Urdu News

Urdu News…The 3rd Largest Online Urdu Newspaper

Urdu News header image 4

Entries Tagged as 'صحت'

نمونیا ، بچوں کی اموات کا سب سے بڑا سبب ہے

February 2nd, 2011 · No Comments · صحت, ہندوستان

بھارت میں ہر سال 43 ملین بچے مرض کا شکار ہوتے ہیں ، عالمی ادارہ صحت کی رپورٹ
اقوام متحدہ ‘ عالمی ادارہ صحت ( ڈبلیو ایچ او ) کے اعداد و شمار سے پتہ چلا ہے کہ دنیا میں ہلاک ہونے والے 5 سال سے کم عمر کے بچوں کی کل تعداد کا 19 فیصد نمونیے کا شکار ہو کر لقمہ اجل بنتا ہے ۔ ڈبلیو ایچ او نے یہ انکشاف بھی کیا ہے کہ نمونیا کا شکار ہو کر ہلاک ہونے والے بچوں کی تعداد میزلز یا خسرے ، ملیریا اور ایڈز جیسی تین مہلک بیماریوں کے سبب ہونے والی بچوں کی اموات کی مجموعی تعداد سے بھی زیادہ ہے ۔ اس سلسلہ میں ترقی پذیر یا تیسری دنیا کے ممالک میں ہر سال نمونیا کے 156 ملین نئے کیسز رپورٹ ہوتے ہیں ۔ ان میں سے 8.7 فیصد کیسز نہایت سنگین نوعیت کے ہوتے ہیں ۔ یعنی ان میں جان کا خطرہ لاحق ہوتا ہے اور انہیں ہسپتال میں داخل کرانا ناگزیر ہو جاتا ہے ۔ ہر سال بچوں میں نمونیے کے نئے کیسز میں مبتلا ہونے والے 5 سال سے کم عمر بچوں کی سب سے بڑی تعداد بھارت میں ہے ۔ ڈبلیو ایچ او کی بھارتی شاخ کے اعداد و شمار کے مطابق ہر سال بھارت میں 43 ملین ایسے نئے کیسز سامنے آتے ہیں ۔ چین اس سلسلہ میں دوسرے نمبر پر ہے جہاں ہر سال 21 ملین جبکہ پاکستان میں 10 ملین بچے ملیریا کی لپیٹ میں آتے ہیں ۔ محض بھارت میں ہر سال 4 لاکھ 10 ہزار بچوں کی جانیں نمونیا کے سبب ضائع ہو جاتی ہے ۔ طبی ماہرین کے متعدد تحقیقی جائزوں کے مطابق افسوسناک امر یہ ہے کہ نمونیا سے بچوں کی اموات پر قابو پایا جاتا ہے اور اس کے بہت سے طریقے ہیں مثلا نمونیا سے بچاؤ کے لیے بچوں کو ایسے ٹیکے لگائے جا سکتے ہیں جن سے ان کے اندر اس موذی بیماری کے خلاف قوت مدافعت پیدا ہو جائے ۔ اس کے علاوہ اگر بچے کے اندر نمونیا کے مرض کی تشخیص وقت پر ہو جائے تو بچے کو ممکنہ علاج کے ذریعے بچایا جا سکتا ہے ۔ طبی ماہرین کا یہ بھی کہنا ہے کہ شیر خوار بچوں کی مائیں اگرچہ 6 ماہ تک اضافی طور پر اپنا دودھ پلائیں تو بھی بچے پر نمونیا کے حملے کے امکانات بہت کم ہو سکتے ہیں اور گھروں کے اندر ہوا میں آلودگی کم ہونے سے بھی بچوں کو نمونیے سے محفوظ رکھا جا سکتا ہے ۔ اس سلسلہ میں طبی ماہر ین نے ایک نہایت اہم نکتہ اٹھا یا ہے اور وہ یہ کہ دنیا بھر میں اینٹی بائیوٹیکس کا استعمال عام ہونے کے سبب مریضوں کے اندر جن میں بچے بھی شامل ہیں ۔ ان اینٹی بائیکوٹکس کے خلاف مدافعت پید ا ہوتی جا رہی ہے اس کے نتیجے میں یہ بہت سی بیماریوں کے لیے کئے جانے والا علاج غیر موثر ثابت ہورہا ہے ۔ اس تناظر میں محققین اس امر پر غیر معمولی زور دے رہے ہیں کہ نمونیے سے بچاؤ کے لیے بچوں کے اندر اس موذی بیماری کے خلاف قوت مدافعت پیدا کی جانی چاہیے ۔ اس کے لیے پی وی سی ٹیکے ایجاد ہو چکے ہیں ۔ تاہم تیسری دنیا کے ممالک کا سب سے بڑا مسئلہ یہ ہے کہ وہاں اب تک عوام کو صحت کی بنیادی سہولیات میسر نہیں ہیں اور مہلک بیماریوں سے بچاؤ کے لیے دستیاب ادویات اور ٹیکے وغیرہ اتنے گراں ہیں کہ بہت کم لوگ اس سے استفادہ کر سکتے ہیں ۔ ورلڈ ہیلتھ آرگنائزیشن کا کہنا ہے کہ 2015 میں دنیا بھر میں بچوں کی اموات میں دو تہائی کمی کا ہزاریہ ہدف تبھی پورا ہو سکے گا جب زیادہ تر بچوں کو پی وی سی ٹیکے دئیے جائیں

Tags:

بچوں کو بازاری کھانوں سے بچایا جائے ، عالمی ادارہ صحت

February 1st, 2011 · No Comments · صحت

نیویارک ‘ عالمی ادارہ صحت نے چھوٹے بچوں کو بازاری غیر صحت بخش کھانے پینے کی اشیاء کے استعمال سے بچانے کی ضرورت پر زور دیا ہے کیونکہ غیر صحت بخش خوراک والی اشیاء بچوں میں غیر متعدی امراض کا باعث ہیں ۔ عالمی ادارہ صحت کے شعبہ غیر متعدی امراض کے اسسٹنٹ ڈائریکٹر جنرل ایلاالوان نے کہا ہے کہ بازاری اشیاء میں چینی ، نمک اور چکنائی زیادہ مقدار میں استعمال ہوتی ہے جوکہ بچے ٹیلی ویژن پر اشتہارات اور کھانے پینے کی اشیاء کی مارکٹنگ سے متاثر ہو کر استعمال کرتے ہیں جن سے بچوں کو بعدازاں دل کے امراض ، ذیابطیس ، کینسر اور کئی دیگر امراض لاحق ہو جاتے ہیں ۔ عالمی ادارہ صحت کے ماہرین نے بچوں کو غیر متعدی امراض سے محفوظ رکھنے کے لئے صحت بخش غذاؤں کا استعمال کروانے کی ضرورت پر زور دیا ہے ۔

Tags:

ماہرین نے اینٹی بائیوٹک ادویات کا بے جا استعمال نقصان دہ قرار دے دیا

January 27th, 2011 · No Comments · صحت

کراچی ‘ اینٹی بائیوٹک ادویات کے غیر ضروری استعمال اور انفیکشن والی بیماریوں کی بہتر اور صحیح تشخیص کے طریقوں کے متعلق آگاہی بڑھانے کے لئے انڈس اسپتال کراچی اور انفیکشنز ڈیزیز سوسائٹی آف پاکستان نے ایک سیمینار کا انعقاد کیا۔ ڈاکٹروں اور صحت کے شعبے سے تعلق رکھنے والے شرکاء سے انڈس اسپتال کے کلینیکل مائیکرو بیالوجسٹ اور ڈائریکٹر لیبارٹری سروسز ڈاکٹر الطاف احمد،ہیڈ آف انفیکشنز ڈیزیز انڈس اسپتال ڈاکٹر نسیم صلاح الدین اور آغاخان اسپتال کی پروفیسر آف مائیکرو بیالوجی ڈاکٹر عافیہ ظفر نے خطاب کیا۔ڈاکٹر الطاف احمد نے بتایا کہ پاکستان میں انفیکشن والی بیماریوں سے بڑے پیمانے پر اموات ہوتی ہیں جہاں مرض کے شواہد کے ذریعے تشخیص کے بجائے صرف اندازوں اور ذاتی سمجھ کی بنیاد پر اینٹی بائیوٹک ادویات مریضوں کو دی جاتی ہیں۔ ڈاکٹر نسیم صلاح الدین نے اس موقع پر بتایا کہ بخار کا مرض انفیکشن کی نشاندہی کرنے والا بنیادی مرض ہے مگر اس کے ذریعے انفیکشن کی تشخیص صحیح انداز میں نہیں کی جاتی جس سے مریض کے لئے مزید پریشانیاں پیدا ہوئی ہیں۔ڈاکٹر نسیم نے ڈاکٹروں پر زور دیا کہ وہ مریض کی کلینیکل ہسٹری اور دوسرے اثرات کا صحیح طریقے سے تجزیہ کریں۔ مریض کی بات اور اس کی تکلیف کا جامع جائزہ لینے کے بعد ہی اسے کوئی دوا یا ٹیسٹ کروانے کا کہا جائے۔ ڈاکٹر عافیہ نے اینٹی بائیوٹک ادویات کے بے جا استعمال کو تنقید کا نشانہ بناتے ہوئے کہا کہ بے جا اینٹی بائیوٹک کے استعمال سے بیکٹیریا جسم میں اس کے خلاف قوت مدافعت پیدا کرلیتے ہیں ۔انہوں نے فیملی فزیشنز پر زور دیا کہ ووہ مریض کا جامع معائنہ کریں اور صرف انتہائی ضرورت کی بنیاد پر اینٹی بائیوٹک ادویات کا استعمال کرائیں

Tags:

اونچی ایڑی والے جوتوں کا استعمال پنڈلی کیلئے نقصان دہ ہے۔ رپورٹ

July 26th, 2010 · No Comments · صحت

لندن ۔ 26 جولائی (اے پی پی ، نیوز اردو ڈاٹ نیٹ) اونچی ایڑی والے جوتے استعمال کرنے والی عورتوں کی پنڈلی کے پٹھوں کو نقصان پہنچتا ہے جس کے بعد وہ فلیٹ جوتے میں بھی چل پھر نہیں سکتیں، اس طرح کے جوتوں سے پٹھوں میں کھچاؤ پیدا ہو جاتا ہے جو کہ درد اور بے آرامی کا باعث بنتا ہے۔ بی بی سی کی رپورٹ کے مطابق سائنسدانوں نے بتایا کہ جو عورتیں دو سال تک ہفتے میں پانچ دن اونچی ایڑی کی جوتیاں استعمال کرتی ہیں 13 فیصد ایسی عورتوں کے پٹھوں میں کھچاؤ پیدا ہو جاتا ہے۔ سائنسدانوں کے مطابق ایسی کیفیت سے بچے کا واحد حل پٹھوں میں لچک پیدا کرنے والی ورزشیں ہیں۔ اونچی ایڑی والے جوتوں کے استعمال سے گھٹنے اور ٹخنے کا درمیانی فاصلہ کم ہو جاتا ہے لیکن اگر اونچی ایڑی والے جوتوں کا مسلسل استعمال کیا جائے تو پٹھے مستقل طور پر کمزور اور سکڑ جاتے ہیں جس کے نتیجہ میں ایسی عورتیں جب فلیٹ جوتوں میں بھی چلنے کی کوشش کرتی ہیں تو ان کے پٹھوں میں کھچاؤ پیدا ہوتا ہے جس سے وہ بے آرامی اور درد محسوس کرتی ہیں۔

Tags: ·

ٹیسٹ ٹیوب نظام تولید میں پرانے بیضے سے بھی استفادہ ممکن ہو چکا ہے

July 26th, 2010 · No Comments · صحت

نیویارک ۔ 26 جولائی(اے پی پی ، نیوز اردو ڈاٹ نیٹ)طب کی دنیا میں اب ٹیسٹ ٹیوب بی بی کی پیدائش کیلئے عورت کے تازہ ’’ ایگ‘‘ کی بجائے لیبارٹری میں محفوظ کئے گئے پرانے بیضہ سے بھی استفادہ ممکن ہو گیا ہے۔ ان وائیٹرو فرٹیلائزیشن ( آئی وی ایف) ٹیکنالوجی میں مزید ترقی کے بعد نظام تولید کی مزید باریکیوں اورمشکلات کو دور کرنے کے بعد اب کسی دوسری عورت کے ایگ کو پہلی عورت کے بطن میں رکھ کر پیدائش کے عمل کو ممکن بنایا جا سکے گا۔ ہیومن ری پروڈکشن‘‘ نامی جریدے میں شائع ہونے والی اس رپورٹ میں مزید بتایا گیا ہے کہ ان تجربات میں کامیابی کی شرح تازہ ایگ کے برابر رہی ہے۔ اس تحقیق کے بعد دنیا بھر میں بے اولاد جوڑوں کے ہاں بچے پیدا ہونے کی امید 85 فیصد تک اضافہ ہو چکا ہے۔ نیویارک یونیورسٹی فرٹیلائزیشن سنٹر کے پروفیسر نیکولس نوباز کے مطابق اب تولید کے میدان میں مزید جدت اور اعتماد کے ساتھ آگے بڑھایا جا سکتا ہے۔

Tags:

عمر میں اضافے کے ساتھ شکر کی مقدار کو باقاعدہ رکھنے کی ہڈیوں کی صلاحیت کم ہوجاتی ہے۔طبی تحقیق

July 26th, 2010 · No Comments · صحت

لندن ۔ 26 جولائی (اے پی پی ، نیوز اردو ڈاٹ نیٹ)نئی طبی تحقیق کے مطابق ہڈیاں ذیابیطس کے مرض میں اہم کردار ادا کرتی ہے ۔ خون میں شکر کی مقدار کو باقاعدہ رکھنے میں ہڈیوں کی صحت ایک اہم فیکٹر ہے۔ جریدے ’’ سیل‘‘ میں شائع ہونے والی اس تحقیق کے مطابق ہڈیاں جوں جوں پرانی ہوتی جاتی ہیں ان میں شکر کی مقدار کو باقاعدہ رکھنے کی صلاحیت کم ہو جاتی ہے کیونکہ ان سے خارج ہونے والے خاص نوعیت کے ہارمونز خون میں شکر کی مقدار کو بڑھا یا کم کر سکتے ہیں۔ اس تحقیق میں ہڈیوں کی بیماریوں اور ذیابیطس کے مریضوں کی ایک بڑی تعداد کے خون کے تجزیے کئے گئے۔ پروفیسر گرسیڈڈ کارلینسٹی کے مطابق طب کی دنیا میں پہلی مرتبہ ہڈیوں کے ایک اہم فیکٹرکو ذیابیطس کی بیماری کو سمجھنے میں مدد ملے گی ۔ اس تحقیق سے ذیابیطس کے علاج کیلئے نیا طریقہ کار اختیار بھی کیا جا سکتا ہے۔

Tags:

جلدی سرطان کے ٹیومر کی روک تھام پر قابو پانا ممکن ہو گیا ہے۔ طبی ماہرین

July 25th, 2010 · No Comments · صحت

لندن ۔ 25 جولائی (اے پی پی ،نیوز اردو ڈاٹ نیٹ) ماہرین طب نے جلد کے سرطان کی وجہ سے بننے والے ٹیومر کی روک تھام کیلئے نئی گولی تیار کر لی ہے جس کے استعمال سے ٹیومر کی نشوونما آدھی رہ جاتی ہے۔ ماہرین کے مطابق آئندہ 3 سال کے دوران یہ گولی مارکیٹ میں متعارف کرا دی جائے گی اور سرطان کی تباہ کاریوں میں سے جلد کا سرطان خارج ہونے کا امکان ہے۔ ایک اندازے کے مطابق صرف برطانیہ میں 2 ہزار لوگ جلد کے سرطان کی وجہ سے ہلاک ہو جاتے ہیں اور ہر سال 10 ہزار نئے کیس سامنے آتے ہیں جبکہ دو دہائیوں میں یہ شرح دو گنا ہوچکی ہے۔ ماہرین نے کہا ہے کہ اس شرح پر قابو پانے کیلئے ’’سن باتھ‘‘ پر پابندی لگائی جانی چاہئے۔ ماہرین نے کہا کہ جلد کا سرطان جلد پر معمولی تل کی وجہ سے لاحق ہو جاتا ہے جونہی اس نوعیت کی تبدیلی جلد پر نظر آئے۔ فوراً علاج معالجے کی جانب توجہ دینی چاہئے۔ نئی دوا کے ذریعے جلد میں پھیلنے والی خطرناک پروٹین کے دائرہ کار کو روکا جاتا ہے۔ معروف کمپنی گلیکسواسمتھ کے تعاون سے اس گولی کو برطانیہ کے طبی ماہرین نے تیار کیا ہے۔

Tags: ·

حاملہ خاتون دن میں ایک کپ کافی پی سکتی ہے۔ نئی طبی تحقیق

July 25th, 2010 · No Comments · صحت

نیویارک ۔ 25 جولائی (اے پی پی ،نیوز اردو ڈاٹ نیٹ) امریکہ کے امریکن کالج آف اوبیسٹریکن اینڈ گائنا کالوجسٹس نے حاملہ خواتین کو دن میں 200 ملی گرام کپ پر مشتمل کافی پینے کی اجازت دیتے ہوئے کہا ہے کہ ان مقدار میں کافی کے مضر اثرات مرتب نہیں ہوئے۔یاد رہے اس سے قبل کافی کے استعمال کو زچہ اور بچہ کیلئے خطرناک قرار دیا گیا تھا۔ اس ضمن میں ایک ہزار سے زیادہ حاملہ خواتین کو روزانہ ایک کپ کافی پلا کر دو ماہ تک چیک کیا گیا جس سے معلوم ہوا کہ اتنی کم مقدار میں کافی پینے سے صورتحال نارمل ہی رہتی ہے۔ اس تحقیقی رپورٹ میں ماہرین نے سختی سے تنبیہ کی ہے کہ اس مقدار سے زیادہ کافی کا استعمال قبل از وقت پیدائش یا بچے کے اعضاء میں ٹیڑھے پن کا باعث بن سکتا ہے۔ اس تحقیق کو ڈاکٹر ولیم بارتھ نے مرتب کیا۔

Tags: ·

شہد بیکٹریا کے خاتمے میں اہم کردار ادا کر سکتا ہے۔

July 24th, 2010 · No Comments · صحت, پاکستان

ایمسٹرڈیم۔ 24 جولائی(اے پی پی ، نیوز اردو ڈاٹ نیٹ)طبی ماہرین نے تحقیق کے بعد یہ ثابت کیا ہے کہ شہد بیکٹریا کے خاتمے میں اہم کردار ادا کر سکتا ہے۔ ایمسٹرڈیم یونیورسٹی کے ماہرین نے تحقیق کے بعد یہ نتیجہ اخذ کیا کہ شہد ناک کی سوزش کا باعث بنے والے بیکٹریا کو ختم کرنے میں انتہائی مؤثر ہے اس بیماری کی وجہ سے سر درد اور سانس لینے میں دشواری ہوتی ہے اور ہر سال لاکھوں افراد اس کا شکار ہوتے ہیں۔

Tags:

سپریم کورٹ کی منچھر جھیل کی آلودگی کے معاملہ پر سندھ کے چیف سیکرٹری اور چیئرمین واپڈا کو اقدامات کی ہدایت

July 23rd, 2010 · No Comments · صحت, پاکستان

اسلام آباد ۔ 23 جولائی (اے پی پی ، نیوز اردو ڈاٹ نیٹ)سپریم کورٹ نے منچھر جھیل کی آلودگی کے معاملہ پر سندھ کے چیف سیکرٹری اور چیئرمین واپڈا کو اقدامات کی ہدایت کی ہے۔ جمعہ کو چیف جسٹس افتخار محمد چوہدری کی سربراہی میں تین رکنی بنچ نے ازخود نوٹس کے تحت مقدمہ کی سماعت کی۔ واپڈا کے پراجیکٹ ڈائریکٹر نے عدالت کو بتایا کہ آلودگی روکنے کیلئے خصوصی منصوبہ شروع کیا گیا جسے 2008ء میں مکمل ہونا تھا تاہم فنڈز کی کمی کی وجہ سے یہ مکمل نہیں ہو سکا۔ چیف جسٹس نے کہا کہ یہ ہزاروں افراد کی زندگیوں کے تحفظ کا معاملہ ہے۔ مچھیرے بھی ہمارے بھائی اور پاکستان کے شہری ہیں۔ اس ضمن میں مستعدی سے مسائل کے حل کیلئے اقدامات کئے جائیں۔ عدالت عظمیٰ کے چیف جسٹس کے نام درخواست میں کہا گیا تھا کہ منچھر جھیل کی آلودگی سے 50 ہزار مچھیروں کا روزگار تباہ ہو رہا ہے۔

Tags:

雪茄| 雪茄烟网购/雪茄网购| 雪茄专卖店| 古巴雪茄专卖网| 古巴雪茄价格| 雪茄价格| 雪茄怎么抽| 雪茄哪里买| 雪茄海淘| 古巴雪茄品牌| 推荐一个卖雪茄的网站| 非古雪茄| 陈年雪茄| 限量版雪茄| 高希霸| 帕特加斯d4| 保利华雪茄| 大卫杜夫雪茄| 蒙特雪茄| 好友雪茄

古巴雪茄品牌| 非古雪茄品牌

Addmotor electric bike shop

Beauties' Secret化妝及護膚品

DecorCollection歐洲傢俬| 傢俬/家俬/家私| 意大利傢俬/實木傢俬| 梳化| 意大利梳化/歐洲梳化| 餐桌/餐枱/餐檯| 餐椅| 電視櫃| 衣櫃| 床架| 茶几

Wycombe Abbey| 香港威雅學校| private school hong kong| English primary school Hong Kong| primary education| top schools in Hong Kong| best international schools hong kong| best primary schools in hong kong| school day| boarding school Hong Kong| 香港威雅國際學校| Wycombe Abbey School

邮件营销| 電郵推廣| edm营销| 邮件群发软件| 营销软件|