Urdu News-Online Urdu Newspaper

اسلام آباد۔وفاقی وزیر کھیل اعجاز حسین جاکھرانی نے کہا ہے کہ پاکستان کرکٹ بورڈ سمیت کھیلوں کی تمام آرگنائزیشنز وزارت کھیل کو جوابدہ ہیں وہ اپنی مرضی کے لیے آزاد نہیں۔ قومی اسمبلی کے وقفہ سوالات میں انہوں نے اعتراف کیا کہ پاکستانی کھلاڑیوں پر بھی سٹے بازی میں ملوث ہونے کے الزامات لگتے رہتے ہیں۔کرکٹ میں سٹے بازی کو روکنا انٹرنیشنل کرکٹ کونسل کا کام ہے تاہم پاکستان کرکٹ بورڈ کوسٹے بازی روکنے کے لیے پاکستانی کھلاڑیوں کی مانیٹرنگ کی ہدایت کی جائے گی۔ ایک سوال کے جواب میں انہوں نے کہا کہ سری لنکن کرکٹ ٹیم پر حملے اور ملک میں امن و امان کی صورتحال کے باعث غیرملکی ٹیمیں پاکستان نہیں آرہیں۔بدقسمتی سے عالمی کرکٹ کپ کے میچوں کے لیے بھی کوئی ٹیم پاکستان نے کے لیے تیار نہیں ہوئی ۔امن و امان کی صورتحال بہتری ہوگی تو دوبارہ پاکستان میں غیر ملکی ٹیمیں کھیلیں گی۔ وزیر کھیل نے بتایا کہ گزشتہ دو سال کے دوران ملک میں کوئی نیا کرکٹ گراونڈ تعمیر نہیں کی تاہم موجودہ کرکٹ گراؤنڈ اپ گریڈ کیے گئے ہیں۔ اعجاز حسین جاکھرانی نے کہا کہ کھیلوں کے میدان میں پاکستان کا کھویا ہوا مقام دوبارہ حاصل کرنے کی پوری کوشش کی جائے گی۔بین الاقوامی سطح پر دوڑ اور کراٹے میں گولڈ میڈل حاصل کرنے والی خواتین کھلاڑیوں کی صدر سمیت سب نے حوصلہ افزائی کی ہے۔

اسلام آباد۔ایواان صدر نے پاکستان کرکٹ بورڈ کے چےئرمین اعجاز بٹ کو 2011 ء کے ورلڈ کپ تک عہدے پر برقرار رہنے کا گرین سگنل دے دیا ہے ۔ ایک نجی ٹی وی نے ایوان صدر کے حوالے سے بتایا ہے کہ قومی اسمبلی کی قائمہ کمیٹی سینٹ کی سٹینڈنگ کمیٹی اور دیگر اداروں کی جانب سے شدید تنقید کے باوجود قومی کرکٹ بوڈ کے چےئرمین اعجاز بٹ 2011 ء کے ورلڈ کپ تک بدستور اپنے عہدے پر برقرار رہیں گے اور اس حوالے سے میں عہدیداروں کے درمیان اختلافات کو ختم کرنے کی ہدایت کی گئی ہے ۔ ایوان صدر کی جانب سے اعجاز بٹ کو کہا گیا ہے کہ وہ خراب کارکردگی کے حامل اور ڈسپلن کی خلاف ورزی کرنے والے کھلاڑیوں کے خلاف کارروائی کریں اور کارکردگی اور ڈسپلن کو یقینی بنایا جائے اور انتظامی امور کو بہتر بنایا جائے اور متحد ہو کر کام کیا جائے ۔ ایوان صدر ذرائع کے مطابق جاوید میانداد ڈائریکٹر کے عہدے پر فائز رہیں گے ۔

لاہور۔پاکستان کرکٹ بورڈ نے منتخب ہونے والے نئے ریجنل کرکٹ ایسوسی ایشن کے نامون کا نوٹیفیکشن جاری کر دیا یہ ممبرز دو سالون کیلئے اپنی اپنی ریجنل کرکٹ ایسوسی ایشنز کے ممبرز ہونے کے ساتھ ساتھ پی سی بی کے گورنر بورڈ کے ممبرز بھی ہونگے چےئر مین پی سی بی نے پیٹرن انچیف آصف علی زرداری سے اپرول ملنے کے بعد نوٹیفیکیشن جاری کر دیاممبران مین میجر (ریٹاےئر)نعیم اختر گیلانی صدر راولپنڈی ریجنل کرکٹ ایسوسی ایشنز کو مسٹر شکیل شیخ صدر اسلام آباد ریجنل کرکٹ ایسوسی ایشن کی جگہ میر حیدر علی تالپور صدر حیدراآباد ر یجنل کرکٹ ایسوسی ا ایشن کو ڈاکٹر محمد علی شاہ صدر کراچی ر یجنل کرکٹ ایسوسی ایشن کی جگہ طارق بلوچ صدر کوئیٹہ یجنل کرکٹ ایسوسی ایشن کومیان محمد منیر صدرملتان ر یجنل کرکٹ ایسوسی ایشن چودھری محمد انور صدر فیصل آباد ر یجنل کرکٹ ایسوسی ایشن عامر حیات روکڑی صدر لاہور ر یجنل کرکٹ ایسوسی ایشن لگا دیا گیاہے۔

کنبیرا۔آسٹریلوی عدالت نے پاکستان اورآسٹریلیا کے درمیان پانچویں ون ڈے میں پاکستانی فیلڈر خالد لطیف کودبوچنے والے شخص پر نو ہزار ڈالرز جرمانہ عائد کردیا۔31 جنوری کوپرتھ میں کھیلے جانے والے آخری ون ڈے میں سینتیس سالہ ڈیوڈ جیمزنے گراونڈ میں داخل ہوکر پاکستانی فیلڈرخالدلطیف کوپکڑکرزمین پرگرادیا تھا جس پران کیخلاف مقدمہ درج کرلیا گیا تھا۔عدالت نے جیمزکوقصوروارقراردیتے ہوئے زبردستی گراونڈمیں داخل ہونے پر6 ہزاراورکھلاڑی پرحملہ کرنے پرتین ہزارآسٹریلوی ڈالرزجرمانہ عائد کردیا۔ ویسٹرن آسٹریلیا کرکٹ ایسوسی ایشن جیمزکے واکا گراونڈ میں داخلے پرپہلے ہی تاحیات پابندی لگاچکی ہے۔ جیمزکے وکیل کا کہناہے کہ ان کے موکل نے نشے کی حالت میں اپنے دوست سے گراونڈ میں داخل ہونے کی شرط لگائی تھی۔

برسبن‘ چوتھے ایک روزہ میچ میں آسٹریلیا نے ویسٹ انڈیز کو پچاس رنز سے شکست دے کر پانچ میچوں کی سیریز میں تین صفر کی فیصلہ کن برتری حاصل کرلی۔برسبین میں کھیلے جانے والے میچ کا ٹاس ویسٹ انڈیز نے جیت کر پہلے آسٹریلیا کو بیٹنگ کی دعوت دی۔ میزبان ٹیم نے اننگز کا آغاز کیا تو تینتالیس کے مجموعی اسکور شین واٹسن آؤٹ ہوکر پویلین لوٹ گئے۔ ٹیم پین بھی زیادہ دیر وکٹ پر نہ ٹھہر سکے اور چوبیس رنز بنا کر آؤٹ ہوگئے جس کے بعد رکی پونٹنگ اور کیمرون وائٹ نے ذمہ دارنہ بیٹنگ کرتے ہوئے تیسری وکٹ کے لئے ایک سو اکتیس رنز کا اضافہ کیا۔ وائٹ تریسٹھ اور پونٹنگ ایک سو چھ رنز بنا کر آؤٹ ہوئے آسٹریلیا نے مقررہ پچاس اوورز میں سات وکٹوں کے نقصان پر تین سو چوبیس رنز بنائے۔ ڈیوائن اسمتھ اور ڈیرن سیمی نے دو دو کھلاڑیوں کو آؤٹ کیا۔ جواب میں ویسٹ انڈیز نے اننگز کا آغاز کیا تو پچپن کے مجموعی اسکور پر اس کے تین کھلاڑی آؤٹ ہوکر پویلین لوٹ گئے۔ نرسنگھ دینورائن نے آسٹریلوی باؤلرز کے سامنے کچھ مزاحمت کی تاہم وہ بھی تریپن رنز بنا کر آؤٹ ہوگئے۔ ایک سو چھیالیس رنز پر چھ کھلاڑی آؤٹ ہونے کے بعد کیرون پولارڈ اور ڈیوائن اسمتھ نے ساتویں وکٹ کے لئے ایک سو دو رنز جوڑے پولارڈ باسٹھ رنز بنا کر آؤٹ ہوئے۔ ویسٹ انڈین ٹیم مطلوبہ ہدف حاصل کرنے میں ناکام رہی اور مقررہ پچاس اوورز میں سات وکٹوں کے نقصان پر دو سو چوہتر رنز بناسکی۔ ڈیوائن اسمتھ ناٹ آؤٹ انسٹھ رنز بنا کر نمایاں رہے۔ ڈوگ بولینگر اور ریان ہیرس نے دو دو کھلاڑیوں کو آؤٹ کیا۔

لاہور ‘قومی کرکٹ ٹیم کے سابق کپتان یونس خان اپنے رویے اور حرکات کی وجہ سے شہرت رکھتے ہیں۔ منفرد انداز اور رکھ رکھاؤکی وجہ سے پہچانے جانے والے اسٹار بیٹسمین نے اپنے رویّے کی ایک جھلک تحقیقاتی کمیٹی کے اجلاس میں دکھا دی۔ ذرائع کے مطابق گزشتہ روز قومی اکیڈمی لاہور میں یونس خان کو اجلاس میں طلب کرکے آسٹریلیا کے خلاف شکست کے اسباب معلوم کرنے کی کوشش کی گئی۔ یونس خان نے قومی اکیڈمی میں اپنے کمرے سے دریافت کیا کہ تحقیقاتی کمیٹی میں کون کون ہے۔ انہیں بتایا گیا کہ دیگر اراکین کے علاوہ یاور سعید بھی تحقیقاتی کمیٹی کے رکن ہیں۔ عینی شاہدین کے مطابق یاور سعیدکا نام سن کر یونس خان چراغ پا ہوگئے۔ انہوں نے کہا کہ ایسے منیجرکی موجودگی میں جو پانچ کھلاڑیوں کو جمع کرکے قومی ٹیم کے کپتان کو ہٹانے کی سازش کرتا رہا ہے، اس کی موجودگی میں آپ کس طرح توقع کرسکتے ہیں کہ تحقیقاتی کمیٹی غیرجانبدارانہ تحقیقات کرے گی۔ عینی شاہدین کے مطابق یونس خان کے ردعمل سے تحقیقاتی کمیٹی سکتے میں آگئی لیکن کچھ دیر بعد یونس خان تحقیقاتی کمیٹی کے سامنے گئے اور اپنا بیان ریکارڈ کرایا، تاہم انہوں نے یاور سعیدکے حوالے سے ریمارکس دے کر تحقیقاتی کمیٹی کی قلعی کھول دی۔ واضح رہے کہ یاور سعید نے 5 سینئر کھلاڑیوں کی مدد سے یونس کو ہٹانے کیلئے کرکٹرزکی اعجاز بٹ سے ملاقات کرائی تھی

ڈھاکہ ‘ ساؤتھ ایشین گیمز میں پاکستان نے مزید پانچ گولڈمیڈل جیت لیے ہیں اور پاکستان کے طلائی تمغوں کی تعداد 11 ہوگئی ہے۔ ڈھاکہ میں جاری ایونٹ کے ڈسکس تھرو میں پاکستان کے بشارت علی نے گولڈ میڈل حاصل کیا۔ ہینڈبال کے فائنل میں پاکستان نے بھارت کو31 کے مقابلے میں 37گول سے شکست دی، ووشو میں پاکستان کے معازخان اورمراتب علی شاہ گولڈ میڈل جیتنے میں کام یاب ہوئے۔ اسکواش کھلاڑی عامر اطلس اور منصور زمان نے ٹیم ایونٹ میں پاکستان کو طلائی تمغہ دلادیا۔ فائنل میں بھارت کو شکست کا سامنا کرنا پڑا۔ ایتھلیٹکس کے چار سو میٹر ہرڈلز میں حق نواز نے سلورمیڈل جیتا۔ باکسنگ کی مختلف کیٹگریز میں نادر بلوچ، نعمت الل، محمد وسیم اورعامرخان سیمی فائنل میں پہنچ گئے

ڈھاکہ ‘ ساوتھ ایشین گیمز کے کرکٹ ایونٹ میں بنگلہ دیش نے پاکستان کا باون رنز سے اپ سیٹ شکست دے کر فائنل کی دوڑ سے باہر کردیا۔ ٹین میٹر آئیر پیسٹل مینز ٹیم ایونٹ میں پاکستان نے چاندی اور پچاس میٹر بٹرفلائی سوئمنگ ایونٹ میں کانسی کا تمغہ جیتا۔ڈھاکا میں جاری گیمز کے کرکٹ ایونٹ میں بنگلہ دیش نے پہلے کھیلتے ہوئے مقررہ بیس اوور میں آٹھ وکٹوں کے نقصان پر ایک سو چھپن رنز بنائے۔صابر رحمان نے چھیالیس رنز کی اننگز کھیلی۔ جنید خان نے تین وکٹیں حاصل کیں۔ جواب میں پاکستان کی ٹیم ہدف حاصل کرنے میں ناکام رہی ، اٹھارہویں اوور میں ایک سو چار رنز بنا کر آوٹ ہوگئی۔ناصر عباس سینتیس رنز بنا کر نمایاں رہے۔ ساجد السلام نے چار کھلاڑیوں کو آوٹ کیا۔ ہاکی ایونٹ میں پاکستان نے سری لنکا کو دو صفر سے شکست دی۔ پہلے ہاف میں کوئی بھی ٹیم گول کرنے میں کامیاب نہیں ہوسکی۔ قومی ٹیم نے دوسرے ہاف میں دو گول کرکے میچ جیت لیا۔ محسن بلال اور عبدالقیوم نے ایک ایک گول اسکور کیا۔ اس کامیابی کے بعد قومی ٹیم نے فائنل کے لئے کوالیفائی کرلیا ہے جہاں اس کا مقابلہ بھارت سے ہوگا۔شوٹنگ کے ٹین میٹر آئیر پیسٹل مینز ٹیم ایونٹ میں پاکستان کے کیلم اللہ خان ، محمد گل فراز اور محمد شہزار اختر نے عمدہ کارکردگی کا مظاہرہ کرتے ہوئے چاندی کا تمغہ سینے پر سجایا۔ پچاس میٹر ویمنز بٹر فلائی سوئمنگ ایونٹ میں پاکستان کی کرن خان نے کانسی کا تمغہ حاصل کیا۔ پاکستان ایونٹ میں اب تک مجموعی طور پر اکتیس تمغے حاصل کرچکا ہے۔

میلبورن ‘ میلبرن میں کھیلے جانے والے پہلے ٹوئنٹی ٹوئنٹی میچ میں آسٹریلیا کی ٹیم نے پاکستان کی ٹیم کو دو رنز سے ہرا دیا۔آسٹریلیا کی ٹیم نے پاکستان کو میچ جیتنے کے لیے ایک سو اٹھائیس رنز کا ٹارگٹ دیا تھا لیکن پاکستان کے کھلاڑی مقررہ بیس اوورز میں صرف ایک سو پچیس رنز ہی بنا سکے۔آسٹریلیا کی طرف سے تیز بالر شون ٹیٹ نے چار اووروں میں صرف تیرہ رنز دے کر تین کھلاڑیوں کو آؤٹ کیا۔ آل راؤنڈر شین واٹسن اور اپنا پہلا میچ کھیلنے والے لیگ سپنر سمتھ نے دو دو کھلاڑیوں کو آؤٹ کیا۔پاکستان کی طرف سے کامران اکمل نے تینتیس گیندوں پر دو چھکوں اور سات چوکوں کی مدد سے شاندار چونسٹھ رنز بنائے۔پاکستان کے آؤٹ ہونے والے پہلے کھلاڑی عمران نذیر تھے جو بغیر کوئی سکور کیے رن آؤٹ ہوئے۔آؤٹ ہونے والے دوسرے پاکستانی کھلاڑی عمران فرحت تھے جو آٹھ رنز بنا کر ٹیٹ کی گیند پر واٹسن کے ہاتھوں کیچ ہوئے۔پاکستان کی تیسری وکٹ اس وقت گِری جب خالد لطیف چھ رنز بنا کر شین واٹسن کی گیند پر ایل بی ڈبلیو ہو گئے۔پاکستان کی طرف سے آؤٹ ہونے والے چوتھے کھلاڑی شعیب ملک تھے جو تین رنز بنا کر ٹیٹ کی گیند پر برٹ کے ہاتھوں کیچ ہوئے۔پاکستان کی پانچویں وکٹ اس وقت گِری جب کامران اکمل تینتیس گیندوں پر چونسٹھ رنز بنا کر ٹیٹ کی گیند پر ڈیوڈ ہسی کے ہاتھوں کیچ ہو گئے۔ انہوں نے اپنی اننگز میں دو چھکے اور سات چوکے لگائے۔پاکستان کے آؤٹ ہونے والے چھٹے کھلاڑی فواد عالم تھے جو ایک رن بنا کر سمتھ کی گیند پر کیمرون وائٹ کی ہاتھوں کیچ ہوئے۔پاکستان کی ساتویں وکٹ اس وقت گِری جب رانا نوید الحسن ایک رن بنا کر سمتھ کی گیند پر سٹمپ ہو گئے۔پاکستان کے آؤٹ ہونے والے آٹھویں کھلاڑی عمر گْل تھے جو دس رنز بنا کر نینیس کی گیند پر بولڈ ہو گئے۔پاکستان کی نویں وکٹ اس وقت گِری جب میچ کے آخری اوور میں عمر اکمل اکیس رنز بنا کر شین واٹسن کی گیند پر وارنر کے ہاتھوں کیچ ہو گئے۔اس سے پہلے آسٹریلیا کی پوری ٹیم ایک سو ستائیس رنز بنا کر آؤٹ ہو گئی تھی۔پاکستان کی طرف سے عمر گْل سب سے کامیاب بالر رہے جنہوں نے تین اعشاریہ چار اوورز میں بیس رنز دے کر تین وکٹیں لیں۔ اس میچ میں پاکستان کی قیادت کرنے والے شعیب ملک نے بھی دو آسٹریلوی کھلاڑیوں کو آوٹ کیا۔آسٹریلیا کی طرف سے ڈیوڈ ہسی ناقابلِ شکست چالیس رنز بنا کر ٹاپ سکورر رہے۔پاکستان کو میچ کے دوسرے اوور میں ہی کامیابی حاصل ہوئی ہے۔ آؤٹ ہونے والے آسٹریلوی کھلاڑی شین واٹسن تھے جو آٹھ رنز بنا کر رن آؤٹ ہوئے۔آسٹریلیا کے دوسرے آؤٹ ہونے والے کھلاڑی وارنر تھے جو چوبیس رنز بنا کر محمد آصف کی گیند پر عمران نذیر کے ہاتھوں کیچ ہوئے۔آسٹریلیا کی تیسری وکٹ اس وکٹ اس وقت گِری جب کپتان مائیکل کلارک بتیس رنز بنا کر عمر گْل کی گیند پر فواد عالم کے ہاتھوں کیچ ہوئے۔آسٹریلیا کے آؤٹ ہونے والے چوتھے کھلاڑی کیمرون وائٹ تھے جو چار رنز بنا کر فواد عالم کے ہاتھوں رن آؤٹ ہوئے۔آسٹریلیا کی پانچویں وکٹ اس وقت گِری جب اپنا پہلا میچ کھیلنے والے ٹی آر برٹ ایک رنز بنا کر شعیب ملک کی گیند پر بولڈ ہوگئے۔آسٹریلیا کے چھٹے آؤٹ ہونے والے کھلاڑی وکٹ کیپر بریڈ ہیڈن تھے جو ایک رنز بنا کر شعیب ملک کی گیند پر سٹمپ ہو گئے۔آسٹریلیا کی ساتویں وکٹ اس وقت گِری جب اپنا پہلا میچ کھیلنے والے ایس پی ڈی سمتھ آٹھ رنز بنا کر رانا نوید الحسن کی گیند پر بولڈ ہو گئے۔آسٹریلیا کے آؤٹ ہونے والے آٹھویں کھلاڑی مچل جانسن تھے جو دو رنز بنا کر عمر گْل کی گیند پر کامران اکمل کے ہاتھوں کیچ ہو گئے۔آسٹریلیا کی نویں وکٹ اس وقت گِری جب ڈی پی نینیس چار رنز بنا کر رن آؤٹ ہو گئے۔آسٹریلیا کی طرف سے آؤٹ ہونے والے آخری کھلاڑی ٹیٹ تھے جو ایک رنز بنا کر عمر گْل کی گیند پر فواد عالم کے ہاتھوں کیچ ہوئے۔آسٹریلیا کی ٹوئنٹی ٹوئنٹی ٹیم کی قیادت مائیکل کلارک کر رہے ہیں۔یاد رہے کہ آسٹریلیا کی ون ڈے اور ٹیسٹ ٹیم کے کپتان رکی پونٹنگ ٹوئنٹی ٹوئنٹی کے مقابلوں سے ریٹائرڈ ہو چکے ہیں۔ دوسری طرف پاکستان کے کپتان شاہد آفریدی پر بال ٹیمپرنگ کی وجہ سے دو میچ کھیلنے کی پابندی ہے لہذا وہ پاکستانی ٹیم میں شامل نہیں ہیں۔ ان کی جگہ شعیب ملک پاکستان کی قیادت کر رہے ہیں۔اس سے قبل آسٹریلیا نے رکی پونٹنگ کی قیادت میں تین ٹیسٹ اور پانچ ون ڈے میچوں پر مشتمل سیریز میں کلین سویپ کیا تھا۔آسٹریلیا کی ٹیم: ڈی اے وارنر، شین واٹسن، مائیکل کلارک، ڈیوڈ ہسی، کیمرون وائٹ، ٹی آر برٹ، بریڈ جے ہیڈن، ایس پی ڈی سمتھ، مچل جے جونسن، ایس ڈبلیو ٹیٹ، ڈی پی نینیس پاکستان ٹیم: کامران اکمل، عمران نذیر، عمران فرحت، عمر اکمل، شیعب ملک، خالد لطیف، فواد عالم، نوید الحسن، محمد آصف، عمر گل، سعید اجمل۔

ہملٹن‘ہملٹن میں کھیلے جانے والے ٹوئنٹی ٹوئنٹی کرکٹ میچ میں میزبان ٹیم نیوزی لینڈ نے بنگلہ دیش کو دس وکٹوں سے ہرا دیا ہے۔نیوزی لینڈ کے شہر ہملٹن میں کھیلے جانے والے واحد ٹوئنٹی ٹوئنٹی میچ میں مہمان ٹیم بنگلہ دیش نے ٹاس جیت کر پہلے بیٹنگ کرنے کا فیصلہ کیا تھا۔پہلے بیٹنگ کرتے ہوئے بنگلہ دیشی بلے باز کوئی بڑا سکور کرنے میں ناکام رہے اور بنگلہ دیشی ٹیم اٹھارہویں اوور کی تیسری گیند پر اٹھہتر رنز بنا کر آؤٹ ہو گئی۔بنگلہ دیش کی پہلی وکٹ اٹھارہ کے سکور پر گری جب اوپنر نعیم اسلام ٹفی کی گیند پر وکٹ کیپر کے ہاتھوں کیچ آؤٹ ہو گئے۔ دوسری وکٹ سینتیس کے سکور پر آفتاب احمد کی گری جو ویٹوری کی گیند پر کیچ آؤٹ ہوئے۔ اس کے بعد مجموعی سکور میں صرف پانچ رن کے اضافے کے بعد بنگلہ دیش کے مزید تین بیٹسمین آؤٹ ہوگئے۔ٹوئنٹی ٹوئنٹی میچ میں بنگلہ دیش ٹیم کے کپتان رقیب الحسن صفر کے سکور پر آؤٹ ہوئے۔نیوزی لینڈ کی جانب سے سب سے کامیاب بالر ویٹوری رہے جنھوں نے تین کھلاڑی آؤٹ کیے۔ اس کے علاوہ ٹفی، اورم اور میکلم نے دو دو وکٹیں حاصل کیں۔بنگلہ دیش کے اٹھہتر رنز کے جواب میں نیوزی لینڈ کی جانب سے بلے باز میکلیم اور انگرام نے اننگز کا آغاز کیا۔ میکلیم نے جارحانہ کھیل کا مظاہرہ کرتے ہوئے ستائیس گیندوں پر دو چھکوں اور سات چوکوں کی مدد سے چھپن رنز بنائے۔ انگرام نے تئیس گیندوں پر تین چوکوں کی مدد سے بیس رنز بنائے۔نیوزی لینڈ نے نویں اوور میں ٹارگٹ حاصل کرتے ہوئے اناسی رنز بنائے۔نیوزی لینڈ کے کپتان ڈینیئل ویٹوری مین آف دے میچ اعزاز کے حق دار ٹھہرے