چاہئے کہ وہ کھیتوں میں پانی کھڑا ہونے کے عمل کا بروقت تدارک کر لیں تو بارشوں کے نقصانات سے محفوظ رہا جا سکتا ہے۔

Tags:

عالمی منڈی میں خام تیل کی قیمتیں ایک دفعہ پھر 79 ڈالر فی بیرل سے تجاوز کر گئیں

July 26th, 2010 · No Comments · کاروبار

سنگاپور ۔ 26 جولائی(اے پی پی ، نیوز اردو ڈاٹ نیٹ) عالمی منڈی میں خام تیل کی قیمتیں ایک دفعہ پھر 79 ڈالر فی بیرل سے تجاوز کر گئیں۔ پیر کو لائٹ سویٹ خام تیل کے اگست کے سودے 13 سینٹ اضافے کے ساتھ 79.11 ڈالر فی بیرل میں طے ہوئے۔ برینٹ نارتھ خام تیل کے اگست کے سودے 22 سینٹ اضافے کی وجہ سے 77.67 ڈالر فی بیرل میں طے پائے۔ ماہرین کے نزدیک بڑی اقتصادی طاقتوں میں خام تیل کی طلب میں اضافے کی وجہ سے قیمتوں میں بھی اضافے کا رجحان دیکھا گیا ہے۔ عالمی ادارہ برائے توانائی کی رپورٹ کے مطابق عالمی معیشت میں کسادبازاری سے بحالی کا عمل شروع ہو گیا ہے جس سے تیل کی یومیہ طلب میں مزید اضافے کے امکانات ہیں۔

Tags:

امریکہ میں مزید 7 بینک بند کر دیئے گئے

July 24th, 2010 · No Comments · پاکستان, کاروبار

واشنگٹن ۔ 24 جولائی(اے پی پی ، نیوز اردو ڈاٹ نیٹ)امریکہ میں مزید 7 بینک بند کر دیئے گئے جس کے بعد اقتصادی بحران کے نتیجہ میں رواں سال کے دوران بند ہونے والے بینکوں کی تعداد 103 ہو گئی۔ امریکہ کی فیڈرل ڈیپازٹ انشورنس کمپنی کی طرف سے جاری کردہ رپورٹ کے مطابق امریکہ میں حالیہ اقتصادی بحران کے باعث 2009ء سے اب تک بند ہونے والے بینکوں کی تعداد بڑھ کر 40 ہو گئی ہے۔ رپورٹ کے مطابق رواں سال کے دوران بینکوں کے زوال کے عمل میں گذشتہ سال کی نسبت تیزی آئی ہے۔

Tags:

۔7500 روپے مالیت کے قومی انعامی بانڈز کی قرعہ اندازی 2اگست کو فیصل آباد میں ہو گی

July 24th, 2010 · No Comments · کاروبار

فیصل آباد ۔24جولائی (اے پی پی ، نیوز اردو ڈاٹ نیٹ ) سنٹرل ڈائریکٹوریٹ آف نیشنل سیونگز حکومت پاکستان کے زیر اہتمام 7500روپے مالیت کے قومی انعامی بانڈز کی قرعہ اندازی 2اگست بروز پیر کو صبح 11بجے فیصل آباد میں منعقد ہو گی جو کہ رواں سال کی 15ویں اور مجموعی طور پر 43ویں قرعہ اندازی ہے۔مرکز قومی بچت ریجنل آفس کے ترجما ن نے اے پی پی فیصل آباد کو بتایا کہ اس قرعہ اندازی کا پہلا انعام 1کروڑ 50لاکھ روپے کا ایک ، دوسرا انعام 50لاکھ روپے کے تین اور تیسرا انعام 93ہزار روپے مالیت کے 1696انعامات ہو ں گے۔انہوںنے بتا یا کہ اس ضمن میں سٹیٹ بینک آف پاکستان فیصل آباد و سنٹرل ڈائریکٹوریٹ آف نیشنل سیونگز فیصل آباد ریجن کے زیر اہتمام خصوصی تقریب سٹیٹ بینک کے آڈیٹوریم میں منعقد ہو گی جس کے مہمان خصوصی جی سی یونیورسٹی فیصل آباد کے وائس چانسلر پروفیسر ڈاکٹر شاہد محبوب رانا ہوں گے جبکہ تقریب میں مختلف مکاتب فکر کی اہم شخصیات بھی شرکت کریں گی۔

Tags: ·

雪茄| 雪茄烟网购/雪茄网购| 雪茄专卖店| 古巴雪茄专卖网| 古巴雪茄价格| 雪茄价格| 雪茄怎么抽| 雪茄哪里买| 雪茄海淘| 古巴雪茄品牌| 推荐一个卖雪茄的网站| 非古雪茄| 陈年雪茄| 限量版雪茄| 高希霸| 帕特加斯d4| 保利华雪茄| 大卫杜夫雪茄| 蒙特雪茄| 好友雪茄

古巴雪茄品牌| 非古雪茄品牌

Addmotor electric bike shop

Beauties' Secret化妝及護膚品

DecorCollection歐洲傢俬| 傢俬/家俬/家私| 意大利傢俬/實木傢俬| 梳化| 意大利梳化/歐洲梳化| 餐桌/餐枱/餐檯| 餐椅| 電視櫃| 衣櫃| 床架| 茶几

Wycombe Abbey| 香港威雅學校| private school hong kong| English primary school Hong Kong| primary education| top schools in Hong Kong| best international schools hong kong| best primary schools in hong kong| school day| boarding school Hong Kong| 香港威雅國際學校| Wycombe Abbey School

邮件营销| 電郵推廣| edm营销| 邮件群发软件| 营销软件|