امریکہ کی معیشت خطرے سے دوچار ، تجارتی مراکزکی بندش کا خدشہ
امریکہ کے صدر بش نے کہا ہے کہ پوری امریکی معیشت خطرے سے دوچار ہے اوراہم تجارتی مراکز بند ہونے کا خطرہ پیدا ہو چکا ہے۔ ٹی وی پر قوم سے خطاب کرتے ہوئے انہوں نے کہا کہ پوراامریکی مالیاتی نظام بحران کا شکار ہے اورمارکیٹ صحیح سمت میں فروغ نہیں پارہی جس کی وجہ سے امریکہ کے اہم تجارتی شعبے خطرات سے دوچار ہیں۔انہوں نے کہا کہ بینک صورتحال سے نمٹنے میں ناکام ہوچکے ہیں جومعیشت کو کساد بازاری کی طرف دھکیل رہی ہے تاہم ایسا نہیں ہونے دیں گے۔ انہوں نے کہا کہ موجودہ معاشی بحران کے ذمے دار چند لوگ ہیں۔ صدر بش نے کہا کہ کانگریس بحران پر قابو پانے کے لیے اقدامات کو یقینی بنائے۔ انہوں نے دونوں ایوانوں سے مطالبہ کیا کہ وہ معاملے پر سنجیدگی سے غور کریں۔ بش انتظامیہ کو امریکہ کے معاشی بحران کو سہارا دینے کے لیے سات سوارب ڈالر کے مجوزہ فنڈ کی کانگریس سے منظور کرانے میں شدید مشکلات کا سامنا ہے۔مزید۔۔۔۔
صدر بش نے افغانستان میں امریکی حکمت عملی تبدیل کرنے کا حکم دے دیا
