Urdu News - Online Urdu News Paper

حطار۔ حلقہ پی ایف 51 ضمنی الیکشن عوام نے سابق صوبائی وزیر اختر نواز خان کے احسانوں کا بدلہ چکا دیا ۔ اے این پی کے حمایت یافتہ و متاثرین قومی اتحاد جرگہ کے نامزد امید وار گوہر نواز خان 34267 کی ریکارڈ برتری سے ایم پی اے منتخب ، مسلم لیگ(ن) کو شکست ، ناظم اعجاز خان آف کاگ نے کاگ پولنگ سیشن جتوا کر مسلم (ن)کا بھرم رکھا لیا تفصیلات کے مطابق سابق صوبائی وزیر اختر نواز خان کے قتل سے حلقہ پی ایف 51 کی خالی ہونے والی نشست پرگرشتہ روز پانچ نومبر کو ہونے والے ضمنی الیکشن میں اے این پی کے حمایت یافتہ امید وار اور سابق صوبائی زیر اختر نواز خان کے سیاسی جانشین و متاثرینقومی اتحاد جرگہ کے نامزد امیدوار، گوہر نواز خان نیغیر حتمی نتائج کے مطابق تیس ہزار سے زئد ووٹوں سے فتح حاصل کر کے اپنے بڑے بھائی سابق صوبائی وزیر اختر نواز خان کی برتری کا ریکارڈ بھی توڑدیا ہے حلقہ پی ایف 51 کے 96 میں سے 88 پولنگ سٹیشنوں سے موصول ہونے والے غیر حتمی نتائج کے مطابق گوہر نواز خان نے 40023 ووٹ حاصل کئے جبکہ ان کے مد مقابل مسلم لیگ ن کے نامزد امید وار اسد سعید خان ایڈووکیٹ نے 5756 ووٹ حاصل کئے اس طرح گوہر نواز خان کو مد مقابل امید وار پر 34267 ووٹوں کی ریکارڈ برتری حاصل ہے جس نے گوہر نواز خان کی کامیابی کو تاریخی فتح بنا دیا ہے کیونکہ سابق صوبائی وزیر اختر نواز خان نے قریباً 28 ہزار کی برتری 18 فروری کے الیکشن میں حاصل کی تھی اور مختصر ترین مدت میں حلقہ پی ایف 51 اور حلقہ سے باہر بھی ریکارڈ ترقیاتی کام کروانے اور صحیح معنوں میں حق نمائندگی ادا کر کے لاکھوں عوام کے دل جیتے یہی وجہ ہے کہ اپنے جرات مند قائد اختر نواز خان کے قتل کا بدلہ غیور عوام نے ووٹ کی پرچی سے لے کر اختر نواز خان کے احسانوں کا بدلہ ان کے بھائی گوہر نواز خان کو ریکارڈ فتح دلوا کر چکایا پانچ نومبر کے ضمنی الیکشن میں مسلم لیگ ن کے نامزد امید وار اسد سعید خان ایڈووکیٹ کو شرمناک شکست کا سامنا کرنا پڑا ہے وہ مذکورہ 88 پولنگ سٹیشنوں میں سے صرف ایک پولنگ سٹیشن جیت سکے

اسلام آباد ۔ الیکشن کمیشن آف پاکستان نے ملک بھر میں مقامی حکومتوں کی خالی نشستوں پر ضمنی انتخابات کے شیڈول کا اعلان کر دیا ہے تین نومبر تک کاغذات نامزدگی جمع ہو سکیں گے جبکہ سترہ نومبر کو پولنگ ہو گی تفصیلات کے مطابق الیکشن کمیشن کے چاروں صوبوں میں ضلع ، تحصیل ٹاؤنز ناظمین کی خالی نشستوں کے ضمنی انتخابات کیلئے شیڈول جاری کر دیا ہے یکم نومبر کو کاغذات نامزدگی کا اجراء ہو گا تین نومبر تک کاغذات نامزدگی جمع ہو سکیں گے چار نومبر کو امیدواروں کی ابتدائی فہرستیں جاری کی جائیں گی پانچ نومبر کو اعتراضات داخل ہو سکیں گے چھ نومبر کو کاغذات کی جانچ پڑتال ہو گی سات نومبر کو کاغذات منظور ہونے یا مسترد ہونے کے حوالے سے اپیلیں دائر ہو سکیں گی۔ آٹھ نومبر تک اپیلوں کو نمٹا دیا جائے گا دس نومبر تک کوئی بھی امیدوار دستبر دار ہو سکے گا گیارہ نومبر کو امیدواروں کو حتمی فہرست شائع کر دی جائے گی اسی روز امیدواروں کو انتخابی نشان الاٹ کر دئیے جائیں گے سترہ نومبر کو ووٹ ڈالے جائیں گے اٹھارہ نومبر کو ریٹرننگ افسران نتائج کا سرکاری سطح پر اعلان کردیں گے ۔

گزشتہ 24 گھنٹوں میں 32 شدت پسند مار دئیے گئے ،میجر مراد

60 شدت پسند ہلاک کردئیے گئے ہیں ۔ وفاقی حکومت کے اہلکار اقبال خٹک

باجوڑ ایجنسی ۔ باجوڑ ایجنسی میں سیکورٹی فورسز کی گزشتہ 24 گھنٹے کی کارروائی کے دوران کم ازکم 32 عسکریت پسند اور ایک میجر اسد خان سمیت 2 سیکورٹی اہلکار جاں بحق ہو گئے جبکہ 40 عسکریت پسند زخمی ہوئے ہین جمعہ کو باجوڑ آپریشن کے لیے پاک فوج کے ترجمان میجر مراد خان نے بتایا کہ سیکورٹی فورسز نے گزشتہ 24 گھنٹوں کے دوران کارروائی میں32 شدت پسندوں کو ہلاک کردیا ہے انہوں نے کہا کہ اس دوران ایک آفیسر سمیت 2 سیکورٹی اہلکار شہید ہو گئے ہیں سیکورٹی فورسز کا کہنا ہے کہ ہفتوں سے جاری لڑائی میںسینکڑوں شدت پسند مارے گئے ہیں ادھر باجوڑ میں مقامی حکومت کے ایک اہلکار اقبال خٹک نے بتایا کہ گزشتہ 24 گھنٹوں میں ہلاکتوں کی تعداد زیادہ ہے جس دوران 60 شدت پسند مارے گئے ہیں ۔سرکاری ذرائع کے مطابق سیکورٹی فورسز نے لوئی سم جولوکا کوثر ، ٹانک ،نظار ، شکئی اور بان کے کئی علاقوں میں گن شپ ہیلی کاپٹروں اور توپخانے کے حملوں میں عسکریت پسندوں کے مضبوط ٹھکانوں کو تباہ کردیا ہے

راولپنڈی ۔ ملک کے دیگر حصوں کی طرح راولپنڈی کے صوبائی حلقہ پی پی 10میں بھی ہونے والے ضمنی انتخابات میں غیر سرکاری نتائج کے مطابق مسلم لیگ (ن) کے نامزد امیدوار اور رکن قومی اسمبلی ملک ابرار کے بھائی ملک افتخار نے 18813ووٹ حاصل کر کے میدان مار لیا ان کے مد مقابل نزدیک ترین آزاد امیدوار ملک محبوب الہی 11838 ووٹ لے کر دوسرے نمبر پر رہے پولنگ مقررہ وقت پر پیر کے روز صبح نو بجے شروع ہو کر کسی وقفے کے بغیر شام پانچ بجے تک جاری رہی تاہم ووٹوں کی شرح تناسب انتہائی کم رہا حلقہ پی پی 10میں مجموعی طورپر 109پولنگ سٹیشن قائم کئے گئے تھے جبکہ حلقہ بھر میں پولنگ پر امن ماحول میں ہوئی اس موقع پر غیر معمولی حفاظتی انتظامات بھی کئے گئے تھے اور پولنگ سٹیشنوں پر پولیس کی خصوصی نفری تعینات کی گئی تھی ۔ ادھر شکست سے دو چار ہونے والے امیدوار ملک محبوب نے پولنگ میں زبردست دہاندلی کا الزام لگاتے ہوئے تین پولنگ سٹیشنوں میں دوبارہ پولنگ کے لئے درخواست دے دی ہے ریٹرنگ افسر محمد اقبال ملک کو دی گئی درخواست میں موقف اختیار کیاگیا ہے کہ ویسٹریج ، چمن آباد اور کلیام آباد کے پولنگ سٹیشنوں پر پولنگ بکس سے نکلنے والیو وٹوں کی تعداد یہاں جاری بیلٹ پیپرز سے کہیں زیادہ تھی جبکہ جاری کردہ بیلٹ پیپرز پر بھی یو اے ووٹ پول نہیں ہوئے اس طرح دھاندلی کے ذریعے یہاں جعلی ووٹ پول کئے گئے ہیں

وزیر اعلیٰ اور گورنر اپنے اپنے امیدواروں کو کامیاب کرانے کے لئے متحرک ہو گئے

جلالپوربھٹیاں ۔ تحصیل پنڈی بھٹیاں کے حلقہ پی پی 107میں 4 اگست 2008ء بروز سوموار کو ضمنی الیکشن ہورہاہے،جس میں کل گیارہ امیدوار حصہ لے رہے ہیں ،رپورٹ کے مطابق 18فروری 2008ء کو اس نشست سے (ق) لیگ کے چوہدری لیاقت عباس بھٹی کامیاب ہوئے لیکن چونکہ انکے پاس ایک قومی اسمبلی کی نشست بھی تھی اس لیئے انہوں نے اس حلقہ پی پی 107کی نشست چھوڑ دی اور یہاں 26جون کو ضمنی الیکشن ہوناقرارپائے،مگرالیکشن سے ایک دن قبل 25جون کو ایک آزادامیدوار محمدیعقوب موہل ایڈوکیٹ انتقال کرگئے ،اور الیکشن ملتوی ہوگئے جو اب 4۔اگست کوہونگے،رپورٹ کے مطابق حلقہ پی پی 107 میں کل ووٹوں کی تعداد 129244ہے،جن میں 73729مردانہ جبکہ55515زنانہ ووٹ ہیں،اس حلقہ میں کل پولنگ اسٹیشن 144۔بنائے گئے ہیں جن میں 28مردانہ 27زنانہ جبکہ 89کمبائیڈ بنائے گئے ہیں،اس حلقہ میں کل گیارہ امیدوار میاں شاہدحسین بھٹی(مسلم لیگ(ن)رائے محمداسحاق کھرل(پیپلزپارٹی)چوہدری مشتاق مونا(ق لیگ)جبکہ سیدشعیب نواز شاہ۔سلطان اصغر۔صوبیہ بھٹی۔شیخ محمدعارفین۔چوہدری قمرجاویدایڈوکیٹ۔بابرسہیل گجر۔ملک وزیر اعوان اوراشرف گورائیہ آزاد حیثیت سے حصہ لے رہے ہیں۔رپورٹ کے مطابق اصل مقابلہ پاکستان مسلم لیگ(ن) کے امیدوار میاں شاہدحسین بھٹی ۔پیپلزپارٹی کے امیدوار رائے محمداسحاق کھرل اور (ق)لیگ کے حمائت یافتہ آزاد امیدوار سید شعیب نواز شاہ کے درمیان ہوگا،رپورٹ کے مطابق ضلع نائب ناظم میاں زاہدحسین بھٹی ،تحصیل ناظم پنڈی بھٹیاں میاں انصر عباس بھٹی ،مسلم لیگ (ن) کے سابق وفاقی پارلیمانی سیکرٹری اور ایم این اے سائرہ افضل تارڑ کے والد چوہدری افضل حسین تارڑ،رکن صوبائی اسمبلی چوہدری محمداسداللہ آرائیں ،مسلم لیگ (ن) کے ضلعی رہنماء چوہدری محمدبخش تارڑ اور مسلم لیگ(ن) تحصیل پنڈی بھٹیاں کے صدر شہباز خان ایڈ وکیٹ سمیت دیگر لیگی (ن) تنظیمیں میاں شاہدحسین بھٹی کی انتخابی مہم چلارہی ہیں ۔جبکہ مسلم لیگ(ق) کے ضلعی صدر سابق ایم این اے چوہدری مہدی حسن بھٹی،ق لیگ کے ایم این اے چوہدری لیاقت عباس بھٹی ،سابق صوبائی وزیر چوہدری شوکت علی بھٹی اور ضلع ناظم چوہدری مبشر عباس بھٹی اور خود (ق) لیگ کے امیدوار چوہدری مشتاق مونا آزاد امیدوار سید شعیب نواز شاہ کی انتخابی مہم چلارہے ہیں ،اور پیپلز پارٹی کے ضلعی صدر رکن صوبائی اسمبلی ملک فیاض احمد اعون ،سینئرنائب صدر پی ایم کھرل ایڈوکیٹ اور پیپلز پارٹی کے ضلعی رہنماء ملک شوکت حیات اعوان سمیت پی پی پی کی تنظیمیں پی پی پی کے امیدوار رائے محمداسحاق کھرل کی انتخابی مہم چلارہی ہیں۔سیاسی تجزیہ نگاروں کے مطابق مسلم لیگ (ن) کے امیدوار کی پوزیشن کافی بہتر دکھائی دیتی ہے لیکن چونکہ یہ سیٹ ق لیگ نے چھوڑی تھی اس لحاظ سے ق لیگ کے آزاد امیدوار بھی مضبوط دکھائی دیتے ہیں ادھر پی پی پی کے امیدوار کو بھی عام انتخابات اور پھر ضمنی انتخابات میں بھی پیپلزپارٹی کی قیادت نے ٹکٹ دیاہے انکو بھی کامیابی دکھائی دیتی ہے، لیکن چونکہ تحصیل پنڈی بھٹیاں میں پاکستان پیپلزپارٹی کافی عرصہ سے کمزور چلی آرہی ہے اور ق لیگ سے عوامی نفرت بھی اس علاقہ میں کچھ زیادہ ہی دکھائی دیتی ہے ،اس لیئے پاکستان مسلم لیگ(ن) کی کامیابی واضح دکھائی دیتی ہے لیکن پھر بھی اصل فیصلہ 4۔اگست کو ہوگا کیونکہ پاکستانی عوام کبھی بھی کچھ بھی فیصلہ کرسکتے ہیں ۔ ادھر وزیراعلیٰ پنجاب میاں شہبازشریف کے حکم پر مسلم لیگ (ن) سینئر نائب صدر رکن قومی اسمبلی مخدوم جاوید ہاشمی اور گورنر پنجاب سلیمان تاثیر کے حکم پر پی پی پی کے سینئر صوبائی راجہ ریاض احمد اپنے اپنے امیدواروں کے انتخابی جلسوں سے خطاب کرچکے ہیں ،باخبر ذرائع کے مطابق حکومت پنجاب (میاں شہبازشریف)اپنے لیگی امیدوار کوکامیاب کروانے کیلئے ہر حربہ استعمال کررہے ہیں جبکہ گورنر پنجاب (پی پی پی کے جیالے سلیمان تاثیر)اپنے امیدوار کو کامیاب کروانے کے لئے کوشش کر رہے ہیں ۔